تاۋەلسىزدىك العاننان كەيىنگى جىلدارى ەسكى تاسىلمەن جۇمىس ىستەپ كەلگەن شارۋالاردىڭ الدىنا اۋىل شارۋاشىلىعىن وركەندەتۋ، يننوۆاتسيالىق تەحنولوگيالاردى ەندىرۋ، سونىڭ ءبىر باسىم باعىتى رەتىندە جىلىجاي سالىپ، باقشا، كوكونىس ونىمدەرىن ەسەلەپ ارتتىرۋ، جەردى ءتيىمدى يگەرۋ وسى ارقىلى كورشى ەلدەردىڭ يمپورتىنان قۇتىلۋ ماقساتى قويىلعان ەدى.

بۇگىندە سول ماقساتقا اقىرىنداپ جەتىپ كەلەمىز. جۇرگىزىلگەن ءتيىمدى رەفورمالاردىڭ ارقاسىندا ەلىمىزدە جىل ساناپ جىلىجايلار سانى ارتۋدا. اسىرەسە كوكتەم مەن كۇزى جىلى، جازى ىستىق كەلەتىن وڭتۇستىك قازاقستان وبلىسىندا بۇل كاسىپ ەرەكشە دامىعان. سوڭعى دەرەكتەرگە جۇگىنسەك، بۇكىل قازاقستان بويىنشا جىلىجاي كولەمىنىڭ 75 پايىزدان استامى كۇنگەيدەگى وسى وبلىستىڭ ۇلەسىندە ەكەن. ال 2016 جىلى جىلىجاي ورنالاستىرىلاتىن جەردىڭ كولەمىن ەلباسىنىڭ تاپسىرماسىنا سايكەس 800 گەكتارعا جەتكىزۋ جوسپارلانعان ەدى. بۇگىنگى كۇننىڭ وزىندە ەلىمىزدىڭ سولتۇستىك ايماقتارى جانە گەرمانيا مەن رەسەيدى باقشا ونىمدەرىمەن قامتاماسىز ەتىپ وتىرعان ءوڭىرىمىز ءوزىمىزدى دە قارىق قىلىپ، وزگەگە دە بەرەتىنى مول بولماق. 

اسىرەسە وڭتۇستىك ءوڭىردىڭ جىلىجايلار ءونىمى ۇلكەن سۇرانىسقا يە بولۋدا. بۇل دا بولسا وڭتۇستىك وڭىردەگى جەردى يگەرۋ باعدارلاماسىنىڭ تولىعىمەن جۇزەگە اسىپ جاتقانىنىڭ بەلگىسى بولسا كەرەك. ماسەلەن ماقتارال اۋدانىنا قاراستى "حامرو-اتا" شارۋا قوجالىعىنىڭ باسشىسى بوەۆ ابدۋجاليل 2,0 گا جەرگە جىلىجاي ينۆەستيتسيالىق جوباسىن ىسكە اسىرعان. بۇگىندە شارۋا قوجالىعى يەسىن وڭىردەگى وزىق شارۋالاردىڭ قاتارىنا ەندىرىپ وتىرعان جىلىجايدان الداعى ۋاقىتتا كۇتىلەر ءۇمىت زور بولىپ وتىر. 

Abai.kz