رەسەي جانە ەۋروپا اقش-تىڭ سانكتسيالار تۋرالى زاڭ جوباسىن سىنادى
رەسەي امەريكالىق زاڭ شىعارۋشىلاردىڭ ماسكەۋگە قارسى قابىلداعان جاڭا سانكتسيالارىن سىنادى. كرەمل مۇنداي قادام اقش پرەزيدەنتى دونالد ترامپتىڭ سانكتسيالاردى جەڭىلدەتۋ نيەتىن قيىنداتادى دەپ ەسەپتەيدى. ەۋروپالىق وداق بۇل زاڭ ۇيىم ەلدەرىنىڭ ەنەرگەتيكالىق قاۋىپسىزدىگىن السىرەتۋى مۇمكىن دەپ سەسكەنەدى.
رەسەي سىرتقى ىستەر ءمينيسترىنىڭ ورىنباسارى سەرگەي ريابكوۆتىڭ مالىمدەۋىنشە، وكىلدەر پالاتاسى قابىلداعان زاڭ جوباسى - ۆاشينگتون مەن ماسكەۋ اراسىنداعى "قارىم-قاتىناستىڭ دۇرىستالۋىنا كەدەرگى بولادى". ء"بىز مۇنداي ارەكەتتەر جاۋاپسىز قالمايتىنىن ون مارتە قايتالادىق", - دەدى ريابكوۆ.
زاڭ جوباسى يران مەن سولتۇستىك كورەياعا دا جاڭا سانكتسيالار ەنگىزۋدى قاراستىرادى. قۇجاتتى وكىلدەر پالاتاسى 25 شىلدەدە قابىلدادى.
رەسەي پرەزيدەنتى ۆلاديمير ءپۋتيننىڭ ءباسپاسوز حاتشىسى دميتري پەسكوۆتىڭ مالىمدەۋىنشە، مۇنداي زاڭ جوباسىنىڭ قابىلدانۋى - "رەسەي-اقش قارىم-قاتىناسىن دامىتۋ تۇرعىسىنان العاندا، وتە وكىنىشتى حابار".
Abai.kz
