1921-22 جانە 1931-1933-ءنشى جىلدار. قازاقتىڭ، ءتىپتى ادامزات تاريحىندا بۇرىن-سوڭدى ەستىپ، بىلمەگەن قاسىرەتكە تولى، قايعىلى، زۇلمات جىلدار. قاندى قول قىزىلداردىڭ قاساقانا قولدان جاساعان اشارشىلىعىنان كەيبىر دەرەك بويىنشا 4 ملن. 100 مىڭ! قازاق بالاسى قىرىلىپ قالعان. بۇل ءبىزدىڭ اتا-بابامىز. شىققان تەگىمىز. باۋىرىمىز. اياۋلى جاندارىمىز. قاتارىمىزدا جوق ميلليوندار. ۇزىلگەن ۇمىتتەر. ورىندالماعان ارماندار. اشتىقتى جاساعان قىزىل وكىمەتپەن جانە سوعان كىنالى جاندارعا، بارلىق قىزىل كوسەمدەرگە ەكى دۇنيەدە كەشىرىم بولمايدى!

قارا جولدىڭ بويىندا، قىستاقتارداعى ۇيلەرىندە، وي مەن قىردا، تاۋ-تاستىڭ قۋىسىندا، قالا كوشەلەرىندە قازاق قىناداي قىرىلىپ جاتتى. ەسەسىنە قازاقتىڭ مالى مەن استىعى ىشكى رەسەي مەن ەلدەگى قاندىقول ارميا مەن پارتيانى تاماقتاندىرۋعا كەتتى. بۇنداي قاتىگەزدىك پەن تاسجۇرەكتىكتى قازاق ەشقاشان كەشىرمەيدى.

جانعا باتاتىنى - سودان بەرى قانشاما جىلدار وتكەنىمەن اشارشىلىقتىڭ اقيقاتى اشىلماي وتىر. تاۋەلسىزدىككە تابانى كۇرەكتەي جيىرما جىل. جيىرما جىلدا اشتىقتان قىرىلعان قازاقتىڭ ناقتى سانى مەن تاريحي دەرەكتى قۇجاتتاردى جارىققا شىعارىپ، اشتىقتى كەڭەس وكىمەتى قازاق جەرى مەن ونىڭ بايلىعىنا يەلىك ەتۋ ءۇشىن تۇتاس ءبىر ۇلتتى جويۋ جولىندا قاساقانا قولدان جاساعانىن ايتىپ تۇرىپ ساياسي باعاسىن بەرە الماۋىمىز.

1921-22 جانە 1931-1933-ءنشى جىلدار. قازاقتىڭ، ءتىپتى ادامزات تاريحىندا بۇرىن-سوڭدى ەستىپ، بىلمەگەن قاسىرەتكە تولى، قايعىلى، زۇلمات جىلدار. قاندى قول قىزىلداردىڭ قاساقانا قولدان جاساعان اشارشىلىعىنان كەيبىر دەرەك بويىنشا 4 ملن. 100 مىڭ! قازاق بالاسى قىرىلىپ قالعان. بۇل ءبىزدىڭ اتا-بابامىز. شىققان تەگىمىز. باۋىرىمىز. اياۋلى جاندارىمىز. قاتارىمىزدا جوق ميلليوندار. ۇزىلگەن ۇمىتتەر. ورىندالماعان ارماندار. اشتىقتى جاساعان قىزىل وكىمەتپەن جانە سوعان كىنالى جاندارعا، بارلىق قىزىل كوسەمدەرگە ەكى دۇنيەدە كەشىرىم بولمايدى!

قارا جولدىڭ بويىندا، قىستاقتارداعى ۇيلەرىندە، وي مەن قىردا، تاۋ-تاستىڭ قۋىسىندا، قالا كوشەلەرىندە قازاق قىناداي قىرىلىپ جاتتى. ەسەسىنە قازاقتىڭ مالى مەن استىعى ىشكى رەسەي مەن ەلدەگى قاندىقول ارميا مەن پارتيانى تاماقتاندىرۋعا كەتتى. بۇنداي قاتىگەزدىك پەن تاسجۇرەكتىكتى قازاق ەشقاشان كەشىرمەيدى.

جانعا باتاتىنى - سودان بەرى قانشاما جىلدار وتكەنىمەن اشارشىلىقتىڭ اقيقاتى اشىلماي وتىر. تاۋەلسىزدىككە تابانى كۇرەكتەي جيىرما جىل. جيىرما جىلدا اشتىقتان قىرىلعان قازاقتىڭ ناقتى سانى مەن تاريحي دەرەكتى قۇجاتتاردى جارىققا شىعارىپ، اشتىقتى كەڭەس وكىمەتى قازاق جەرى مەن ونىڭ بايلىعىنا يەلىك ەتۋ ءۇشىن تۇتاس ءبىر ۇلتتى جويۋ جولىندا قاساقانا قولدان جاساعانىن ايتىپ تۇرىپ ساياسي باعاسىن بەرە الماۋىمىز.

رەسەيدىڭ مۇراعاتتارىندا ساقتالعان اشارشىلىق جىلدارىنداعى قۇپيا قۇجاتتار ءبىرازى اشىلسا، كوبىسى - جابىق. قۇرتىلىپ، جويىلىپ كەتكەنى قانشاما! ال، ءبىز - قازاق قوعامى، قازاق بيلىگى... نە دەسەڭىز دە ەركىڭىز.

ءبىز ەندى نە ىستەسەك تە، 4 ملن. 100 مىڭ قازاقتىڭ ورنىن ەشقاشان تولتىرا المايمىز. وسەرمىز، ونەرمىز بىراق ورنى ۇڭىرەيىپ تۇرا بەرمەك. الايدا، ءوز وتانىندا اشتىقتان كوز جۇمعان الاش بالاسىن جوقتاۋ ءبىز ءۇشىن ومىرلىك پارىز. الداعى ۋاقىتتاردا ءازىربايجان نەمەسە تۇرىكمەندەردەي بىزدەر دە ۇلتتىق ازا كۇنىن جاريالايتىن بولارمىز. جەتەمىز وعان دا!

سول ۇشىندە قولعا تۇسكەن اشتىق جىلدارىنداعى وتە قۇپيا بەلگىسىمەن جونەتىلگەن قىزمەتتىك حاتتاردى، قۇپيا قۇجاتتاردى جاريالاپ تۇرماقپىز. سولاردىڭ العاشقى ۇشەۋىمەن تانىس بولىڭىز. قۇجاتتار ءتۇپنۇسادا بەرىلىپ وتىر.

«اباي-اقپارات»