بيىلعى  جىلدىڭ شىلدە  ايىنىڭ ەكىنشى   كۇنى. ايەلىمىز  ەكەۋىمىز ۇلكەن    تويدىڭ،   ۇلكەن   قۋانىشتىڭ   ىشىندەمىز. بالدىزىم  قانات پەن  گۋليا   كەلىنىمىز  ۇلدارى   ەرجاندى  جانەركە  اتتى  قىزعا ۇيلەندىرىپ، ەلوردانىڭ    «جەتىقازىنا» اتتى   مەيرامحاناسىندا ۇلان    اسار  تويى  جاساۋدا.

توي  زالى اسەم  بەزەندىرىلگەن.  كەشەننىڭ  بوساعاسىنان  باستاپ   ءتۇرلى-ءتۇستى   شارلار مەن القىزىل   گۇلدەر   ىلىنگەن. اتموسفەرا   قانداي؟ ەكى  جاستىڭ    قىزىعىنا    جينالعان   قوناقتار  ءبىر-بىرىمەن    قۇشاق  جايا امانداسۋدا. ءار  جەردەن   «توي  قۇتتى،   ەكى  جاس  باقىتتى  بولسىن!  توي-تويعا   ۇلاسسىن» دەگەن  قۇتتىقتاۋلار تولاسسىز   ايتىلۋدا.   اتا-انالارىمەن  بىرگە  تويعا  كەلگەن   جاس  بالالار دا   ەرەكشە    كۇي   كەشۋدە.   مۋزىكا  قۇيىلىپ  تۇر.   زالدىڭ  ورتاسىندا «اق  جول» دەگەن  جازۋى  بار  اق  ماتادان     جاسالىنعان    دوروجكا   توسەلگەن. قازاق   حالقى   قاشاندا    قۇدالارىن  سىيلاعان،  قۇرمەت  تۇتقان. مىڭجىلدىق  قۇدالارىمىز  دەگەن   ۇعىمنىڭ  ماڭىزى  ەرەكشە. ونىڭ  استارىندا ۇلى ۇلتىمىزدىڭ  ۇلاعاتى،  كەڭدىگى،  پاراساتتىعى مەن  وزىقتىعى،  بولاشاقتى  بولجاي  بىلەتىن    كەمەڭگەرلىگى   جاتىر.  قۇلاقتان   كىرىپ،   بويدى    الار،    ان   كوڭىلدىڭ   اجارى  عوي،  شىركىن. ميكروفوننان    تانىمال  ءانشى قالجان  كەمالوۆتىڭ ورىنداۋىنداعى  «وينا  قۇدالار»  ءانى    شىرقالدى. اسابا    قۇدالاردىڭ    كەلە  جاتقانىن   حابارلادى.

وينا، وينا قۇدالار،

جاستىق  شاقتى  ەسكە   الىپ،

بيلە،  بيلە   قۇدالار.

جۇرمەڭىزدەر    كەش   قالىپ.

قۇدالارعا      شاشۋ    شاشىلىنىپ،  زور  قۇرمەت    كورسەتىلدى.     قانداي    جاراسىمدى  دەسەڭشى، مىڭجىلدىق   جاڭا  قۇدالارىمىز  اق  كىلەمنىڭ   ۇستىمەن   ءجۇرىپ  ءوتىپ ،   توي  تورىنەن   ورىن  الدى.  ارقايسىسىنىڭ   توسىندە قۇدا،  قۇداعي  دەگەن  جازۋلارى  بار  «بەيدج»  تاعىلعان.  كەرەمەت.

سوسىن   ادەتتەگىدەي  اتاقتى   «توي  جىرىمەن» جاستاردى   قارسى  الدىق.  ول دا  كەرەمەت  ءوتتى.  بەتاشار  ايتىلىپ، نەكە   قيۋ   ءراسىمى   وتكىزىلدى.    كەلگەن  قۇدالار ءنومىرى  ءبىرىنشى  جانە  ەكىنشى  ۇستەلدەردەن  ورىن  الدى. ءبىز ايەلىمىز  ەكەۋىمىز   قۇدالار وتىرعان ءبىرىنشى  ۇستەلگە جايعاستىق.  توي  بىردەن   قىزۋ  باستالدى.  ءسوز  بەرىلەدى، بي بيلەنەدى، ولەڭ  ايتىلادى. توست  ايتۋشىلار  ورىندارىنان  اتىپ  تۇرىپ، ورتاعا  قول  بۇلعاپ، بيلەپ  شىعۋدا.  كوڭىل   شىركىندى    كوتەرىپ،    دەنەنى   قىزدىراتىن نەبىر    عاجاپ  اندەر بىرىنەن   سوڭ  ءبىرى  ايتىلۋدا.   ولاردىڭ   اراسىندا   حالىق   اندەرى  «قىزىل  ورىك»، «چيپ چيپ»، «اسپانعا   قارايمىن، سول جۇلدىزدى  سانايمىن»، جاننا  فريسكەنىڭ  ورىنداۋىنداعى جۇرەكتى  ەرىتەتىن «مالينكي،  مالينكي، تاكيە  ۆەچەرينكيلەرى»  بار.

