بيىل وڭتۇستىك قازاقستان وبلىسى ارىس قالاسى بويىنشا 5239 گەكتاردان استام جەرگە ەگىلگەن باقشا ونىمدەرىنەن بۇگىنگى تاڭعا دەيىن 104178 توننا ءونىم الىندى. بۇل تۋرالى «rgmedia.kz» پورتالى حابارلادى.

وڭىردە «اگروبيزنەس 2020» باعدارلاماسى اياسىندا كوپتەگەن اۋىل شارۋاشىلىعى جوبالارى جۇزەگە اسۋدا. سىر انا مەن ارىس وزەنىن تەل ەمگەن ارىس قالاسىنىڭ ديقاندارى وزدەرىنىڭ باقشا ونىمدەرىن (قاربىز-قاۋىن) وبلىس ورتالىعى شىمكەنت قالاسى مەن ەلىمىزدىڭ استانا، الماتى، اقتاۋ، اتىراۋ، اقتوبە، قاراعاندى، پاۆلودار قالالارىن قامتىدى.

قازىرگى تاڭدا باقشا ونىمدەرىنىڭ ەكسپورتى ەۋرو وداق ەلدەرىنە شىعارىلا باستادى. مىسالى، «اققالا» كووپەراتيۆى قاۋىن ونىمدەرىن گەرمانيا، بالتىق ەلدەرىنە، رەسەي فەدەراتسياسىنىڭ استاناسى ماسكەۋ قالاسىنا، ءنوۆوسىبىر، پەنزا، سامارا وبلىستارىنا جونەلتىلۋدە.

جىلداعى ونىممەن سالىستىرعاندا ءونىمدى مولىنان العان ارىستىق ديقاندار الا جازداي ەتكەن ەڭبەكتەرىنىڭ اقتالعانىنا قۋانىشتى.

جالپى 2016 جىلدىڭ 6 ايىندا ارىستا 3.182 ملن. تەڭگەنىڭ اۋىل شارۋاشىلىعى ونىمدەرى ءوندىرىلىپ، ناقتى كولەم يندەكسى 102,3% قۇرادى. جىل سوڭىنا دەيىن كولەم يندەكسىن 105,0% جەتكىزۋ كوزدەلۋدە. مال باسى جانە ودان الىناتىن مال ونىمدەرى 2015 جىلدىڭ جانە 2016 جىلدىڭ قورىتىندىسىمەن الدىڭعى جىلدارعا قاراعاندا بارلىق تۇرىنەن ارتتى.

2016 جىلدىڭ 6 ايعا ەگىس ەگۋ تاپسىرماسى 101,0 پايىزعا ورىندالدى. ونىڭ ىشىندە سۋارمالى جەر يگەرۋ تاپسىرماسى 15,0 مىڭ گا، ال ورىندالعان 13,4 گا، ياعني 89,5% قۇرايدى.

Abai.kz