قىمىز بەن شۇبات - ءبىزدىڭ حالقىمىزدىڭ ءداستۇرلى سۋسىندارىنىڭ ءبىرى. بىرىنشىدەن، ادام دەنساۋلىعىنا وتە جاقسى اسەر ەتەدى، يممۋندىق جۇيەنى نىعايتادى. ىشكى قۇرىلىستاعى كوپتەگەن اۋرۋعا ەم. سوندىقتان، قىمىز بەن شۇباتتى دۇنيەجۇزىنىڭ حالىقتارى كەڭىنەن پايدالانىپ جاتىر. بىراق، ءبىز قۇندىلىقتارىمىزدى ءتيىستى دارەجەدە پايدالانا الماي وتىرمىز. بۇدان بۇرىن ءبىر توپ دەپۋتات ۇكىمەتكە قىمىز بەن شۇبات تۋرالى ارنايى زاڭ قابىلداۋ كەرەكتىگىن ايتىپ، دەپۋتاتتىق ساۋال جولداعان بولاتىنبىز. ۇكىمەت بۇل ماسەلەگە قارسى ەمەس. بۇل تۇرعىدا ۇكىمەتپەن بىرلەسىپ جۇمىس ىستەپ جاتىرمىز. قىمىز بەن شۇباتتىڭ ستاندارتتارىن بەلگىلەۋ كەرەك. ويتكەنى، ستاندارت ءار جەردە ءارتۇرلى. ال، ناعىز قىمىز بەن ناعىز شۇباتتىڭ ءوز ستاندارتى، حيميالىق قۇرامى بولۋ قاجەت. سوعان بايلانىستى عىلىمي-زەرتتەۋ ينستيتۋتتارى جۇمىس ىستەپ جاتىر. الداعى ۋاقىتتا قىمىز بەن شۇباتتىڭ ستاندارتتارى بەكىتىلىپ، بارلىق جەردە ستاندارت اياسىندا تەكسەرىلىپ وتىرادى. ءسويتىپ، ەكسپو-2017 كورمەسى قارساڭىندا قىمىز بەن شۇبات ەلىمىزگە كەلەتىن ميلليونداعان تۋريستەردىڭ ەڭ ءدامدى سۋسىنىنا اينالىپ كەتۋى كەرەك. ياعني، حالقىمىزدىڭ وسى قۇندىلىقتارىن بارشا الەمگە پاش ەتۋ قاجەت.

(سەناتوردىڭ ورتالىق كوممۋنيكاتسيالار قىزمەتىندە وتكەن بريفينگتە ايتقانىنان)