وزبەكستاندا كولىك زاۋىتىنا يسلام كاريموۆتىڭ ەسىمى بەرىلدى
وزبەكستاندا ءاندىجان وبلىسىنىڭ اساكا اۋدانىنداعى كولىك زاۋىتىنا ەلدىڭ ءبىرىنشى پرەزيدەنتى يسلام كاريموۆتىڭ ەسىمى بەرىلدى. بۇل جونىندە كاسىپورىننىڭ ءباسپاسوز قىزمەتى حابارلادى.
ءتيىستى قاۋلىعا وزبەكستان پرەزيدەنتى شاۆكات ميرزياەۆ قول قويعان.
زاۋىت اۋماعىندا سونىمەن قاتار كاريموۆكە ارنالعان مەموريالدى كەشەن سالىندى. كەشەندە "يسلام كاريموۆ جانە وزبەكستانداعى كولىك ونەركاسىبىنىڭ دامۋى" دەگەن تاقىرىپتا كورمە-مۇراجايى اشىلدى.
اساكا اۋدانىنداعى كولىك زاۋىتىنىڭ كولىكتەرى رەسپۋبليكاعا عانا ەمەس، سىرتقى نارىققا دا شىعارىلادى.
وتكەن جىلى اساكاداعى كولىك زاۋىتى قۇرىلعانىنا 20 جىل تولعانىن اتاپ وتكەن.
Abai.kz
