30 ءساۋىر كۇنى ەلباسى نۇرسۇلتان نازارباەۆ «قر ۇكىمەتىنىڭ قۇرامى تۋرالى» جارلىققا قول قويدى.

وسى جارلىق بويىنشا:

باقىتجان ءابدىرۇلى ساعىنتاەۆ – قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى;

بەردىبەك ماشبەكۇلى ساپارباەۆ – قازاقستان رەسپۋبليكاسى پرەمەر-ءمينيسترىنىڭ ورىنباسارى;

اسىلجان سارىبايۇلى مامىتبەكوۆ – قازاقستان رەسپۋبليكاسىنىڭ اۋىل شارۋاشىلىعى ءمينيسترى;

بەرىك ءماجيتۇلى يماشەۆ – قازاقستان رەسپۋبليكاسىنىڭ ادىلەت ءمينيسترى;

اسلان باكەنۇلى ءسارىنجىپوۆ – قازاقستان رەسپۋبليكاسىنىڭ ءبىلىم جانە عىلىم ءمينيسترى;

تامارا بوسىمبەكقىزى دۇيسەنوۆا – قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى;

اسەت ورەنتايۇلى يسەكەشەۆ – قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى;

باقىت تۇرلىحانۇلى سۇلتانوۆ – قازاقستان رەسپۋبليكاسىنىڭ قارجى ءمينيسترى;

يمانعالي نۇرعاليۇلى تاسماعامبەتوۆ – قازاقستان رەسپۋبليكاسىنىڭ قورعانىس ءمينيسترى;

ارىستانبەك مۇحامەديۇلى – قازاقستان رەسپۋبليكاسىنىڭ مادەنيەت جانە سپورت ءمينيسترى;

ەرلان ءابىلفايىزۇلى ىدىرىسوۆ – قازاقستان رەسپۋبليكاسىنىڭ سىرتقى ىستەر ءمينيسترى;

ەربولات اسقاربەكۇلى دوساەۆ – قازاقستان رەسپۋبليكاسىنىڭ ۇلتتىق ەكونوميكا ءمينيسترى;

قالمۇحانبەت نۇرمۇحانبەتۇلى قاسىموۆ – قازاقستان رەسپۋبليكاسىنىڭ ىشكى ىستەر ءمينيسترى;

جانار سەيداحمەتقىزى ايتجانوۆا – قازاقستان رەسپۋبليكاسىنىڭ ەكونوميكالىق ينتەگراتسيا ىستەرى ءمينيسترى;

ۆلاديمير سەرگەەۆيچ شكولنيك – قازاقستان رەسپۋبليكاسىنىڭ ەنەرگەتيكا ءمينيسترى بولىپ تاعايىندالدى.

مۇنىڭ الدىندا پرەزيدەنت ن.نازارباەۆ قر پارلامەنتى ءماجىلىسىنىڭ جالپى وتىرىسىنا قاتىسقان-دى. تومەنگى پالاتا دەپۋتاتتارى ەلباسىنىڭ جاڭادان جاساقتالعان ۇكىمەتتىڭ باسشىسى ەتىپ قايتادان كارىم ءماسىموۆتى تاعايىنداۋ تۋرالى ۇسىنىسىن قولدادى. ءسويتىپ، كارىم قاجىمقانۇلى ءماسىموۆ قازاقستان رەسپۋبليكاسىنىڭ پرەمەر-ءمينيسترى قىزمەتىن اتقارۋدى جالعاستىرا بەرەدى.

ء«بىز قازىر جاڭا باعدارلامالاردى جۇزەگە اسىرۋعا كىرىسىپ جاتىرمىز. مەن الداعى مەيرام كۇندەرىنەن سوڭ، تەز ارادا جۇمىسقا بىلەك سىبانا كىرىسىپ كەتەتىن كوميسسيانى بەكىتۋىم كەرەك. ءىستىڭ ءمان-جايىن ۇعىنۋعا ۋاقىت شىعىنداماس ءۇشىن ۇكىمەت جۇمىسىنىڭ جالعاستى بولعانى دۇرىس قوي دەگەن ويدامىن. كارىم ءماسىموۆ جوبا-جوسپارلارعا بۇرىننان قانىق، ءىستىڭ كوزىن بىلەدى، ءبىلىم-بىلىگى دە، مۇمكىندىگى دە مول مامان، اتقارىلار جاۋاپتى جۇمىستاردى بۇدان ءارى دە وعان سەنىپ تاپسىرا الامىن»، – دەدى پرەزيدەنت.

Abai.kz