الماتى. 19 جەلتوقسان. قازتاگ – قۇتقارۋشىلار الماتى وبلىسى الاكول اۋدانى ءۇشارال-دوستىق تاس جولىندا قار قۇرساۋىنان ەكى جۇك اۆتوكولىگىن قۇتقاردى، دەپ حابارلادى تجم.

ۆەدومستۆو مالىمەتتەرىنشە، ءۇشارال-دوستىق اۆتوجولىنىڭ 105-ءشى شاقىرىمىندا قار قۇرساۋىندا قالىپ قويعان 2 اۆتوموبيل 18-ءشى جەلتوقساندا 13 ساعاتتا ەۆاكۋاتسيالانىپ، ءۇشارال قالاسىنا جىبەرىلدى.

ەۆاكۋاتسياعا الماتى وبلىسىنىڭ تجد 6 اداممى مەن 1 تەحنيكاسى، سونداي-اق «قازترانسويلدىڭ» ءۇشارال فيليالىنىڭ 13 ادام مەن 1 تەحنيكاسىنان تۇراتىن كۇشتەرى جۇمىلدىرىلدى.

بۇل رەتتە، تجم مالىمەتتەرىنشە، اۋا رايىنىڭ ناشارلاۋى سەبەپتى – كۇشتى جەل تۇرىپ، كورىنۋ قاشىقتىعى ناشارلاپ، كۇرتىك قار پايدا بولۋى سەبەپتى – وتكەن سەنبىنىڭ 19 ساعاتىنان باستاپ رەسپۋبليكالىق ماندەگى وسكەمەن-زىريانوۆسك تاس جولىنىڭ 4-164-ءشى شاقىرىمى ارالىعىندا كولىكتىڭ بارلىق تۇرىنە قوزعالىس جابىلدى.

ۆەدومستۆو سونداي-اق، قاراعاندى وبلىسىندا سەنبىنىڭ 20 ساعاتىنان باستاپ جەكسەنبىنىڭ تاڭعى 8-گە دەيىن كوكتايعاق، بۇرقاسىن، كورىنۋ قاشىقتىعىنىڭ ناشارلاۋى سەبەپتى كولىكتىڭ بارلىق تۇرىنە بارلىق باعىتتاعى قوزعالىس جابىق بولعانىن حابارلايدى.