سەناتور مۇرات باقتيارۇلى قىزىلوردا وبلىسىنداعى جۇمىس بابىنداعى ساپارىندا شيەلى اۋدانىنداعى بىرقاتار الەۋمەتتىك نىسانداردا بولىپ، جاڭا ىقشام اۋداندارداعى ينفراقۇرىلىمداردىڭ جۇمىستارىمەن تانىستى.

دەپۋتات ماحامبەت اۋىلدىق وكرۋگىندەگى جەرگىلىكتى تۇرعىندارمەن كەزدەسۋ وتكىزدى. جۇرتشىلىققا ەلباسىنىڭ قازاقستان حالقىنا جولداۋى، بيلىك تارماقتارىنىڭ وكىلەتتىلىگىن قايتا ءبولۋ جونىندەگى كونستيتۋتسيالىق رەفورمالار تۋرالى جان-جاقتى ءتۇسىندىرۋ تۇرعىسىندا اڭگىمە بولدى. تۇرعىندار سونىمەن قاتار پارلامەنتتىڭ زاڭ شىعارۋ قىزمەتى، اسىرەسە، زەينەتاقى، الەۋمەتتىك تولەمدەر جانە مىندەتتى الەۋمەتتىك مەديتسينالىق ساقتاندىرۋ جانە باسقا دا زاڭدار تۋرالى ساۋالدار قويدى.

دەپۋتات قويىلعان بارلىق سۇراقتارعا جاۋاپ بەرىپ، ەلباسىنىڭ جولداۋىنان تۋىندايتىن مىندەتتەر جانە ىسكە اسىپ جاتقان باعدارلامالاردىڭ ماڭىزدىلىعىن بايانداپ بەردى. سونداي-اق اۋىلداعى قارجى ءبولىنىپ، جاسالىپ جاتقان يگىلىكتى ىستەرگە وڭ پىكىرىن ءبىلدىردى. سەنات دەپۋتاتىنىڭ الداعى ساپارى اۋدانداعى بوتاباي جانە ايدارلى اۋىلدارىندا جالعاسادى.

اباي اقپارات