ادام قۇقىقتارى كۇنى اقش مەملەكەتتىك دەپارتامەنتى مالىمدەمە جاسادى
اقش مەملەكەتتىك دەپارتامەنتى حالىقارالىق ادام قۇقىقتارى كۇنىنە وراي مالىمدەمە جاسادى. 69 جىل بۇرىن، 10 جەلتوقساندا بۇۇ-نىڭ باس اسسامبلەياسى ادام قۇقىقتارى جونىندەگى جالپىعا ورتاق دەكلاراتسيانى قابىلداعان.
بۇل حالىقارالىق قۇجات جەر بەتىندەگى بارلىق ادامنىڭ قۇقىقتارىن سىيلاۋعا نەگىزدەلگەن. دەكلاراتسيادا ادام قۇقىقتارىن قورعاۋ – ەركىندىكتىڭ، ادىلەتتىلىكتىڭ جانە بەيبىتشىلىكتىڭ نەگىزى دەپ بەكىتىلگەن.
"شيەلەنىس وشاعىنان قاشامىن دەپ جاتتا قالىپ قويعاندارعا، رەپرەسسيۆتى ۇكىمەتپەن كۇرەسىپ جۇرگەندەرگە نەمەسە وزگەلەر ءۇشىن قانالىپ جاتقاندارعا جالپىعا ورتاق ادام قۇقىقتارى دەكلاراتسياسى ء"ۇمىت شامشىراعى" بولىپ قالا بەرەدى",- دەلىنگەن اقش مەملەكەتتىك دەپارتامەنتى تاراتقان مالىمدەمەدە.
قۇراما شتاتتار بارلىق مەملەكەتتى دەكلاراتسيادا جازىلعان بارلىق قۇندىلىقتاردى ساقتاپ، بارىنە بىردەي قولدانۋعا شاقىرادى. ەگەر ءاربىر ادام ءوزىن دامىتىپ، ءىسىن جۇزەگە اسىرا السا، الەم بارىنشا قاۋىپسىز بولادى، ءاربىر مەملەكەت تيرانداردان ازات ەتىلەدى دەلىنگەن اقش مەملەكەتتىك دەپارتامەنتى تاراتقان مالىمدەمەدە.
Abai.kz
