بۇگىن ماجىلىستە «مەملەكەتتىك ءتىلدىڭ لاتىن گرافيكاسىنداعى ءالىپبيىنىڭ بىرىڭعاي ستاندارتىن ەنگىزۋ ماسەلەلەرى تۋرالى» پارلامەنتتىك تىڭداۋدا ءسوز العان دەپۋتات بەكبولات تىلەۋحان «1929 جىلى ءبىزدىڭ قازاق ارابيكادان لاتينيتساعا بار بولعانى ەك-اق جىلدىڭ ىشىندە اۋىسقان. سودان قيىن ەمەس. ەڭ باستىسى نيەت كەرەك»، -دەپ قاداپ ايتتى. پارلامەنت دەپۋتاتتارىنىڭ ىشىندە سوزگە جۇيرىك، ۇنەمى تاۋىپ، بەينەلەپ سويلەيتىن ول: «وسى كۇنى سوتكاسىنان ايىرىلعان ادام، سوسكاسىنان ايرىلعان بالادان بەتەر زامان بولعانىن» دا ەسكەرتتى. 

 "ءبىز شىنىندا دا لاتىن ارىپىنە كوشۋگە دايىندالدىق، وسى نارسەنىڭ ءتۇبى بولاتىنى اركىمگە بەلگىلى ەدى. جانە ءبىز ءوزىمىزدى دايىنداعان جوقپىز، ۋاقىت دايىندادى. قالتا تەلەفونىمىزعا ورىس تىلىندە كەلەتىن اقپاراتتاردىڭ ءوزى   لاتينيتسامەن كەلىپ، ءبىزدى ابدەن دايىندادى. سوتكاسىنان ايىرىلعان ادام، سوسكاسىنان ايرىلعان بالادان بەتەر مىنا زاماندا شىنىندا دا كەتىپ جاتقان اقپاراتتىڭ بارلىعى لاتينيتسا. ويتكەنى ادەت دەگەن وسىنداي ادەت الۋدان تۋادى. وسى ۋاقىتتان ەرتە باستاساڭ ەرتە بولىپ كەتەر ەدى، ەندى كەشىكسەك كەش بولۋى ابدەن ىقتيمال».

الدىمىزدا ۇلكەن ءالىپبي رەفورماسى تۇر. بۇل رەتتە ءبىز  "ق" - ىسىنان ايىرىلعان تۇرىكتىڭ رەفورماسىن، ءوز ەلىندە وگەي شىققان وزبەكتىڭ رەفورماسىن، اڭگىمەسى بۇزىلىپ قالعان ءازىربايجاننىڭ، تۇڭلىگى ءتۇرىلىپ قالعان تۇركىمەننىڭ جاعدايىن جاقسىلاپ ەسكەرۋىمىز كەرەك.  ولاردىڭ قاتەلىكتەرىن جىبەرمەۋگە بىزدە  تولىق مۇمكىندىك بار دەپ ويلايمىز.

سوندىقتان دا ءسوز ىڭعايلارىڭىز نەمەنە دەگەندە، الىپپە اۋىستىرۋ استانا اۋىستىرعاننان قيىن ەمەس، الىپپە اۋىستىرۋ جوسپارلى ەكونوميكادان نارىقتىق ەكونوميكاعا كىلت بۇرىلعاننان قيىن دەپ ويلامايمىن. 1929 جىلى ءبىزدىڭ قازاق ارابيكادان لاتينيتساعا بار بولعانى ەك-اق جىلدىڭ ىشىندە اۋىسقان. سودان قيىن ەمەس. ەڭ باستىسى نيەت كەرەك".

Abai.kz