حالىق ابدەن   كوڭىلدەنىپ  الدى.  سىيلاستىقتىڭ  جوعارى   ساتىسى.  قۇدالارىمىز   باستى  نازاردا. ولارعا  زور  كوڭىل   بولىنۋدە. قۇرمەتتى قۇدالارى مەن قوناقتارىنىڭ  قۋانعاندارىنا توي يەلەرى قانات پەن  گۋليا  دا   بەك  ريزا. تۇرلەرىنەن    كورىنىپ  تۇر.  بارى  جاراسىمدى  جاقسى   ۇيىمداستىرىلعان. قۇدالارىن  قۇرمەتتەي  بىلگەن وسى  مىقتى  تويعا   ريزا  بولا  وتىرىپ،    15  جىل  بۇرىن   استانالىق   ءبىر رەستوراندا   قىز  جاقتان   قۇدا  بولىپ  بارعانىمدى   ەسىمە  الىپ،  ءوز  ويىمنان ەسەڭگىرەپ  قالدىم.  ونىڭ   سەبەبى  بار.

ەلىمىزدىڭ   باتىس  وڭىرىندە   جينالىستار  وتكىزىپ،  ۇلتتىق  سپورت  تۇرلەرى    قاۋىمداستىعىنىڭ   فيليالدارىن  قۇرىپ  جۇرگەن  كەزىم  بولاتىن. ايەلىم  تەلەفون    سوقتى. «الماتىنىڭ   جانىنداعى  اۋداندا تۇراتىن، اتالارىمىز  ءبىر اپايىمنىڭ  قىزىنىڭ   قىزى  تۇرمىس   قۇرىپ  جاتىر ەكەن.   سولار   قىز  ۇزاتۋ  تويلارىن   اۋىلدا  جاساپتى.  ەندى  جىگىت  جاعىنىڭ  تويى  استانادا بولادى. مەنى   تاۋىپ  الىپ،  ءبىزدى تويعا  شاقىرىپ  جاتىر» دەدى  ول.

– اۋ،   مەندە  جۇمىس    كوپ.  ءوزىڭ  بارساڭشى، - دەپ، مەن   جاۋاپ  قاتتىم.

- ماسەلە،   مىنادا  بولىپ  تۇر ەكەن.  مەنىڭ    اپا-جەزدەم   قاراپايىم شارۋالار. جەزدەم - مالشى،  سيىر  جايادى،  اپايىم - ساۋىنشى.  ال،  قۇدالارى  ءبىر   دوكەي    كورىنەدى. كەزىندە  باستىقتارى  بولىپتى.

- تۇسىنبەدىم. ولاردىڭ  مەنسىنبەيتىن  قانداي   حاقى  بار.   جاستار    تابىستى.  بولدى  ەمەس پە؟  ساۋىنشىنى  ەمەس ،  ونىڭ   قىزىن   الىپ  جاتىر  عوي .  قايتا ەكى  جاستىڭ  باس  قوسقانىنا   قۋانباي ما؟ - دەدىم مەن   قالجىڭدى   ارالاستىرىپ.

- اپا-جەزدەم  سەنىڭ   كەلۋىڭدى  قاتتى   سۇرادى.  مەن   ۋادە    بەردىم، - دەدى   ايەلىم  ءوز   سوزىندە.

اتىراۋدان استاناعا ۇشىپ  كەلدىم.  اۋەجايدان تۋرا تويحاناعا  تارتتىم.   مەن  مەيرامحانا    الدىنا   كەلگەندە  تويدىڭ باستالۋ ۋاقىتىنان  ەكى  جارىم   ساعات  ءوتىپ  كەتكەن   بولاتىن.  الىپ   ۇشىپ  كىرسەم،  حولدا  مەنىڭ    ايەلىم  باستاعان ونشاقتى  اعايىندار،   قىز جاقتان كەلگەن   قۇدالار   عانا    وتىر.  ورتالىق  زالدا   بەتاشار  وتكىزىلۋدە.

