الاقاي، اياز اتا... جو-جوق، احمەتجان اتا كەلە جاتىر! احمەتجان اتا الماتىنىڭ كوشەلەرىنە الدىمەن جاڭا جىلدىق شىرشالار قويادى، بالالارعا بازارلىق بەرەدى.

بازارلىعىن بىلمەيمىز، احمەتجان ەسىموۆتىڭ جەلتوقساننىڭ بىرىنەن باستاپ الماتى كوشەلەرىنە جاڭا جىلدىڭ جاسىل شىرشالارىن «ەگىپ»، شىراق جاعۋعا شىنداپ كىرىسكەنى تۋرالى ءباسپاسوز قىزمەتى حابارلاپ وتىر. شىرشالار الاتاۋ اۋدانىنداعى باعدات ءمانىزوروۆ مىرزا وتىرعان اكىمشىلىك ءۇيىنىڭ الدىندا، المالى اۋدانىنداعى ەسكى الاڭدا، اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ قارسىسىندا، بوستاندىق اۋدانىنداعى جاڭا الاڭ مەن تسيركتىڭ، جەتىسۋ اۋدانىنداعى «قۇلاگەردە»، № 148 مەكتەپتىڭ اۋلاسىندا، مەدەۋ اۋدانىندا «عىلىم اكادەمياسىنىڭ»  قاسىندا، تۇركسىب اۋدانىندا وقۋشىلار ءۇيىنىڭ جانىندا بوي كوتەرمەك.

 اكىمشىلىك شىرشا مەرەكەسىنىڭ قاۋىپسىزدىگىنە قاتتى نازار اۋدارىپ كوركەمدىگىنە بارىنشا ءمان بەرىپ وتىر. 

الاقاي، اياز اتا... جو-جوق، احمەتجان اتا كەلە جاتىر! احمەتجان اتا الماتىنىڭ كوشەلەرىنە الدىمەن جاڭا جىلدىق شىرشالار قويادى، بالالارعا بازارلىق بەرەدى.

بازارلىعىن بىلمەيمىز، احمەتجان ەسىموۆتىڭ جەلتوقساننىڭ بىرىنەن باستاپ الماتى كوشەلەرىنە جاڭا جىلدىڭ جاسىل شىرشالارىن «ەگىپ»، شىراق جاعۋعا شىنداپ كىرىسكەنى تۋرالى ءباسپاسوز قىزمەتى حابارلاپ وتىر. شىرشالار الاتاۋ اۋدانىنداعى باعدات ءمانىزوروۆ مىرزا وتىرعان اكىمشىلىك ءۇيىنىڭ الدىندا، المالى اۋدانىنداعى ەسكى الاڭدا، اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ قارسىسىندا، بوستاندىق اۋدانىنداعى جاڭا الاڭ مەن تسيركتىڭ، جەتىسۋ اۋدانىنداعى «قۇلاگەردە»، № 148 مەكتەپتىڭ اۋلاسىندا، مەدەۋ اۋدانىندا «عىلىم اكادەمياسىنىڭ»  قاسىندا، تۇركسىب اۋدانىندا وقۋشىلار ءۇيىنىڭ جانىندا بوي كوتەرمەك.

 اكىمشىلىك شىرشا مەرەكەسىنىڭ قاۋىپسىزدىگىنە قاتتى نازار اۋدارىپ كوركەمدىگىنە بارىنشا ءمان بەرىپ وتىر. 

 سونىمەن، جاڭا جىلدى لايىقتى قارسى الۋدىڭ قاربالاسى ادەتتەگىدەي باستالىپ كەتتى. سوندا دەيمىز-اۋ، اڭساتىپ، زارىقتىرىپ جەتكەن ازاتتىعىمىزدىڭ 19 جىلدىعى قايدا، قاي شىرشانىڭ تاساسىندا قالدى؟! نەگە ءبىز الدىمەن تاۋەلسىزدىك كۇنىن اتاپ وتكەن سوڭ بارىپ، جاڭا جىلعا دايىندالمايمىز؟!!  ويتكەنى، بىزدە «جاڭا عاسىرداعى جاڭا قازاقستان» (ن. ءا. نازارباەۆتىڭ ءسوزى) ۇعىمىمەن ۇرانداسقان رۋح جوق. ول رۋح بار ەدى. تاۋەلسىزدىگىمىزدىڭ العاشقى جىلدارىندا بولعان. ورەكپىپ ءومىر سۇرگەن. بىراق، بيلىككە بەيساۋات كەلگەن اتقامىنەرلەردىڭ قۇلتەرىڭ پسيحولوگياسى جىل وتكەن سايىن ەلدىڭ، اسىرەسە جاس بۋىننىڭ ازاتتىققا دەگەن اڭسار تىلەگىن اياماي ەزىپ-جانشىپ، جويىپ بارادى. قازاقستاندا قازىر تاۋەلسىزدىك سىيعا تارتقان مەملەكەتتىك مەرەكەلەر ەمەس، سوۆەتتىك ماسكۇنەمدەردىڭ مەرەكەسى باياعى دارىپىنە قايتا ورالۋدا.

23-اقپان دۇنيەنى قانعا بوكتىرگەن سوۆەت ارمياسىنىڭ قۇرىلعان كۇنى بولاتىن. ول كۇندى ىرگەمىزدەگى رەسەي «ناعىز ەر-ازاماتتاردىڭ» مەرەكەسىنە اينالدىرا قويىپ ەدى، ءبىزدىڭ ءورىستىلدى باسپاسوزدەن باستاپ ءبارى ەلىرىپ سونىڭ دۇرمەگىنە قوسىلىپ كەتتى. بيىل، رەسەي 7-قازاندا جارتى الەمدى جالپاق جەردىڭ بەتىنەن ءبولىپ اكەتە جازداعان كوممۋنيستەر بيلىگىندەگى سۇراپىل  زامانىڭ سۋىق بەلگىسى - « قازان توڭكەرىسىن» تويلادى. كەلەر جىلى ورىستان قالماي ءبىزدىڭ دە «قازان توڭكەرىپ»   قاعىنارىمىز انىق.

شىرشامىزعا ورالايىق. ءيا، ەندى تاياۋ كۇندەرى الماتى مەن وزگە دە قالالارىمىزدا جاڭا جىلدىڭ جارىعى جاعىلا باستايدى. ال، تاۋەلسىزدىك كۇنى «كەنەپ كويلەك» ساتىپ الىپ  «قىزىققا» كەنەلەگەن كەمپىردىڭ  بەيداۋا قارتتىعىن مازاق ەتكەندەي الاس قاپاستا وتەدى  دە كەتەدى.  انىعى احمەتجان «اتالار» ات بەلىندە وتىرعاندا جۋىق ارادا تاۋەلسىزدىك رۋحى قازاقتىڭ بويىنا سىڭە قويماس.  سوندا بۇلار، قاي ەلدىڭ اكىم-قاراسى اتانىپ، قاي داۋىردە ءومىر ءسۇرىپ جاتىر؟  تىم قۇرىعاندا ۇلكەن كىسىنىڭ كوڭىلى ءۇشىن تاۋەلسىزدىك مەرەكەسىنە ءمان بەرىپ، دايىندىق جاساي الماي ما؟

«اباي-اقپارات»