«اتا مەكەن» پارلامەنتتىك فراكتسيانىڭ مۇشەلەرى تەكەباەۆتىڭ قاماۋعا الىنۋىنىڭ ساياسي استارى بار دەپ مالىمدەپ، ارنايى كوميسسيا قۇرۋدى تالاپ ەتكەن. تالقىلاۋ بارىسىندا بىرقاتار دەپۋتاتتار ونىڭ ماسەلەسىن قىلمىستىق ءىس قوزعالعان ەكى دەپۋتاتقا قاتىستى قۇرىلعان كوميسسيا اياسىندا قاراۋدى ۇسىنعان. وسىلايشا، «اتا مەكەن» فراكتسياسىنىڭ ءۇش دەپۋتاتىنىڭ ۇستىنەن قوزعالعان قىلمىستىق ءىستى ءبىر كوميسسيا قارايدى.

دەپۋتات ايدا ساليانوۆاعا قارسى قىلمىستىق ءىس قوزعالعاننان كەيىن جوگوركۋ كەڭەشتە كوميسسيا قۇرۋ جونىندە 8 اقپاندا شەشىلگەن. ەندى كوميسسيا ءبىر ايدان كەيىن قورىتىندى شىعارۋعا ءتيىس.

ازىرگە بىشكەكتە ومىربەك تەكەباەۆتى قولداۋعا ارنالعان ميتينگ اياقتالدى. «اۋا-رايى وزگەرىپ جاتىر. الدىن ايتقانداي، ءبىزدىڭ اكتسيا تەكەباەۆ بوستاندىققا شىقپايىنشا، جالعاسا بەرەدى. الايدا اراسىندا ءۇزىلىس بولىپ تۇرادى»، - دەدى ايدا ساليانوۆا.

28 اقپاندا تەكەباەۆ بىشكەك قالاسى ءبىرىنشى ماي اۋداندىق سوتىنىڭ شەشىمى بويىنشا ەكى ايعا قاماۋعا الىندى. ول رەسەيلىك كاسىپكەر لەونيد ماەۆسكيدىڭ ارىزى بويىنشا ۇستالعان. كاسىپكەر 2010 جىلى تەكەباەۆقا «مەگاكوم» كومپانياسىنىڭ اكتسياسىن يەلەنۋ ءۇشىن ءبىر ميلليون دوللار بەرگەنىن ايتقان.

Abai.kz