– توي  ەكى   ساعاتقا   كەشىگىپ  باستالدى.  بەتاشار  ءراسىمىنىڭ   وتۋىنە   جارتى   ساعاتتاي  بولدى.  سونىڭ   اياقتالۋىن  توسىپ وتىرمىز، - دەدى   ايەلىم.

- بۇل   قالاي، نەگە    ىشىنە  كىرمەدىڭدەر، - دەدىم  مەن.

- ولاردىڭ   تارتىپتەرى - بەتاشارعا   قىز  جاقتان كەلگەندەردى  شاقىرمايدى ەكەن، - دەپ    اپاي  اقتالىنىپ  جاتىر.  قىسىلىپ  تۇرعانى   انىق   كورىنىپ  تۇر. باجام   ۇنسىز  وتىر.  كوڭىلى   قوبالجۋلى. بىزگە بەتاشار  اياقتالعاننان  سوڭ  عانا   توي  زالىنا   ەنۋگە  مۇمكىندىك كەلدى.  "ەشكىم قۇدالار كەلدى" دەپ  حابارلامادى.ءۇنسىز   كەلىپ، تويحانانىڭ   بۇرىش  جاعىنداعى   ۇستەلگە   وتىردىق.

توي  باستالدى.  اسابا  بىردەن جىگىتتىڭ اكەسىن  ماقتاۋعا    كوشتى.  ول   مىنانداي  دا   مىنانداي. ول   ۇزدىك   سوۆحوزدىڭ   ديرەكتورى.   ول  دانىشپان.  ول   انا  دوكەيمەن  ءبىر  اۋىلدان  شىققان. ول   دەلەگات  بولعان،  ول  دەپۋتات  بولعان، ول  ۆدنح-دا  بولعان. سودان   دوكەي   قۇدا   سويلەدى  كەپ. ءبارىن ايتتى، بىراق كەلگەن  قۇدالارى  تۋرالى   ءبىر اۋىز   ءسوز  ايتپادى.   توي   ءجۇرىپ  جاتىر. ءبىزدىڭ قاسىمىزعا قۇداعيدان  باسقالار كەلمەيدى.  ون  بەستەن استام  توستار  ايتىلدى.  بىراق بىزگە كەزەك كەلمەدى.   سول ون بەس توستىڭ ونى   «ءولى»  توستار   بولدى.  تويعا   كەلمەگەن،  بىراق   سالەم  جولداعان   گەنەرالدار،  مەكەمە  باستىقتارى،  باس  ديرەكتورلار مەن  ءماجىلىس   دەپۋتاتتارىنىڭ   اتىنان  توستار  ايتىلدى.  ارەڭ  دەگەندە،  ون التىنشى  كەزەكتە   ءسوز   بىزدەرگە،  قىز   جاقتان  كەلگەن    قۇدالارعا  كەلدى.  بويداعى جىل لەبىزدەرىمىز  بەن جۇرەكجاردى   قۇتتىقتاۋلارىمىزدى    جەتكىزۋ      ءۇشىن ورنىمىزدان  تۇرىپ     ورتاعا   شىقتىق.

سول  ساتتە    اسابا «توي يەسىنىڭ     تاپسىرماسى  بويىنشا،  اعانىڭ ءارى اقىن ،  ءارى جازۋشى قارىنداسى  شولتىباەۆا  سىزدەرگە   ارناپ   جازىپ  كەلگەنىن  وقيدى، ول،  سىزدەردى  قۇدالارىڭىزدىڭ   ءۇرىم-بۇتاعى،  شىققان  تەگىمەن،   ءوسىپ-ونگەن  ەلىمەن، جەرىمەن جەتە تانىستىرادى، - دەپ ميكروفوندى توردە وتىرعان   ايەلگە اپارىپ   بەردى. ءبىز ورتادا  قاقشيىپ  تۇرمىز. ەستىمەگەنىمىز  بەن كورمەگەنىمىز   كوپ  ەكەن. ميكروفوندى  اۋىزىنا  جاقىن  ۇستاعان «جازۋشى – قۇداعي» ەكىلەنىپ،  داۋىسىن قاتتى شىعارىپ  سويلەدى.

