بقو قازاقستان حالقى اسسامبلەياسىنىڭ قولداۋىمەن مادەنيەت جانە دەمالىس ساياباعىندا «Fasching» نەمىس كارناۆالى تويلاندى.

بۇل كۇنى قالالىق مادەنيەت جانە دەمالىس ساياباعىندا كارناۆالدىق شەرۋ ءوتتى. ساياباقتىڭ جاياۋ جۇرگىنشىلەر ايماعى مەرەكەلىك الاڭعا اينالدى. شەرۋگە «اتامەكەن»، «سامال» لاگەرلەرىنىڭ قاتىسۋشىلارى، بالالار ءۇيىنىڭ تاربيەلەنۋشىلەرى، «حايمات» نەمىس قوعامىنىڭ وكىلدەرى، سونداي-اق قالا تۇرعىندارى مەن قوناقتارى بەلسەندى تۇردە قاتىستى. ساياباققا كىرەبەرىستەن باستاپ ساحناعا دەيىن ءارتۇرلى كەيىپكەرلەردىڭ كوركەم كيىمدەرىن كيگەن بالالار مەن ۇلكەندەر الاڭمەن ءجۇرىپ ءوتتى. ءىس-شارا بارىسىندا نەمىس ۇلتتىق ويىندارى ۇيىمداستىرىلىپ، وعان بارلىق تىلەك بىلدىرۋشىلەر بەلسەندى قاتىستى. سونداي-اق، قوناقتار ءۇشىن كونتسەرتتىك باعدارلاما وتكىزىلىپ، سوڭىنان كارناۆالدىڭ ەڭ بەلسەندى قاتىسۋشىلارىنا العىس حاتتار تابىستالدى.

كارناۆال كۇنى گەرمانيانىڭ كوپتەگەن قالالارىندا كارناۆالدىق شەرۋلەر وتكىزىلەدى، ولاردى ZUG پويىزدارى دەپ تە اتايدى. ەڭ ءىرى شەرۋلەر «كارناۆالدىق قالالاردا» وتكىزىلەدى، ولارعا كيولن، ماينتس، ديۋسسەلدورف، ااحەن، بونن، كوبلەنتس، دۋيسبۋرگ قالالارى جاتادى. مىسالى، كيولندەگى كارناۆالدىق پويىزدىڭ ۇزىندىعى 7 شاقىرىمعا دەيىن جەتەدى جانە 4 ساعاتتان استام ۋاقىتقا سوزىلادى.

ءشارىپحان قايسار

Abai.kz