سىبايلاس جەمقورلىقسىز قوعام، اقاپاراتقا قولجەتىمدى قوعام، وڭتايلاندىرىلىعان قۇجات، ساپالى مەملەكەتتىك قىزمەت كورسەتۋ تۇرلەرى... مۇنىڭ بارلىعى وڭتۇستىك قازاقستان وبلىسىندا جۇزەگە اسقان "اشىق اكىمدىك" جوباسىنا قاتىستى بەرىلگەن باعا. بۇل تۋرالى «rgmedia.kz» سايتى حابارلايدى.

 وڭىردە جاڭا قىزمەتتىڭ مۇمكىندىگىن پايدالانىپ، ماسەلەلەرىن جوعارى بيلىككە جەتكىزىپ وتىرعان ازاماتتار بارشىلىق. ماسەلەن  شىمكەنت قالاسى  تەمىرلان تاسجولى №40 ءۇي ءتورايىمى جانات مۇستافينا  بيلىككە مىناداي ماسەلەسىن جەتكىزىپتى.

ول وتكەن جىلى اباي اۋدانىندا قالا ورتالىعىنداعى ۇيلەردىڭ اۋلالارىن جارىقتاندىرۋ جۇمىستارى جۇرگىزىلگەنىن ايتىپ، ماماندارعا العىسىن جەتكىزە وتىرىپ،  بيىل دا بۇل ءىس  جالعاسىن تابادى ما دەگەن ساۋالىن جولداعان ەكەن. ماماندار جاۋاپ رەتىندە 2015 جىلى اباي اۋدانى اۋماعىنداعى 20 كوپقاباتتى تۇرعىن ءۇي اۋلالارى جارىقتاندىرىلىپ پايدالانۋعا بەرىلگەندىگىن ايتقان. سونىمەن قاتار وسى جۇمىستاردى جالعاستىرۋ ماقساتىندا اعىمداعى جىلى اباي اۋدانى بويىنشا 60 كوپقاباتتى تۇرعىن ءۇي اۋلالارىن جارىقتاندىرۋ كوزدەلگەن ەكەن.

ونىڭ ىشىندە تەمىرلان تاسجولى №40 ءۇي اۋلاسى ەنگىزىلگەن. ۋادە ەتىلگەندەي اتالعان اۋلالار بيىل تولىعىمەن جارىقتاندىرىلعان. تۇرعىندار، اسىرەسە اتا-انالار تاراپىنان بۇل يگى ىسكە العىستارىن ايتۋدا. سەبەبى اسىرەسە قىس ايلارىندا مەكتەپتەن قايتاتىن ۇل-قىزدارى ءۇشىن الاڭتايتىن اتا-انالار ەندى ۋايىمدامايتىن بولدى.

اباي اقپارات