پاۆلودار. 9 جەلتوقسان. قازتاگ - «پاۆلودارمۇناي-حيميا زاۋىتى» اق (پمحز) قىزمەتكەرلەرىنە كاسىپورىننىڭ اۋماعىندا ۇيالى تەلەفونمەن سويلەسۋگە تىيىم سالىندى، دەپ حابارلايدى كاسىپورىننىڭ «نەفتەپەرەرابوتچيك» گازەتى.

باسىلىمنىڭ اقپاراتىنا سايكەس، ۇيالى تەلەفونداردى پايدالانۋدى شەكتەۋ تۋرالى بۇيرىققا باس ديرەكتور 19 قاراشادا قول قويعان، ال «بۇيرىقتى زاۋىت قىزمەتكەرلەرىنىڭ اراسىندا تاراتۋ» 6 جەلتوقسانعا دەيىن بەلگىلەندى.

بۇيرىققا سايكەس، باقىلاۋ-وتكىزۋ بەكەتتەرىنىڭ بارىندە، ورتالىق كىرەبەرىستە ۇيالى تەلەفونداردى ساقتايتىن ورىندار جاسالادى. ال زاۋىت جۇمىسكەرلەرىنە «قاۋىپسىزدىك ەرەجەلەرىن بۇزۋ وقيعالارى تۋرالى تىكەلەي باستىعىنا حابارلاۋ، بۇزۋشىعا ءوز ارەكەتى ءۇشىن جاۋاپكەرشىلىك كوتەرەتىنىن ايتۋ» مىندەتتەلدى.

قاجەت بولسا، كاسىپورىن تسەحتارىندا ورناتىلعان قالالىق تەلەفوندار ارقىلى قىسقاشا سويلەسۋگە بولادى. سونىمەن بىرگە، شەكتەۋلەر تولىقتاي قامتىماعان قىزمەتكەرلەردىڭ ءتىزىمى بەكىتىلدى. مىسالى، پمحز-نىڭ «پەريمەترىنەن» تىس جەردە – زاۋىت باسقارماسىنىڭ عيماراتىندا جۇمىس ىستەيتىن قىزمەتكەرلەر ۇيالى تەلەفوندارىن پايدالانا الادى، ال زاۋىت اۋماعىنا كىرگەندە، ولار تەلەفوندارىن جۇمىس ورىندارىندا قالدىرىپ كەتۋگە ءتيىس. جۇمىس كۇنى بويى ءوز كابينەتتەرىندە وتىرىپ، قوندىرعىلارعا شىقپايتىن ادامدار تەلەفوندارىن پايدالانا الادى.

پاۆلودار. 9 جەلتوقسان. قازتاگ - «پاۆلودارمۇناي-حيميا زاۋىتى» اق (پمحز) قىزمەتكەرلەرىنە كاسىپورىننىڭ اۋماعىندا ۇيالى تەلەفونمەن سويلەسۋگە تىيىم سالىندى، دەپ حابارلايدى كاسىپورىننىڭ «نەفتەپەرەرابوتچيك» گازەتى.

باسىلىمنىڭ اقپاراتىنا سايكەس، ۇيالى تەلەفونداردى پايدالانۋدى شەكتەۋ تۋرالى بۇيرىققا باس ديرەكتور 19 قاراشادا قول قويعان، ال «بۇيرىقتى زاۋىت قىزمەتكەرلەرىنىڭ اراسىندا تاراتۋ» 6 جەلتوقسانعا دەيىن بەلگىلەندى.

بۇيرىققا سايكەس، باقىلاۋ-وتكىزۋ بەكەتتەرىنىڭ بارىندە، ورتالىق كىرەبەرىستە ۇيالى تەلەفونداردى ساقتايتىن ورىندار جاسالادى. ال زاۋىت جۇمىسكەرلەرىنە «قاۋىپسىزدىك ەرەجەلەرىن بۇزۋ وقيعالارى تۋرالى تىكەلەي باستىعىنا حابارلاۋ، بۇزۋشىعا ءوز ارەكەتى ءۇشىن جاۋاپكەرشىلىك كوتەرەتىنىن ايتۋ» مىندەتتەلدى.

قاجەت بولسا، كاسىپورىن تسەحتارىندا ورناتىلعان قالالىق تەلەفوندار ارقىلى قىسقاشا سويلەسۋگە بولادى. سونىمەن بىرگە، شەكتەۋلەر تولىقتاي قامتىماعان قىزمەتكەرلەردىڭ ءتىزىمى بەكىتىلدى. مىسالى، پمحز-نىڭ «پەريمەترىنەن» تىس جەردە – زاۋىت باسقارماسىنىڭ عيماراتىندا جۇمىس ىستەيتىن قىزمەتكەرلەر ۇيالى تەلەفوندارىن پايدالانا الادى، ال زاۋىت اۋماعىنا كىرگەندە، ولار تەلەفوندارىن جۇمىس ورىندارىندا قالدىرىپ كەتۋگە ءتيىس. جۇمىس كۇنى بويى ءوز كابينەتتەرىندە وتىرىپ، قوندىرعىلارعا شىقپايتىن ادامدار تەلەفوندارىن پايدالانا الادى.

«تسەحتار مەن زاۋىت بولىمشەلەرىنىڭ باسشىلارىنا بوتەن ۇيىمدارمەن كەلىسسوز جۇرگىزىپ، كوممەرتسيالىق ۇسىنىستاردى تالقىلاۋ ءۇشىن ۇيالى تەلەفوندى پايدالانۋعا تىيىم سالىنادى، بۇل ماسەلەلەردىڭ ءبارىن «پمحز» اق باس ديرەكتورى شەشەدى»، - دەدى تەحنيكالىق ديرەكتور وسپانبەك السەيىتوۆ، ونىڭ سوزدەرى ماقالادا كەلتىرىلگەن.

ونىڭ اتاپ كورسەتۋىنشە، قازاقستاندىق نارىق ءوندىرىسى كۇدىكتى تەلەفوندارعا تولى، ولاردىڭ جارىلىستان قورعانىس دەڭگەيى كورسەتىلمەگەن، سوندىقتان مۇنداي تەلەفونداردى پايدالانۋ ءوندىرىس ءۇشىن قاۋىپتى بولۋى مۇمكىن. زاۋىتتىڭ اۋماعىندا ۇشقىن-جارىلىس قاۋىپسىز راديوستانتسيانىڭ كومەگىمەن عانا اڭگىمەلەسۋگە رۇقسات ەتىلگەن.

بۇدان باسقا، كاسىپورىن باسشىلىعى مۇنداي بۇيرىقتى شىعارۋىن نۇسقاۋلىقتىڭ كوممەرتسيالىق قۇپيانى جاريالاماۋ تۋرالى بولىگىن ورىنداۋ قاجەتتىگىمەن ءتۇسىندىردى.

«ۇيالى تەلەفوندارعا فوتو جانە بەينەجازبا فۋنكتسيالارى ورناتىلعانىن ءبارىمىز بىلەمىز، بۇل ولاردى قىزمەتتىك اقپاراتتى كوشىرىپ، زاۋىت اۋماعىنان تىس شىعارۋعا مۇمكىندىك بەرەدى» - دەدى و. السەيىتوۆ.