تاجىكستانداعى ءىرى جول اپاتىنان ون ادام قازا تاپتى
تاجىكستاننىڭ تاۋلى باداحشان اۆتونوميالى رەسپۋبليكاسىنداعى ءىرى جول اپاتىنان ون ادام قازا تاپتى. روشتكالا-حوروگ تاس جولىندا جولاۋشى شاعىن اۆتوبۋسى اۋدارىلىپ قالعان. قايعىلى وقيعا 28 تامىز كۇنى تاڭەرتەڭ بولعان.
توتەنشە جاعدايلار شتابىنىڭ كەزەكشى وفيتسەرى ناسيم جوناليشوەۆتىڭ حابارلاۋىنشا، جولاۋشى اۆتوبۋسىندا 13 ادام بولعان.
الدىن الا بولجام بويىنشا، جۇرگىزۋشى كولىكتى باسقارا الماي، اۆتوبۋس شوحدارا وزەنىنە قۇلاپ تۇسكەن.
ون جولاۋشى قازا تاپتى، ءۇش ادام، سونىڭ ىشىندە كولىك جۇرگىزۋشىسى اۋرۋحاناعا ءتۇستى.
جول اپاتىنان اۆتوبۋستاعى ءتورت بالانىڭ بارلىعى قازا تاپقان.
Abai.kz
