ەۋرووداق اتامباەۆتان كۇزدە ءادىل پرەزيدەنتتىك سايلاۋ وتكىزۋىن سۇرادى
ەۋروپالىق وداقتىڭ شەتەل ىستەرى جانە ساياسي قاۋىپسىزدىك جونىندەگى جوعارعى وكىلى فەدەريكا موگەريني بريۋسسەلدە قىرعىزستان پرەزيدەنتى المازبەك اتامباەۆپەن كەزدەستى، دەپ حابارلادى ەۋرووداقتىڭ قىرعىزستانداعى وكىلدىلىگى.
ادام قۇقىعى مەن الەۋمەتتىك تەڭدىك تۋرالى ءسوز قوزعاعان موگەريني قىرعىزستاندى "دەموكراتياعا نەگىزدەلگەن ساياساتتى جالعاستىرۋعا، ادام قۇقىقتارى مەن ەركىندىكتەرىن ساقتاۋعا" شاقىردى.
موگەريني ەۋروپالىق وداقتىڭ دەموكراتيانى دامىتۋ مەن ەكونوميكالىق ءوسىمدى قامتاماسىز ەتۋدە قىرعىزستان بيلىگىنە كومەكتەسە بەرەتىدىگىن اتاپ ءوتتى. بۇعان قوسا ول قىرعىزستاندا سايلاۋ جۇيەسىن رەفورمالاۋداعى جەتىستىكتەرىن ايتىپ، بيىل كۇزدەگى پرەزيدەنتتىك سايلاۋدىڭ اشىق ءارى ءادىل وتكىزۋدىڭ ماڭىزدىلىعىنا توقتالدى.
اتامباەۆتىڭ بريۋسسەلدەگى رەسمي ساپارى قارساڭىندا قىرعىزستان سوتى ادام قۇقىعىن قورعاۋشى ءازىمجان اسقاروۆقا ءولىم جازاسىن كۇشىندە قالدىرۋ تۋرالى شەشىم شىعارعان ەدى. ۇلتى وزبەك ازاماتتىق بەلسەندىنى 2010 جىلى ماۋسىم وقيعاسىندا جاپپاي تارتىپسىزدىك ۇيىمداستىرعان، كىسى ولتىرۋگە قاتىسقان دەپ ايىپتادى. ادام قۇقىعىن قورعاۋشىنى بوساتۋدى بۇۇ-نىڭ ادام قۇقىقتارى جونىندەگى كوميتەتى مەن حالىقارالىق ۇيىمدار تالاپ ەتكەن بولاتىن.
اباي-اقپارات
