14 اقپان  كەيبىر مەملەكەتتەر دە «عاشىقتار كۇنى»، «ماحاببات كۇنى»، «ۆالەنتين كۇنى» دەپ اتالىپ وتىلەدى. ەلىمىزدە اتالعان مەيرامعا بايلانىستى ەكى ۇشتى پىكىرلەر ءجۇر.

بۇرىندا ادامنىڭ كىم ەكەنىنە باعا بەرەر دە، ونىڭ تۇتىنعان ۇستانىمىن زەرتتەيتىن بولعان. ال، قازىرگى ۇستانىمعا كوز جۇگىرتىپ كورەلىك. حح عاسىردىڭ ءبىرىنشى جارتىسىندا ءومىر سۇرگەن اتاقتى قاراقشى ميشكا ياپونچيك، ەۆروپادا، قازىرگى جاستاردىڭ ۇلگى الاتىن كوزايىمىنا اينالعان. ونىڭ جۇزدەگەن ادامنىڭ جانىن قيىپ، ونداعان بانكتى توناپ، جاساعان قىلمىستارىن قازىر كوپتەگەن جاستار «ەرلىك» دەپ باعالاپ، دارىپتەپ ءجۇر. قاراقشىعا ارناپ، كوركەم فيلم شىعارىلىپ، ءان ارنالىپ، بالالارىنا ونىڭ اتىن قويىپ، ونى جاستاردىڭ ەلىكتەپ، ۇلگى الاتىن پىرىنە اينالدىرۋ كەڭىنەن كوزدەلۋدە. ال، يتاليان مافياسىنىڭ باسشىسى ال كاپونە دە، قازىر ءدال سولاي دارىپتەلۋدە. سوندىقتان بۇگىنگى كۇنمەن ءومىر ءسۇرۋ، ياعني ۇيالماعان بۇيىرماعاننان جەۋ، بەرمەسە تارتىپ الۋ پسيحولوگياسى جاستاردىڭ ساناسىنا بارىنشا ەگىلۋدە.

بۇلاردان، ازىرگە ءبىزدىڭ جاستارىمىز ۇلگى الماسا دا، جاستارىمىزدىڭ ىشىندە شىركەۋ لاعنەت (انافەما) جاريالاعان ۆالەنتيندى، «اۋليە» دەپ، ماحابباتتىن جەبەۋشىسىنە اينالدىرۋدى كوزدەپ جۇرگەندەر بارشىلىق. شىركەۋ، ءناپسىنى، ياعني جىنىستىق ءلاززاتى، جۇرەك، اقىل بىلاي تۇرسىن، سانانىڭ ۇستىنە شىعارىپ، «ماحاببات ءۇشىن بارىنەن، بارىنەن دە بەزۋگە بولادى» دەپ، ءوزىنىڭ شىركەۋ قىزمەتكەرى ەكەنىن پايدالانىپ، جاۋىنگەرلەردى جاسىرىن نەكەلەپ، اسكەردەگى ءتارتىپتى السىرەتىپ، مىڭجىلدىق تاريحى بار ريم يمپەرياسىنىڭ قۇلاۋىنا سەبەپ بولعانداردىڭ ءبىرى رەتىندە، ونى ءولىم جازاسىنا كەسكەن. جاۋىنگەرلەر وزىنە تاپسىرىلعان كۇزەتۋ، ت.ب. مىندەتتەرىن ۇمىتىپ، ءناپسى ايداۋىمەن «ماحاببات» ىزدەيتىن بولعان. ناتيجەدە اسكەر ىدىراپ، ريم قۇلادى. ۆالەنتين «نەكە اسپاندا قيىلادى» (سويۋز سكرەپلياەتسيا نا نەبەساح) دەپ، جاراتۋشىنى مەڭزەپ، ۇيلەنگەندەردىڭ نەكەسى جاريالى قيىلۋ قاجەتتىلىگىن جوققا شىعارىپ، «ازاماتتىق نەكەنى»، ياعني نەكەسىزدىكتى دارىپتەپ، باسى بوس ايەل بىلاي تۇرسىن، بىرەۋدىڭ نەكەلى جۇبايىن، باسقا بىرەۋمەن «ماحاببات ءشولىن» قاندىرعانشا قوسىپ، قايتادان اجىراتىپ وتىرعان. وسى ارەكەتىنە بايلانىستى، «ماحاببات ءۇشىن قۇربان بولعان اۋليە» دەپ، ونى قازىر دارىپتەپ ءجۇر. دارىپتەۋ ناتيجەسىندە، «ماحاببات مايتالمانى» اتانعان ماليبۋ ءتارىزدى، مىڭداعان ەركەكپەن «كەزدەسكەن»، ءبىر «كەزدەسۋى» ءبىر ميلليون دوللار تۇراتىن، جەزوكشەلەر پايدا بولدى. ولدا ەشتەڭە ەمەس، باتىستىڭ وقۋشى قىزدارىنىڭ، ونى ء«پىرىم» دەپ ەسەپتەۋمەن شەكتەلمەي، «ۇلكەيگەندە مەندە، جەزوكشە بولام» دەۋى، قورقىتادى. مۇنىڭ، باتىسقا ەلىكتەيتىن، بىزگە دە كەلمەسىنە كىم كەپىل؟ (دەرەك كوزگە م.كورپەليەۆتىڭ «ۇيلەسىمدىلىك الىپپەسى»، الماتى-2014, اتتى ەڭبەگى پايدالانىلدى. 201-209 بەتتەر).

ال، شىندىعىندا قازىر ەلىمىزدىڭ وزگە ۇلتتار (ەۋروپالىقتار) كوبىرەك شورعىرلانعان وڭىرلەرىن دە «نۋديستەر» بار ما - بار، گەيلەر بار ما – بار، لەسبيلەر بار ما بار، قىزداردىڭ، ەرلەردىڭ ءبىر-بىرلەرىنە ۇيلەنۋلەرى بار ما – بار، «ازاماتتىق نەكە» بار ما - بار، جەزوكشەلەر بار ما – بار. ولار قازىر قازاقستاننىڭ وزگە وڭىرلەرىنە دە ەتەك جايىپ كەلەدى.

قازاقتىڭ بارلىق ازاماتتارىنا مۇنداي ماسقارالىقتىڭ الدىنا الىنباس قامال، توسقاۋىل قويماعى ءلازىم.

قازاقتىڭ ارلى ۇلدارى مەن ارۋ قىزدارىنا «عاشىقتار كۇنى» دەپ 15 ءساۋىر «قوزى كورپەش – بايان سۇلۋ» كۇنىن تويلاماعى ءلازىم.

وسى جولداردى وقىعان بارشاڭىزعا ۇلى جاراتۋشى اللا يمان بەرگەي!

قوجىربايۇلى مۇحامبەتكارىم، ماڭعىستاۋ

Abai.kz