ۋكراينا راداسى  حالىقارالىق «سەمفيروپول» اۋەجايىن امەت-حان سۇلتان اتىنا وزگەرتتى.

امەت-حان سۇلتان اسكەري-ۇشقىش، پودپولكوۆنيك، كسرو-نىڭ ۇشاقتاردى سىناقتان وتكىزۋشى قۇرمەتتى ۇشقىشى، ەكى مارتە سوۆەت وداعىنىڭ باتىرى.

ەكىنشى دۇنيەجۇزىلىك سوعىس جىلدارىندا امەت-حان سۇلتان 603 رەت اسكەري جورىققا شىعىپ، اۋەدە 150 رەت سوعىس قيمىلدارىن جاساپ، قارسى جاقتىڭ 30 ۇشاعىن تالقانداعان بولاتىن. سوۆەت وداعىنىڭ سونداي ەرگە جاساعان «سىيى» سول – ونى تۋعان جەرىنەن جەر اۋدارىپ تىنعان ەدى.

«اتى اڭىزعا اينالعان داڭقتى ۇشقىشتىڭ ەسىمى بەرىلگەن سەمفيروپول اۋەجايى قالا مەن اۋەجايدىڭ كوركىنە اينالماق. ءوز حالقىنىڭ ازات ءومىرى ءۇشىن جانقيارلىق ەرلىكتەرگە بارىپ، الەم اۆياتسياسىنىڭ دامۋىنا شەكسىز ۇلەس قوسقان باتىردىڭ ەسىمى جاس ۇرپاقتىڭ جادىندا جاڭعىرىپ، وتانشىلدىق رۋحتا تاربيەلەۋى ءتيىس. باتىر ەسىمى ءبىزدى ۇلتارالىق قارىم-قاتىنستاعى تەڭدىك پەن توزىمدىلىككە دە ارقاۋا بولادى» دەپ جازىلعان ايگىلى ۇشقىش ەسىمىن اۋەجايعا بەرۋ جونىندەگى قۇجاتتا.

«ورىستار تاتار حالقىن ۇناتپايدى ەكەن عوي، ەندەشە وكۋپانتتار داڭقتى باتىر ەسىمىن كۇندە ايتىپ جۇرۋگە ءماجبۇر بولسىن. قالاي بولعاندا دا، ورىستار ۋكراينا زاڭىنا باعىنۋى كەرەك. ۋكراينا زاڭىنا بۇل جەردە ەشقانداي بالاما جوق دەيدى»، - رادا دەپۋتاتتارى. امەت-حان سۇلتان ەسىمىن سەمفيروپول اۋەجايىنا بەرۋگە رادالىقتاردىڭ 240-ى جاقتاپ داۋىس بەرىپ، 9-ى قالىس قالعان. 147 دەپۋتات قارسى داۋىس بەرگەن.

Abai.kz