اپتا باسىندا بايدىبەك  اۋدانىنىڭ اكىمى باقىتبەك تاناگوزوۆتىڭ  توراعالىعىمەن  اۋدان  اكىمدىگىنىڭ  كەڭەيتىلگەن  ءماجىلىسى ءوتتى. بۇل تۋرالى «rgmedia.kz» سايتى حابارلايدى.

بۇل تۋرالى اۋدان اكىمدىگىنىڭ رەسمي سايتى  ەسەپ بەرۋگە مىندەتتى قوعامدى قالىپتاستىرۋ، مەملەكەتتىك قىزمەت كورسەتۋ تۇرلەرىنىڭ ساپاسىن ارتتىرۋ مەن بيلىك پەن حالىقتىڭ اراسىندا التىن كوپىر ورناتۋ ءۇشىن جۇزەگە اسىرىلىپ جاتقان "اشىق اكىمدىك" جوباسى نەگىزىندە حابارلاپ وتىر. حالىق پەن بيلىك وكىلدەرىنىڭ اراسىندا اشىق بايلانىس ورناتىپ وتىرعان ماماندار تۇرعىندارمەن الەۋمەتتىك جەلىلەر ارقىلى جاقىنداي تۇسۋدە. ماسەلەن "اشىق اكىمدىك" جوباسىن فەيسبۋك، ينستاگرامنان تابۋعا بولادى. وسى سەكىلدى الەۋمەتتىك جەلىلەردەن اكىمدىكتىڭ جينالىستارىن، جاڭالىقتاردى وقۋعا جانە دە ءاربىر تۇرعىن ءوز ءوتىنىشىن، ارىز-شاعىمىن، ۇسىنىس-تىلەكتەرىن بىلدىرە الادى. 

 ماجىلىسكە قوعامدىق ۇيىم توراعالارى، اۋىل اكىمدەرى، ءبولىم باسشىلىرى، ءبىلىم، دەنساۋلىق، مادەنيەت، سپورت، ىشكى  ىستەر ورگاندارىنىڭ  قىزمەتكەرلەرى جانە باق وكىلدەرى قاتىستى. كۇن تارتىبىندە تاۋەلسىزدىكتىڭ 25 جىلدىعىن اتاپ ءوتۋ بويىنشا بەكىتىلگەن ءىس-شارا جوسپارىنىڭ ورىندالۋ بارىسى، اۋدان اكىمى ورىنباسارلارىنىڭ اتقارعان جۇمىستارى، ونداعى شەشىمىن تاپپاي جۇرگەن وزەكتى ماسەلەلەر، قىسقى ماۋسىمعا دايىندىق بارىسى جانە اۋدانداعى  قىلمىستىڭ احۋالى جونىندە تالقىلاندى.  كەڭەيتىلگەن ءماجىلىستىڭ  كۇن تارتىبىندەگى  ماسەلەلەرگە اۋدان باسشىسى  جەكە توقتالىپ،  ءتيىستى سالا باسشىلارىنا  اتقارىلاتىن جۇمىستارعا ءىس-شارا ءتۇزىپ،  جۇمىس جۇرگىزۋگە ناقتى تاپسىرمالار بەردى.

اباي اقپارات