ۋاقىتشا تىركەۋگە قاتىستى زاڭدى ۇكىمەتتىڭ ازاماتتاردىڭ قاۋىپسىزدىك ماسەلەسىمەن ۇسىنعانى انىق. "جاعداي ۋشىقسىن، مىنا حالىقتى قينايىق" دەگەن نيەتپەن جاسالماعانى تۇسىنىكتى. بىراق، ونى رەتتەۋ مەحانيزمى ابدەن ساراپتالماي، سيتۋاتسيانى باقىلاۋعا الۋعا تىرىسىپ، تىم اسىعىس قابىلداي سالعانى كورىنىپ تۇر.

بۇل سالانىڭ مامانى ەمەسپىن، بىراق شەتەلدە ءبىر جارىم جىلعا جۋىق ۋاقىت تۇرىپ جاتقانىما بايلانىستى مۇنداعى تاجىريبەنى جازعىم كەلەدى. اۋەلى، بريتانيادا پروپيسكا جۇيەسى مۇلدە جوق. قايدا تۇرىپ جاتقانىڭىزدى دالەلدەۋ ءۇشىن جالعا الۋ كەلىسىم-شارتىن، ءتىپتى كوممۋنالدىق قىزمەتى تولەمىن كورسەتسەڭىز دە جەتكىلىكتى. كىم قايدا تۇرامىن دەسە ءوز ەركىندە. مەملەكەتتىك ورگاندارىندا قايدا تۇراتىنىڭدى دالەلدەيتىن قۇجات سۇراعان ەمەس. ۆيزا تالابىنا ساي شەتەل ازاماتى رەتىندە پوليتسيا تىركەۋىنە تۇرعانىمدا ءۇي ادرەسىن تەك اۋىزشا عانا ايتتىم. بىراق بريتانيادا جالعا الۋ ماسەلەسى، تاعى باسقا بولسىن بارلىعى زاڭمەن رەتتەلگەن جانە ورىندالۋى ءتيىس.

بىزدە الدىمەن وسى سالانى رەتكە كەلتىرىپ العان ءجون ەدى. مەنىڭشە، تەك پوليتسياعا تىركەۋمەن شەكتەلگەن بارلىعىنا ءتيىمدى بولاتىن سىندى، ويتكەنى راسىمەن دە قوناققا كەلسە مەيلى، ال سول قالادا جۇمىس ىستەيتىن بولسا وندا ونى ەسەپكە الۋ كەرەك. بۇل زاڭ قايتا قاراستىرىلاتىنىنا سەنىمدىمىن، سەبەبى كىمنىڭ قايدا تۇرىپ جاتقانىن دالەلدەۋ وتە قيىن. ازاماتتار قاشىپ جۇرەتىن ەمەس، وزدەرى كەلىپ تىركەلەتىن ۇسىنىستار كەرەك. نارازىلىقتىڭ ارتقانى ەشكىمگە دە قاجەت ەمەس. وسى ەلىمىزدە زاڭ ورىندالمايدى دەپ قايتا قايتا جازۋشى ەدىك، بۇل ۋاقىتشا تىركەۋ دە قاعاز جۇزىندە قالادى دەپ سەنەيىك!

رۋسلان جەلدىباي

Facebook-تەگى پاراقشاسىنان