بۇگىن كولىكتى تاستاپ، اۆتوبۋسقا ءمىندىم. بۇرىنعىداي قاباعىن ءتۇيىپ، دورەكى مىنەزدى جۇرگىزۋشىلەر جوق. سىپايى.
- اسىرەسە تاڭەرتەڭ ەرتە مىنسەڭىز، قىزىقتىڭ كوكەسى سوندا بولادى. بيلەت تەكسەرۋشىلەردىڭ قولىنا تۇسكەن جولاۋشىلار ايقاي-شۋ كوتەرەدى. قوعامدىق كولىكتەگى ءتارتىپ بارىنە بىردەي. كەيبىرەۋلەر سونى تۇسىنبەيدى. بيلەت تەكسەرۋشىلەر پوليتسيا شاقىرىپ، ەرەجە بۇزعانداردى ءىىب الىپ كەتەدى، - دەيدى 32-اۆتوبۋستىڭ جۇرگىزۋشىسى باۋىرجان.

- بۇگءىن «وڭايدىڭ» اپپاراتىن ەكى رەت جوندەدىم. جوسپاردى ورىنداۋ قيىن. تاڭەرتەڭ، كەشكە اۆتوبۋس جولاۋشىعا لىق تولادى. كىسى كوپ. كوبىسى تولەمەيدى. ايالدامادا توقتاعاندا تەكسەرۋ مۇمكىن ەمەس.

ال جولاقىدان جالتارعاندارعا سالىناتىن ايىپپۇل 4538 تەڭگە. از اقشا ەمەس. ودان دا 80 مىڭ تەڭگە تولەپ قۇتىلعان ءتيىمدى عوي.

جۇرگىزۋشىنىڭ قاسىنان مىنگەن ادامنىڭ قانشاسى تولەگەنىن نەمەسە تولەمەگەنى جايىندا اقپارات بەرەتىن ەشقانداي قۇرىلعىنى كورمەدىم. ءوزىم 150 تەڭگە تولەدىم.

32 اۆتوبۋستىڭ جۇرگىزۋشىسى باۋىرجاننىڭ ايتۋىنشا قازىر جالاقىسى تۇراقتى. سوندىقتان جۇرگىزۋشىلەرگە قويىلاتىن تالاپ تا كۇشەيتىلىپتى.

اۆتوبۋس باعدارشامنىڭ الدىنا توقتادى. ەگدە جاستاعى ايەل ەسىكتى اشۋىن ءوتىنىپ ەدى، جۇرگىزۋشى باس تارتتى. جولاۋشى جۇمىسقا كەشىككەنىن ايتىپ، بۇرقان-تالقان بولىپ،وكپەسى قارا قازانداي بولدى.

- جاسىڭىزدى سىيلاپ، ءوتىنىشىڭىزدى ورىنداۋعا بولادى، رۇقسات ەتىلمەگەن جەردەن ءسىزدى ءتۇسىرىپ، ايىپپۇل تولەگىم كەلمەيدى، - دەپ جۇرگىزۋشى اقتالدى. ايەل دە قايتپادى.

ەگەر الگى جولاۋشى زارداپ شەكسە، نەگىزى جۇرگىزۋشى جاۋاپقا تارتىلادى. ايتپاسا دا تۇسىنىكتى جاعداي. سول ەرەجەنى بۇزۋعا ءوزىمىز ماجبۇرلەيمىز كەيدە. جۇرگىزۋشىلەرگە دە وڭاي ەمەس. سۋرەتكە ءتۇسىرىپ ەدىم، باۋىرجان قۋانىپ كەتتى. "ەسكەرتكەنىڭىزدە ادەمى كيىنىپ كەلەتىن ەدىم" دەيدى. ول دا بىرەۋدىڭ بالاسى عوي. جەلتوقسان كوشەسىنەن ءتۇسىپ، نازارباەۆقا بەتتەدىم. ال الگى اۆتوبۋستاعى اپانىڭ ايقايى ءالى قۇلاعىمدا تۇر.

جازيرا بەگالى

Facebook-تەگى پاراقشاسىنان