بۇگىن قازاقستان رەسپۋبليكاسى قارجى مينيسترلىگىندە قازاقستان-يزرايل ساۋدا-ەكونوميكالىق ىنتامقتاستىق جونىندەگى كوميسسياسىنىڭ 7-ءنشى وتىرىسى ءوتتى.

كوميسسيانى قازاقستان تاراپىنان قازاقتان رەسپۋبليكاسىنىڭ قارجى ءمينيسترى باقىت سۇلتانوۆ، يزرايل تاراپىنان يزرايل مەملەكەتىنىڭ قورشاعان ورتانى قورعاۋ جانە يەرسۋلايم مەن دياسپورا ىستەرى جونىندەگى ءمينيسترى زەەۆ ەلكين باسقاردى.

كوميسسيانىڭ وتىرىسى شەڭبەرىندە قازاقستان مەن يزرايل اراسىنداعى ساۋدا، كاسىپكەرلىك پەن ينۆەستيتسيا، اۋىل شارۋاشىلىعى، دەنساۋلىق ساقتاۋ، اقپاراتتىق-كوممۋنيكاتسيالىق تەحنولوگيالار سالاسىنداعى ەكىجاقتى ىنتىماقتاستىقتىڭ وزەكتى جانە پەرسپەكتيۆالى باعىتتارى، سونداي-اق يزرايل مەملەكەتىنىڭ پرەمەر-ءمينيسترى ب. نەتانياحۋدىڭ قازاقستان رەسپۋبليكاسىنا ساپارى بارىسىندا ەكىجاقتى قۇجاتتاردى قول قويۋعا دايىنداۋ ماسەلەلەرى تالقىلاندى.

سونداي-اق، وتىرىس بارىسىندا تاراپتار ءوزارا ساۋدانىڭ قازىرگى كۇيى مەن كولەمىن قارادى جانە ەكى مەملەكەت اراسىنداعى ساۋدا-ەكونوميكالىق قاتىناستاردى نىعايتۋ ماڭىزدىلىعى مەن قاجەتتىلىگىن بەكىتتى.

2016 جىلدىڭ 9 ايى ىشىندەگى قازاقستاننىڭ يزرايلمەن تاۋار اينالىمى كولەمى 236,9 ملن. اقش دولل. قۇرادى (ەكسپورت – 196,9 ملن. اقش دولل.، يمپورت – 40,0 ملن. اقش دولل.), ول ءوز كەزەگىندە 2015 جىلدىڭ وسىعان ۇقساس كەزەڭىمەن (239,9 ملن. اقش دولل.) سالىستىرعاندا 1,3 %-عا از (ەكسپورت –
181,5 ملن. اقش دولل.، يمپورت – 58,4 ملن. اقش دولل.).

وسىعان بايلانىستى، ساۋدانى دامىتۋ ماقساتىندا تاراپتار ەۋرازيالىق ەكونوميكالىق وداق پەن ونىڭ مۇشە مەملەكەتتەرى جانە يزرايل مەملەكەتى اراسىنداعى ەركىن ساۋدا ايماعى تۋرالى كەلىسىم جاساسۋ بويىنشا كەلىسسوزدەردى باستاۋدىڭ ماڭىزدىلىعىن اتاپ ءوتتى.

دەنساۋلىق ساقتاۋ سالاسىنداعى ىنتىماقتاستىقتى جانداندىرۋ، اتاپ ايتقاندا قازاقستاندىق مامانداردىڭ ءيزرايلدىڭ الدىڭعى قاتارداعى مەديتسينا ورتالىقتارىندا بىلىكتىلىگىن ارتتىرۋ، جانە يزرايل ماماندارىنىڭ قاتىسۋىمەن ماستەر-كلاسستار وتكىزۋ بويىنشا ۋاعدالاستىققا قول جەتكىزىلدى.

يزرايل تاراپى اۋىل شارۋاشىلىعى سلااسىنداعى ىنتىماقتاستىقتى دامىتۋعا قىزىعۋشىلىق تانىتتى. «ۇشقوڭىر» تامشىلاتىپ سۋارۋ بويىنشا قازاقستان-يزرايل ورتالىعىن حالىقارالىق ورتالىققا اينالدىرۋ، سونداي-اق قازاقستاندا دەمونستراتسيالىق فەرما قۇرىلىسى بويىنشا بىرىككەن كونسورتسيۋمدى قۇرۋعا ەرەكشە نازار اۋدارىلدى.

ەكونوميكالىق ىنتىماقتاستىقتى كەڭەيتۋ جانە قازاقستاندىق جانە يزرايلدىك كومپانيالار مەن بيزنەس-دەلاگاتسيالاردىڭ ساۋدا كورمەلەرى مەن ءىس-شارالارعا بەلسەندى قاتىسۋىن ىنتالاندىرۋ ماقساتىندا ەكى تاراپ ىسكەر ورتالار مەن شەشىم قابىلداۋ دەڭگەيىندەگى، ونىڭ ىشىندە ۇكىمەت وكىلدەرى ىشىنەن تۇلعالاردىڭ 2017 جىل ىشىندە ەكى ەلدە وتەتىن كوممەرتسيالىق ءىس-شارالارعا بەلسەندى قاتىسۋىنا كومەك كورسەتۋگە كەلىستى.

اباي اقپارات