- سەندەر  بىلىڭدەر، كىممەن   قۇدا  بولىپ  جاتقاندارىڭدى. بيلىك باسىندا  وتىرعاندارمەن   قۇدا  بولىپ  جاتىرسىڭدار. قۇدالارىڭ   ءومىر   بويى   بيلىك  باىندا  كەلەدى.   سولاي دا   سولاي.  ءبىز،  باتىرلار مەن  عۇلامالار   شىققان  جەردەنبىز.  ءبىزدىڭ  تاۋىمىز دا،  سۋىمىز دا، جەرىمىزدە، تاسىمىز  دا  كەرەمەت.  ءبىزدىڭ  ەل ەشقاشان جاۋدان  جەڭىلمەگەن،   دۇشپاننان  تىعىلماعان.

ءبىز  شاراسىزدان  كۇتىپ  تۇرمىز.   بايقايمىن باجام اشۋلانا  باستادى.  اشۋلاناتىن   ءجونى  بار.    –ماعان  قاراپ، ورنىمىزعا  بارىپ  وتىرساق   قايتەدى، -   دەدى. قايتا -قايتا   قۇدانىڭ   قاسىنا   بارىپ،  مازاسىزدانىپ، بىردەمەگە  قىسىلىپ، شىرىلداپ   جۇرگەن  تەك قۇداعي   عانا. جازۋشىنىڭ   سوزىنە  ەلىتىپ، ماڭعازدانىپ جاڭا   قۇدامىز   تۇر. ءبىزدى  ەلەپ-ەسكەرەتىن  ءتۇرى   جوق. مەنمەنسىنگەن   بىرەۋ.

ارەڭ  دەگەندە بارىپ،  باقىراق  داۋىستى  ايەل   ءسوزىن  اياقتادى-اۋ.

بايقاپ  تۇرمىز، ۇزىن-سونار، ءىلىپ  الار ەشتەڭەسى جوق،   ورىنسىز ايتىلعان   شالاجانسار اڭگىمە-لەكتسياعا  تەك  بىزدەر   عانا ەمەس،  زالداعى   ەستى   قوناقتار  دا   جاقتىرماعان  سىناي  تانىتتى.  سونىڭ   ايقىن   بەلگىسى  رەتىندە  شارشاعان   جۇرت،  «نۋ  ناكونەتس-تو»   دەپ،   شۋ  ەتە  ءتۇستى.   ەشكىم  «شەشەنگە»  قول   شاپالاقتاعان  جوق.

باجا   ءسوزىن   قىسقا   قايىردى  دا   ميكروفوندى   ايەلىنە   ۇستاتا   سالدى. ءتۇر-تۇسىنەن  رەنىش بايقالىپ تۇر.  ال، جۇرەگى   قوبالجىعان  اپايمىز،   تىلەگىن   ءبىر-ەكى  اۋىز   سوزبەن   عانا  ءبىتىردى. ءبىزدىڭ   جاقتان  تاعى   ءبىر   ادام   سويلەدى. ەندى كەزەك  ماعان   كەلدى.

- قۇرمەتتى  توي  قوناقتارى مەن   قۇدالار!  قادىرلى   جاستار! تويدىڭ   سوڭى  بولعاندىقتان،  ماعان، كوپ  سويلەۋگە  بولمايتىن  شىعار  دەپ  ويلايمىن.   ىشتەرىڭىزدە ۇيگە   قايتۋعا   اسىعىپ  وتىرعاندارىڭىز  دا بار. سوندىقتان دا،    قىسقاشا  سويلەگەنىم   دۇرىس  بولار  ەدى.  بىراق،    جاڭا  عانا    ءبىزدىڭ   ادرەسىمىزگە  ارناپ لەكتسيا  وقىعان،  جەر تارپىپ،  ەكىلەنە  سويلەگەن  اقىن-جازۋشى   شولتىباەۆا   قۇداعيعا جاۋاپ  قاتپاسام، «بۇلاردىڭ   ايتارلارى   جوق  ەكەن» دەپ  ويلاپ قالۋلارىڭىز  مۇمكىن.

سوندىقتان   ءبىر-ەكى  اۋىز   ءسوز  ايتۋعا  ءتيىستىمىن.

قۇرمەتتى، لەكتور-قۇداعي! قۇرمەتتى لەكتسياعا  تاپسىرىس  بەرگەن  قۇدا!

