اۆتوريتارلىق بيلىك التەرناتيۆالىق ماقالالاردى جانە حاتتاردى وقىمايدى، اقپارات جەتسە دە ەشقانداي رەاكتسيا بىلدىرمەيدى. قازاق اۆتوريتاريزمىندە ءومىر ءسۇرىپ جاتقان باسشى ادامداردىڭ ەڭ باستى كەمشىلىگى – قاراۋىنداعى كومەكشى اپپاراتتا قوعامدىق شىندىقتىڭ ايتىلماۋى دەر ەدىم. مۇنداي كەزدە وتىرىكشى ەكسپەرتتەر قاپتايدى.

ولاردىڭ ەكىنشى كەمشىلىگى – ۇلتسىزدىعى، قازاق ءتىلىن جاقتىرماۋى. سول سەبەپتى دە بيلىككە حات جازعان تاراپقا ەشقانداي جاۋاپ بەرمەيدى ، كوتەرىلگەن ماسەلەردى شەشۋگە تىرىسپايدى. ماسەلەن، قازاق زيالىلارىنىڭ كەيىنگى  حاتى مەملەكەتتىك ءتىلدىڭ قۇزىرىن كوتەرۋدى ماسەلە ەتىپ قويعان ەدى. بيلىك جاق اشپادى. دەمەك، «بىزدە ونداي تاۋقىمەت جوق» دەگەندەي حات مازمۇنسىز بولىپ قالدى. بۇلاي جالعاسا بەرسە، الدا وزگەرىس بولا قويۋى ەكىتالاي.

بيلىكتىڭ نەگىزگى ماڭىزدى تىزگىنىن ۇستاپ وتىرعاندار ءورىستىلدى ەليتا وكىلدەرى، ولاردىڭ قازاقشا بايانداما وقي المايتىنىن بىلاي قويايىق، مۇلدەم قازاق ءباسپاسوزىن وقىمايدى دەۋگە بولادى. مۇنداي «ورىسجاندى» شەنەۋنىكتەر اينالاسىنا ءسوزسىز ازاماتتىعى مەن قازاقجاندىلىعى كەم ساراپشىلاردى جينايدى.

وسىعان دەيىن قازاقستاندا بولعان شەرۋلەردىڭ دەنى اگرارلىق سيپاتتا ەمەس، ۇلتتتىق سيپاتتا بولعان ەدى. ۇلتجاندىلىق كەڭ ءورىس الىپ جاتقاندا ولاردىڭ بەتى قازاققا بۇرىلماسا، جاستارىمىز كوشەگە شىعىپ كەتۋى ىقتيمال. ار جاعى نە بولاتىنىن ايتپاسا دا بولادى.

سوندىقتان دا جاعدايدى ەسكالاتسيادان ساقتاۋ ءۇشىن بىرقاتار ۇسىنىس جاساعىم كەلەدى.

• 1) "حابار" ارناسىن تولىق قازاقشالاۋ;
• 2) ۇزاق ۋاقىت مەملەكەتتىك ءتىلدى قالتارىستا قالدىرعانى ءۇشىن جاۋاپتى تۇلعالاردى بيلىكتەن شەتتەتۋ:
• 3) پوزيتيۆتىك تىلدىك ديسكريميناتسيا ساياساتىن جۇزەگە اسىرۋ - اتالعان دەموكراتيالىق شارانىڭ ىسكە اسىرىلۋى مەملەكەتتىك ءتىلدى قولداۋ بولار ەدى. بۇل شارالار حالىقتى تىنىشتاندىرار ەدى. بيلىكتىڭ ساكرالدىلىعى كوتەرىلەر ەدى.

مەن ساياساتكەر ەمەسپىن، 40 جىلدان استام قوعامتانۋشى بولدىم. 64 جاسقا كەلگەن شال بولعاندىقتان كورگەنىمدى، سەزگەنىمدى ، بىلگەنىمدى ايتىپ وتىرمىن.

ءازىمباي عالي

Abai.kz