تامىزدىڭ 12- كۇنى الماتىدا ورنالاسقان ورتالىق مادەنيەت پەن دەمالىس ساياباعىندا كارىس مادەنيەت كۇنىنە وراي ءىس-شارا ءوتتى دەپ، حابارلايدى "Abai.kz" اقپاراتتىق پورتالى.

كارىس مادەنيەت كۇنىن جىل سايىن الماتى كارىس ۇلتتىق ورتالىعى وتكىزىپ كەلەدى. ونىڭ ماقساتى ۇلتارالىق كەلىسىم مەن بىرلىكتى كۇشەيتۋ بولىپ تابىلادى. مەرەكەگە جيىلعان جۇرتتىڭ قاراسى كوپ بولدى. قوناقتار كارىس داستۇرلەرى، سالتتارىمەن تانىسىپ، حالىقتىق ونەردى تاماشالادى.

ءىس-شاراعا قازاقستان رەسپۋبليكاسى پارلامەنتى ءماجىلىسى توراعاسىنىڭ ورىنباسارى بوجكو ۆلاديمير كارپوۆيچ، قازاقستان حالقى اسسامبلەياسى حاتشىلىعىنىڭ جەتەكشىسى بالعىنباەۆ نازار البانوۆيچ، الماتى قالاسىنىڭ اكىمى اپپاراتىنىڭ «قوعامدىق كەلىسىم» كمم ديرەكتورى مۇرىنوۆا جاننات شاراپحانقىزى، الماتى كارىس ۇلتتىق ورتالىعىنىڭ توراعاسى شين برونيسلاۆ سەرگەەۆيچ، الماتى ق. ەتنومادەني بىرلەستىكتەرىنىڭ توراعالارى مەن مۇشەلەرى، قالا تۇرعىندارى مەن قوناقتارى ارنايى كەلىپ قاتىستى.

كونتسەرتكە قاتىسۋشىلار – اكۇو شىعارماشىلىق ۇجىمدارى. مەرەكەنى ۇيىمداستىرۋعا مەملەكەتتىك رەسپۋبليكالىق اكادەميالىق كارىس مۋزىكالىق كومەديا تەاترى مەن الماتى ق. قازاقستان حالقى اسسامبلەياسى كومەك كورسەتتى.

ءىس-شارا رەسمي تۇلعالاردىڭ سوزدەرىنەن باستالدى. شارانىڭ سالتاناتتى ءبولىمىن الماتى كارىس ۇلتتىق ورتالىعىنىڭ توراعاسى شين ب.س.، ۋاقىتتى جاقسى وتكىزۋدى تىلەپ، اشتى.

سونىمەن بىرگە، قاتىسۋشىلاردىڭ بارلىعىن قازاقستان رەسپۋبليكاسى پارلامەنتى ءماجىلىسى توراعاسىنىڭ ورىنباسارى بوجكو ۆ.ك. مەرەكەمەن قۇتتىقتاپ، كارىس دياسپوراسى وكىلدەرىنىڭ قازاقستاننىڭ دامۋىنا سالعان كۇشىن بەلگىلەپ ايتتى. الماتى ق. رەسمي ساپارمەن كەلگەن، كارىس رەسپۋبليكاسى ۇلتتىق اسسامبلەياسىنىڭ (پارلامەنت) دەپۋتاتتارى دا ءوز اتالاستارىنا جىلى سوزدەر ايتتى.

كونتسەرتتىك باعدارلامادا «بيدۋلگي»، «نامسون»، «ساران» انسامبلدەرى، «رودينا»، «بيدانگيل» حورلارى، «ينسام»، «رادۋگا» بي توپتارى جانە تاعى باسقالارى ءوز ونەرىن كورسەتتى.

ەرعالي بەرىكۇلى

Abai.kz