قازىرگى تاڭدا قازاقستان رەسپۋبليكاسىنىڭ ازاماتتارى شاعىن جانە ورتا كاسىپكەرلىككە قاتىستى ساۋالدارعا ءجيى جاۋاپ ىزدەۋدە. بۇل تۋرالى «rgmedia.kz» سايتى حابارلايدى.

سەبەبى، ەلباسى نۇرسۇلتان نازارباەۆتىڭ تاپسىرماسىمەن وڭىرلەردە شاعىن جانە ورتا كاسىپپەن اينالىساتىندارعا جاعداي جاسالۋدا. «سىباعا»، «قۇلان»، «التىن اسىق»، «بيزنەستىڭ جول كارتاسى – 2020» سەكىلدى مەملەكەتتىك باعدارلامالار جۇزەگە اسىپ، «دامۋ» اق قورى، «وڭتۇستىك» (بۇرىنعى ماكسيمۋم), «ىرىس» سەكىلدى قارجىلىق ۇيىمدار كاسىپپەن اينالىسامىن دەگەن، ناقتى بيزنەس جوسپارى بار ازاماتتارعا جەڭىلدەتىلگەن نەسيە، ال، كاسىبىن كەڭەيتكىسى كەلگەن اۋىل شارۋاشىلىق ماماندارعا قايتارىمسىز سۋبسيديا بەرىپ جاتىر. مىنە، وسى جەردە كاسىپكەرلەر كوپتەگەن ساۋالدارعا جاۋاپ ىزدەيدى. وسىنداي تۇيىتكىلدەردى ەلباسى تاپسىرماسىمەن وڭتۇستىك قازاقستان وبلىسىندا جۇزەگە اسقان «اشىق اكىمدىك» جوباسى وڭاي شەشەدى. ياعني، «اشىق اكىمدىك» جوباسى شەڭبەرىندە ديقاندار، شارۋاشىلىق توراعالارى، جالپى كەز-كەلگەن كاسىپكەر سول سالاعا قاتىستى لاۋازىم يەلەرىنە ساۋال جولداي الادى. ەستەرىڭىزدە بولسا، وسىعان دەيىن ەكس وبلىس اكىمى بەيبىت اتامقۇلوۆ «اشىق اكىمدىك» جوباسى اياسىندا ونلاين كونفەرەنتسيا وتكىزىپ، وزگەلەردى وسى باستامانى قولداۋعا شاقىرعان بولاتىن. سوندا وبلىس اكىمىنە ارمان ەسىمدى ازامات بىلاي دەپ سۇراق قويدى:  

«قۇرمەتتى وبلىس اكىمى! كەلە جاتقان مەرەكەڭىز قۇتتى بولسىن! ماعان شارۋا قوجالىعىن جۇرگىزۋ ءۇشىن بەرىلگەن ءتالىمى ەگىستىك جەرىمە تۇرعىن ءۇي سالۋعا بولا ما؟»

وبلىس اكىمى: قۇرمەتتى ابسادىكوۆ ارمان، ينتەرنەت-كونفەرەنتسياعا قاتىسقانىڭىز ءۇشىن راحمەت! نەگىزىنەن قر جەر كودەكسىنىڭ تالاپتارىنا سايكەس، اۋىل شارۋاشىلىق ماقساتىنداعى ەگىستىك جەرگە تۇرعىن ءۇي سالۋعا بولمايدى. تۇرعىن ءۇي سالىناتىن جەر – ەلدى مەكەندەر جەرلەرى ساناتىنا جاتادى، ءسىزدىڭ جەرىنىز اۋىل شارۋاشىلىعى ماقساتىنداعى جەرلەر ساناتىندا، سول سەبەپتەن تۇرعىن ءۇي سالۋعا بولمايدى.

وسىلايشا، سۇراققا جاۋاپ بەرىلدى. سىزدە ساۋال بولسا، قازىردەن باستاپ، «اشىق اكىمدىك» جوباسى شەڭبەرىندە ارنايى ماماندارعا حابارلاسا الاسىز. 

اباي اقپارات