وڭتۇستىك قازاقستان وبلىستىق اۋىل شارۋاشىلىعى باسقارماسىنىڭ باسشىسى سەرىك تۇربەكوۆتىڭ اباي اقپاراتتىق پورتالىنىڭ تىلشىسىنە مالىمدەۋىنشە،  سوڭعى ەكى جىلدا ءىرى قارا مال سانى 35 مىڭعا ارتىپ، 865 مىڭ باستى قۇراعان، قوي-ەشكى 155 مىڭنان 3 ملن. 893 مىڭعا وسكەن، ال جىلقى 16 مىڭعا ارتىپ 230 مىڭعا جەتكەن، - دەپ حابارلايدى اباي-اقپارات.

وڭتۇستىك قازاقستان وبلىستىق اۋىل شارۋاشىلىعى باسقارماسىنىڭ جەلتوقسان ايىنداعى دەرەگىنە سۇيەنسەك، سوڭعى ەكى جىلدا ءىرى قارا مال سانى 35 مىڭعا ارتىپ، 865 مىڭ باستى قۇراعان، قوي-ەشكى 155 مىڭنان 3 ملن. 893 مىڭعا وسكەن، ال جىلقى 16 مىڭعا ارتىپ 230 مىڭعا جەتكەن. سونىمەن قاتار، ول مال شارۋاشىلىعى ونىمدەرىن وندىرۋدە جوعارى كورسەتكىشتەرگە قول جەتكىزىلگەن. ماسەلەن، ەت ءوندىرۋ 111,4%-عا، ءسۇت ءوندىرۋ – 104,8 %-عا، جۇمىرتقا ءوندىرۋ – 112,1 %-عا، ءجۇن ءوندىرۋ 110,1 %-عا ارتقان. دەگەنمەن، وبلىستا مال سانى مەن ونىمدەرى ارتقانىمەن كەلەسى اۋدانداردا تومەن كورسەتكىش بايقالۋدا.

اتاپ ايتقاندا، اعىمداعى جىلدىڭ 10 ايىنىڭ قورىتىندىسىمەن ىقم سانى بايدىبەك، ورداباسى، قازىعۇرت اۋداندارىندا، ۋاق مال بايدىبەك، ورداباسى، سوزاق، تولەبي اۋداندارىندا، جىلقى بايدىبەك، تۇلكىباس اۋداندارىندا، تۇيە بايدىبەك، سارىاعاش، تۇلكىباس اۋداندارىندا، قۇس سانى بايدىبەك، قازىعۇرت، سايرام، تۇلكىباس اۋداندارىندا كەمىگەن. وسى جايتتاردى ەسكەرگەن وبلىس اكىمى جالپى مال شارۋاشىلىعىن دامىتۋ بويىنشا جۇيەلى شارالار ازايعانىنا توقتالدى.

مال شارۋاشىلىعىن دامىتۋدىڭ باستى ماسەلەسى - بۇل ۆەتەريناريالىق قاۋىپسىزدىك ەكەنى بەلگىلى. ماسەلەن، بىلتىرعى جىلمەن سالىستىرعاندا ادامدى كەنە شاعۋ فاكتىسى 40,4 پايىزعا وسكەن. بۇل زالالسىزداندىرۋ جۇمىستارىنىڭ ۋاقىتىلى جۇرمەۋىنەن بولىپ وتىر. 

اباي-اقپارات