جامبىل وبلىسىندا تۇپنۇسقا قۇجاتى جوق 250 شەتەل ازاماتىنىڭ قازاقستاننان شىعارىلۋى جايىنداعى ماسەلە قاراستىرىلىپ جاتىر.

جۋىردا 2015 جىلى قىتايدان كوشىپ كەلگەن قانداستارىمىزدىڭ جالعان ىحتيارحاتپەن جۇرگەندەرىن انىقتاعان بولاتىنبىز. زاڭعا سايكەس، ولار ەلدەن دەپورتاتسيالانۋلارى كەرەك. بىراق، ولار قىتايعا قايتقان جاعدايدا، سول ەلدىڭ زاڭىنا سايكەس وزدەرىنىڭ سوتتالاتىندارىن ايتىپ جاتىر. ال جامبىل كوشى-قون پوليتسياسى ولارعا ەشقانداي دا جالعان قۇجات بەرمەگەندەرىن مالىمدەگەن.

“2015 جىلى قحر ازاماتتارى قازاقستان رەسپۋبليكاسىندا تۇراقتى تۇرۋعا ىقتيارحات بەرۋ تۋرالى ءوتىنىش جازعان. وتىنىشتەر 2015 جىلعى 4 جەلتوقسانداعى №992 بۇيرىقتىڭ تالاپتارىنا سايكەس قابىلدانعان، تىركەلگەن جانە قارالعان. قاجەتتى ماتەريالداردىڭ بارلىعى جينالعان. بىراق ۇلتتىق قاۋىپسىزدىك ورگاندارىنىڭ تەكسەرۋىنەن كەيىن تۇراقتى تۇرۋعا تىركەۋ جانە رۇقسات بەرۋگە نەگىز رەتىندە ۇسىنىلعان قۇجاتتار جالعان ەكەنى انىقتالعان. ياعني، شەتەل ازاماتتارىنا جالعان قۇجاتتىڭ بەرىلۋىنە ءبىزدىڭ قىزمەتكەرلەردىڭ ەشقانداي قاتىسى جوق»، – دەپ مالىمدەدى وبلىستىق ءىىد كوشى-قون پوليتسياسى باسقارماسىنداعىلار.

ەگەر ازاماتتار قازاقستاننان ءوز ەرىكتەرىمەن شىعۋدان باس تارتسا، ولار ءماجبۇرلى تۇردە شىعارىلادى. “قازىرگى كەزدە 250 شەتەل ازاماتىن قازاقستان رەسپۋبليكاسىنىڭ اۋماعىنان شىعارۋ جونىندەگى ماسەلە قارالۋدا”، – دەيدى وبلىستىق ءىىد كپب-داعىلار.

Abai.kz