قىزمەتتى وڭتايلاندىرۋعا ارنالعان «اشىق اكىمدىك» جوباسى اياسىندا وڭتۇستىك قازاقستان وبلىسىندا كوپتەگەن يگى ىستەر اتقارىلدى، كوپتەگەن ماسەلەلەر ۋاقىت كۇتتىرمەي، ءوز شەشىمىن تاپتى. شىمكەنت قالاسى – وڭتۇستىك قازاقستان وبلىسىنىڭ ورتالىعى بولعاندىقتان، ونىڭ ارقالار جۇگى اۋىر. بۇل تۋرالى «rgmedia.kz» سايتى حابارلايدى.

وبلىس اكىمىنىڭ ناقتى تاپسىرماسىنا سايكەس قالا تۇرعىندارمەن تىعىز بايلانىستا جۇمىس ىستەپ ءجۇر.

ءال-فارابي اۋداندىق ارداگەرلەر كەڭەسىنىڭ توراعاسى م.ۋماروۆ وسىعان دەيىن قالا اكىمدىگىنە «اشىق اكىمدىك» قىزمەتى شەڭبەرىندە ۇلى وتان سوعىسى ارداگەرلەرىنىڭ كوممۋنالدى قىزمەت اقىسىن تولەۋى تۋرالى ساۋال جولداپ ەدى. جاقىندا تاعى ءبىر وزەكتى ساۋال جىبەردى.

سۇراق:– ۇلى وتان سوعىسى مەن تىل ارداگەرلەرىنىڭ تۋىلعان كۇندەرىن وزدەرىڭىزبەن بىرگەلىكتە, شاما شارقىمىز كەلگەنشە قۇتتىقتاپ جاتىرمىز. دەگەنمەن, ارداگەرلەرىمىزدىڭ 90, 95, 100 مەرەيلى تۋىلعان كۇندەرىنە قالامىزداعى دەپۋتاتتار مەن كاسىپكەرلەر تاراپىنان ءتيىستى قولداۋ كورسەتىلمەي جاتىر. وسى ارداگەر-قاريالارىمىزعا جومارت جاندى ازاماتتار كوڭىل بولسە دەيمىز.

جاۋاپ:– «8 ناۋرىز كۇنى» - شىمكەنت قالاسى اكىمى اپپاراتىنىڭ ۇيىمداستىرۋىمەن قالا اۋماعىندا تۇراتىن 29 ۇلى وتان سوعىسىنا قاتىسقان ايەل-انالارعا مەرەكە وراي سىيلىقتار تابىس ەتىلدى. ۇلى وتان سوعىسىنىڭ جەڭىستىڭ 70 جىلدىعىنا وراي 9 مامىر قارساڭىندا «ۇلى وتان سوعىسىنىڭ ارداگەرلەرىنە» «ەرەڭ ەڭبەگى ءۇشىن مەدالمەن ماراپاتتالعان تىل ارداگەرلەرىنە» جانە جاۋىنگەر جەسىرلەرىنە 5 مامىر كۇنى 500 ارداگەرگە قالا اكىمىنىڭ قاتىسۋىمەن سالتاناتتى تۇردە مەرەكەلىك داستارحاندا جانە 800 ارداگەرگە «داڭق» مەموريالدىق گۇل شوقتارىن قويۋ جانە ەسكە الۋ جانە اسكەري «دالا بوتقاسى» مەرەكەلىك ءىس-شاراسلارى ءوتتى. دەمەۋشىلەر تاراپىنان 9 مامىر جەڭىس كۇنىنە وراي جشس «ديگدار»، ءتىس پروتەز جاساۋعا «ماستەر دەنت» ەمحاناسى، «ارايلى» تىگىن فابرياكاسى سىي –سياپاتتار كورسەتىلدى. سونىمەن قاتار، 15 ۇلى وتان سوعىسى ارداگەرلەرىنە دەمەۋشىلىك ەسەبىنەن ارنايى مەرەي تويلارىنا اقشالاي جانە زاتتاي كومەك كورسەتىلدى.

اباي اقپارات