تاجىكستاندا "سوعىس ءمينيسترى" حاليموۆتىڭ تۋىستارىنا قاتىستى تەرگەۋ اياقتالدى
تاجىكستاننىڭ باس پروكۋراتۋراسى ەلدىڭ ءىىم ومون ەكس-كومانديرى، يسلام مەملەكەتى (يم) ەكسترەميستىك ۇيىمىنا قوسىلعان گۋلمۋرود حاليموۆتىڭ ءۇش تۋىسىنا قاتىستى تەرگەۋ ءىسى اياقتالعانىن مالىمدەدى. ولار شەكارانى زاڭسىز كەسىپ وتپەك بولدى، قۇقىق قورعاۋ ورگاندارى قىزمەتكەرلەرىنە قارسىلىق ءبىلدىردى دەپ ايىپتالادى.
قاشقىن پولكوۆنيكتىڭ باۋىرلارى كوميل جانە نازير حاليموۆ، ءارى ونىڭ نەمەرە ءىنىسى ءالي حاليموۆ 5 شىلدەگە قاراعان ءتۇنى ۇستالعان. ولارمەن بىرگە بولعان تاعى ءتورت ادام ارنايى وپەراتسيا بارىسىندا قازا تاپقان.
تاجىكستاننىڭ ارنايى قىزمەتىنىڭ اقپاراتى بويىنشا، گۋلمۋرود حاليموۆتىڭ تۋىستارى تاجىك-اۋعان شەكاراسىن كەسىپ ءوتىپ، يم توبىنا قوسىلماق بولعان. سونىمەن بىرگە نايم راحمونوۆتىڭ گۋلمۋرود حاليموۆپەن ۇنەمى بايلانىستا بولعانى ايتىلادى.
تاجىكستاننىڭ ارنايى قىزمەتى قاشقىن پولكوۆنيكتىڭ باۋىرى نازيرمەن دە بايلانىستا بولعانىن انىقتاعان. گۋلمۋرود حاليموۆ وعان وتباسىن اۋعانستانعا كوشىرۋدى تاپسىرعان ەكەن.
8 قىركۇيەكتە رف قورعانىس مينيسترلىگى گۋلمۋرود حاليموۆتىڭ دەير-ەز-زۋر قالاسىندا رەسەيلىك اۋە كۇشتەرى تاراپىنان ولتىرىلگەنىن مالىمدەدى.
Abai.kz