العاشقى  تىلەگىمدى  سىزدەرگە  ارناعاندى  ءجون   كورىپ  تۇرمىن. اتامىز   قازاق «قۇرعاق   قاسىق  اۋىز  جىرتادى» دەيدى. تويعا   جۇرت لەكتسيا  تىڭداۋعا   ەمەس، قىزىققا،   قۋانىشقا  ورتاق  بولۋعا،  بي  بيلەپ،   ءان   سالۋعا،   ىقىلاس-لەبىزدەرى مەن   اق  تىلەكتەرىن   اعىتۋعا،  باتا  بەرۋگە،  توي-تويلاۋعا كەلەدى. بىزدە   سونداي   نيەتپەن   كەلدىك  وسى  تويعا. بىزگە، قۇدانىڭ ءتورت سوۆحوزدىڭ   ديرەكتورى،   اۋىل  شارۋاشىلىعى  باسقارماسىنىڭ   باستىعى،    اۋپارتكومنىڭ   بيۋرو  مۇشەسى  بولعانى، جيىرما  گەنەرالمەن  دوس  بولعانى   ەمەس،  ونىڭ   اقىلدى،  مىڭجىلدىق قۇدا بولعانى ماڭىزدى. لەكتسيا   دەگەنىڭىز -  اۋديتوريالاردا،  وقۋ  ورىندارىندا،  عىلىمي كونفەرەنتسيالاردا  وقىلادى. جاڭاعى، ءبىز   ەرىكسىز  تىڭداعان   شولتىباەۆانىڭ   لەكتسياسى  بوس ءسوز،  قۇر   ۋاقىت  الۋ  عانا    بولدى.  ونىڭ ورىنىنا اسەم  اندەر مەن   ءتاتتى   كۇيلەر  ورىندالسا مىڭ ەسە دۇرىس  بولار  ەدى.   جالپى   ادامگەرشىلىك، ادىلدىك،   دوستىق،   تۋىستىق   تۇرعىدان   العاندا  رۋ مەن  رۋدىڭ،   جەر مەن  جەردىڭ،   ەل مەن ەلدىڭ،  تاۋ مەن  تاۋدىڭ،   وزەن مەن  وزەننىڭ،  كول مەن كولدىڭ  بىرىنەن  ءبىرىنىڭ  ارتىقشىلىعى  بولمايدى.  ولار  بىردەي.  ولاردى  اللا تاعالا  جاراتقان،  بىزگە   سىيلاعان  باعا  جەتپەس  بايلىقتارىمىز. ءبىز   بارىنەن   ارتىقپىز  دەپ،  توي  ۇستىندە كوڭىلگە  كىربىڭ  تۇسىرەتىن -  كەۋدە   قاعۋ،  مەنىڭ  تۇسىنىگىمدە   استامشىلىق،  اقىماقتىق  بولىپ  سانالادى.  ونداي  جاعدايدا  ءبىزدىڭ  دە   اۋىز  تولتىرىپ ايتارىمىز بار.

