2015 جىلدىڭ ماۋسىم ايىندا الماتى قالاسىندا ء«دىن مەن ءداستۇر» جىلىنا وراي، قازاقستان مۇسىلماندارى ءدىني باسقارماسىنىڭ ۇيىمداستىرۋىمەن جاماعات، كاسىبي جانە اۋەسقوي سپورتشىلار اراسىندا ءداستۇرلى ءىى رەسپۋبليكالىق پالۋاندار كۇرەسى وتەدى دەپ حابارلايدى www.muftyat.kz سايتى.

جۇلدەگەرلەر باعالى، اقشالاي سىيلىقتارمەن ماراپاتتالىپ، جەڭىمپازدارعا العىس حاتتار بەرىلەدى.

وتكەن جىلى ۇيىمداستىرىلعان قازاق كۇرەسىندە باس جۇلدە يەگەرى باۋىرجان ءتالىپ باس ءمۇفتي ەرجان قاجى مالعاجىۇلىنىڭ قولىنان ۇلكەن قاجىلىققا تەگىن جولداما العان بولاتىن.

ءدۇبىرلى دوداعا 18 جاستان اسقان پالۋاندار قاتىسا الادى.

مۇحاممەد پايعامبارىمىز (اللانىڭ وعان يگىلىگى مەن سالەمى بولسىن) ءبىر حاديسىندە: «سۋعا ءجۇزۋدى، ساداق اتۋدى، اتقا ءمىنۋدى، كۇرەسۋدى، جۇگىرۋدى ۇيرەنىڭدەر، ءارى وزگەلەرگە ونى ۇيرەتىڭدەر»، – دەگەن.

اباي-اقپارات