مەملەكەتتىك قىزمەتتەر كورسەتۋ سالاسى جانە "اشىق اكىمدىك" جوباسى اياسىندا وڭتۇستىك قازاقستان وبلىسىنىڭ جەرگىلىكتى اتقارۋشى ورگاندارىمەن قازاقستان رەسپۋبليكاسى زاڭناماسىنىڭ ەرەجەلەرى مەن تالاپتارىن ۇستانۋ بويىنشا جۇمىستار جۇرگىزىلۋدە. بۇل تۋرالى «rgmedia.kz» سايتى حابارلايدى.

2016 جىلدىڭ جارتى جىلدىعىندا «جەرگىلىكتى اتقارۋشى ورگاندار كورسەتەتىن مەملەكەتتىك قىزمەتتەردىڭ كورسەتىلۋ ساپاسىنا قاناعاتتانۋشىلىق دەڭگەيىن ارتتىرۋ» ماقساتتى ينديكاتورى  93,2%  قۇرادى.

مەملەكەتتىك قىزمەتتەر كورسەتۋ ساپاسىن جاقسارتۋ ماقساتىندا مەملەكەتتىك ورگاندارمەن شارالار قابىلدانۋدا، ونىڭ ىشىندە حالىققا قىزمەت كورسەتۋ ورتالىعى ارقىلى.

2016 جىلى اۋىل شارۋاشىلىعى، ءبىلىم، تۋريزم، حالىقتى الەۋمەتتىك قورعاۋ جانە ساۋلەت سالالارىنداعى 11 قىزمەت بويىنشا جاڭا رەگلامەنتتەر بەكىتىلدى.  مەملەكەتتىك كورپوراتسيامەن بايلانىستى 64 قىزمەت بولسا، ونىڭ 63-ى بويىنشا رەگلامەنتتەر بەكىتىلدى.

اعىمداعى جىلدىڭ قاڭتار-ماۋسىم ايلارىندا مەملەكەتتىك ورگاندارمەن 8 225 832 قىزمەت كورسەتىلدى، ونىڭ ىشىندە مەملەكەتتىك كورپوراتسيا ارقىلى 150 878, ەلەكتروندى تۇردە – 40 106, قاعاز تۇرىندە - 8 034848.

قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ 2016 جىلعى 16 اقپانداعى №35 بۇيرىعىمەن بەكىتىلگەن مەملەكەتتىك قىزمەت كورسەتۋ ساپاسىن مەملەكەتتىك باقىلاۋ ەرەجەسىنە سايكەس تۇراقتى نەگىزدە ىشكى باقىلاۋ جۇمىستارى جۇرگىزىلەدى.

مەملەكەتتىك كورسەتىلەتىن قىزمەتتەر ساپاسىنا ىشكى باقىلاۋ جۇرگىزۋدىڭ كەستەسى وبلىس اكىمى اپپاراتى باسشىسىنىڭ 2016 جىلعى 5 مامىرداعى №261 بۇيرىعىمەن بەكىتىلدى.

مەملەكەتتىك كورسەتىلەتىن قىزمەتتەر بويىنشا بۇگىنگى كۇنى اتقارىلىپ جاتقان جۇمىستار، نورماتيۆتىك قۇقىقتىق اكتىلەرگە ەندىرىلىپ جاتقان وزگەرىستەر بويىنشا ءتيىستى ءتۇسىندىرۋ جۇمىستارى جۇرگىزىلدى.

سونداي-اق، ەلەكتروندى ۇكىمەت اياسىنداعى جۇمىستاردى دامىتۋ، قىزمەتتەردى مۇمكىندىگىنشە پورتال جانە حالىققا قىزمەت كورسەتۋ ورتالىقتارى ارقىلى ۇسىنۋ بويىنشا جۇمىستار اتقارىلۋدا. 

جالپى، مەملەكەتتىك قىزمەتتەر قورسەتۋ سۇراقتارى وبلىس اكىمدىگىنىڭ تۇراقتى باقىلاۋىندا، مەملەكەتتىك قىزمەتتەردىڭ ساپاسىن جاقسارتۋ جۇمىستارى ارى قاراي جالعاساتىن بولادى.

اباي اقپارات