كوك   اسپانداعى    كۇن  قايدان  شىقسا، تىرشىلىك،  ءومىر   بىرىنشى  بولىپ   سول   وڭىردەن   باستاۋ   الادى.   ءور  التاي،   اسقار  التاي، اسقان  التاي،   اساۋ  ەرتىس،  ەركە  ەرتىس وركەنيەتتىڭ   باستاۋ   العان  جەرى،  تۇركى   قاعاناتىنىڭ  التىن  بەسىگى ەمەس  پە؟.  قارت  التاي - بارلىق  ەلگە  پانا  بولعان، ۇلتتىڭ   ىرىسى مەن بەرەكەسى   ەمەس  پە؟ كونە  التايدان   شىڭعىس،  تونىكوك،  كۇلتەگىن،  نايمان قاھاندار،  كەتبۇقا، قابانباي  باتىر  باستاعان  بارلىق  باتىرلار مەن   بيلەر، شىعىستان   اباي  باستاعان   عۇلامالار    شىققان. 740  جىلى   نايمان   قاھاننىڭ   اتتى   اسكەرى  قىتايلاردان  قازاقتىڭ   جەرىن   ازات  ەتكەن. ءتىپتى جوڭعارلاردان   قازاقتىڭ  شەكاراسىن   العاشقى   بولىپ  قورعاعان دا   نايماندار  ەمەس پە؟  ويتكەنى  ولار  ءومىر  بويى   سوعىسىپ كەلەدى. وڭتۇستىكتى   حيۋالىقتار مەن   قوقاندىقتار  باسىپ  العاندا،   دەر  كەزىندە كومەككە   كەلگەندەر دە   التايلىقتار  بولاتىن.   ايتا  بەرسەم    اڭگىمە   كوپ،  لەكتور قۇداعي مەن وعان  تاپسىرىس  بەرگەن   قۇدامىز . تاك  چتو،    ەڭ  مىقتى   جەرمەن،  ەڭ  مىقتى   رۋمەن   قۇدا  بولىپ  جاتىرسىز.   قۇتتى  بولسىن!    ايتپاسا   ءسوزدىڭ   اتاسى   ولەدى  دەگەن   عوي.  قازاق   قاشاندا  قۇداسىن   قۇدايداي   سىيلاپ،   تورگە  وتىرعىزىپ،   توبەسىنە   كوتەرگەن. ول  حالقىمىزدىڭ    كورەگەندىگى مەن  كەمەڭگەرلىگى. تويعا   كەلمەگەن   ونشاقتى    ادامداردىڭ  اتىنان   توستى   كوتەرتۋ،  ال،   جاڭا   قۇدالاردى    ەلەمەۋ  دۇرىس  بولمادى.   سول   «مەرتۆىي»   توستارىڭىز   قانشاما   ۋاقىتتى   ىسىراپ  ەتتى.   ال،   قىزمەتكە   كەلسەك ،  ءبىز دە   قۇر  الاقان ەمەسپىز.قاسىڭىزدا  وتىرعان ەكى  گەنەرالمەن، ول  كەزدە ولار پولكوۆنيك، پودپولكوۆنيكتەر  بولاتىن،   ەلباسىنىڭ   قاتىسۋىمەن    وسى  جاڭا استانادا    تالاي  شارالار  وتكىزىپ  ەدىك. (وفيتسەرلەر  مەنىڭ   ءسوزىمدى  مۇقيات  تىڭداپ  وتىرعان  ەكەن. ورىندارىنان   اتىپ  تۇردى.  ولارمەن  بىرگە  جۇبايلارى مەن باسقادا  توي  قوناقتارى   بىرگە  تۇرەگەلدى.)

قۇرمەتتى    توي قوناقتارى!  جاستار  باقىتتى  بولسىن ! توي-تويعا   ۇلاسسىن!».  مەن  وسىلاي دەپ تىلەك   ءسوزىمدى   اياقتادىم.

تويدىڭ    اتموسفەراسى     كۇرت   وزگەردى. بۇكىل  قوناقتار  ءبىزدى   كەلىپ   قۇتتىقتاۋدا. ورىنىمىزعا كەلىپ  وتىردىق.   داستارحانىمىز   جاڭارتىلعان.   قۇداعي قاسىمىزعا  ەكى  گەنەرالدى جۇبايلارىمەن  اكەلىپ  وتىرعىزدى. اسابا  دا  وزگەرىپ   سالدى.  توي  بىتكەنشە، جاڭا قۇدالاردىڭ  قۇرمەتىنە   دەگەن  سوزدەر   ونىڭ  اۋىزىنان   ءبىر  تۇسپەدى. ءبىزدىڭ  جۇزىمىزگە كۇلكى   ءۇيىرىلدى.

- ەسەر   قۇداعا،  ەسەمىزدى   جىبەرمەگەن  ازاماتىم-اي،   قايدا   جۇرسەڭدە   امان   بول، - دەپ  باجام  العىسىن  ءبىلدىردى.

قازاقتىڭ   تويى - حالقىمىزدىڭ    قازىنا-بەرەكەسى.  قۇداي  تويدان   ايىرماسىن!   ۇلدارىمىز  ات جالىن  تارتىپ ءمىنىپ، وتان  الدىنداعى   اسكەري  مىندەتتەرىن  ابىرويمەن  اتقارىپ، ينستيتۋت  ءبىتىرىپ  25   جاسقا  دەيىن   ۇيلەنۋگە  ءتيىستى،  ال ،   قىزدارىمىز بويجەتىپ،   ءبىلىم  الىپ،    25  جاسقا  دەيىن  تۇرمىس  قۇرعاندارى   دۇرىس بولادى دەپ  سانايمىن. ولار  مىندەتتى  تۇردە   قازاقتىڭ  جىگىتتەرىنە   كۇيەۋگە  شىعۋلارى  كەرەك.

توي-تويعا   ۇلاسسىن!

2017  جىلدىڭ    13-ءشى    شىلدەسى.  «وتاۋتۇسكەن»  اۋىلى

Abai.kz