قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي كەنتاۋ قالاسىندا پلاستيكالىق قالدىقتاردى قايتا وڭدەيتىن جاڭا كاسىپورىن ىسكە قوسىلدى.

جاڭادان اشىلعان «ستاتۋس ەۆەرەست» جشس-ءنىڭ سالتاناتتى شاراسىنا قر ينۆەستيتسيا جانە دامۋ مينيسترلىگى، كولىك كوميتەتى توراعاسىنىڭ ورىنباسارى قايريدەن نۇركەنوۆ، قالا اكىمى ابدىباقىت ماقۇلباەۆ پەن زيالى قاۋىم وكىلدەرى قاتىستى.
2014 جىلى كەنتاۋ قالاسىنداعى يندۋستريالدى ايماقتا قۇرىلىسى باستالعان وندىرىستىك كاسىپورىننىڭ سمەتالىق جوباسى 100 ملن. تەڭگەنى قۇرايدى. 
اتالعان زاۋىت پلاستيكالىق قاتتى قالدىقتاردى قايتا وڭدەپ، كادەگە جاراتۋ ءۇشىن ەكىنشى رەتتىك شيكىزاتتىق ءونىم دايىندايدى. 
دايىن شيكىزاتتى قازاقستان مەن رەسەي فەدەراتسياسىنىڭ چەليابينسك، ەكاتەرينبۋرگ، ماسكەۋ، سامارا قالالارىنا ەكسپورتتاۋ جوسپارلانىپ وتىر. قازىرگى تاڭدا اتالعان كاسىپورىندا 25 ادام جۇمىس ىستەيدى.
ساعاتىنا 300-500 كەلى كولەمىندە پلاستيكالىق قاتتى قالدىقتاردى وڭدەۋگە قاۋقارلى زاۋىتتا 1 ايدا 80-100 توننا قالدىقتاردى وڭدەۋدى جوسپارلاپ وتىر.

Abai.kz