قازاق كۇلكىسىنىڭ كەرۋەن باسى، ەلدىڭ ەڭسەسىن قازاقى وتكىر ازىلمەن تىكتەگەن ءسويتىپ، ءبۇتىن جۇرتتى ومىرگە قۇلشىنتقان اكتەر، سىقاقشى قۇدايبەرگەن سۇلتانباەۆتى قالىڭ قازاعى سوڭعى ساپارعا شىعارىپ سالدى.

قۇدايبەرگەن سۇلتانباەۆ ءومىرىنىڭ سوڭىنا دەيىن كورەرمەنىنىڭ كوز الدىندا اكتەرلىك وينىن كورسەتىپ وتكەن مۇحتار اۋەزوۆ اتىنداعى قازاقتىڭ اكادەميالىق دراما تەاترىنان كەڭسايعا قاراي ءبىرجولا اتتاندى. ارتىندا اڭىراپ اعايىن-تۋىسى، الاشى قالدى.

قازاقتىڭ قۇدايبەرگەنىمەن باقۇلداسۋعا كەلگەن جۇرتتا ەسەپ بولعان جوق. تەاتردىڭ ۇلكەن زالىنىڭ ءىشى، سىرتى لىقا تولى حالىق. سۇيىكتى اكتەرىنە دەگەن جۇرتىنىڭ ىقىلاسىمەن قيماستىعى ەلدىڭ كوزىنە تۇنعان جاستان كورىنىپ تۇردى.

قوشتاسۋدا سويلەگەن ادام از بولدى. ارىپتەستەرىنەن تۇڭعىشباي ءال-تارازي، تۋىستارىنان جانە تۋعان جەرىنەن كەلگەن ءبىر-ءبىر ادامنان ءۇش ادامعا عانا قىسقا ءسوز بەرىلدى. پرەزيدەنتتىڭ كوڭىل ايتۋ حاتى وقىلدى.

قازاق ونەرىنىڭ قاراشاڭىراعىنىڭ م.اۋەزوۆ تەاترىنىڭ الدىندا يىرىلە وشارىلىپ، ورتاسى ۇڭىرەيىپ قالىڭ قازاعى قالا بەردى.

ماقپال ءجۇنىسوۆا:

قازاق كۇلكىسىنىڭ كەرۋەن باسى، ەلدىڭ ەڭسەسىن قازاقى وتكىر ازىلمەن تىكتەگەن ءسويتىپ، ءبۇتىن جۇرتتى ومىرگە قۇلشىنتقان اكتەر، سىقاقشى قۇدايبەرگەن سۇلتانباەۆتى قالىڭ قازاعى سوڭعى ساپارعا شىعارىپ سالدى.

قۇدايبەرگەن سۇلتانباەۆ ءومىرىنىڭ سوڭىنا دەيىن كورەرمەنىنىڭ كوز الدىندا اكتەرلىك وينىن كورسەتىپ وتكەن مۇحتار اۋەزوۆ اتىنداعى قازاقتىڭ اكادەميالىق دراما تەاترىنان كەڭسايعا قاراي ءبىرجولا اتتاندى. ارتىندا اڭىراپ اعايىن-تۋىسى، الاشى قالدى.

قازاقتىڭ قۇدايبەرگەنىمەن باقۇلداسۋعا كەلگەن جۇرتتا ەسەپ بولعان جوق. تەاتردىڭ ۇلكەن زالىنىڭ ءىشى، سىرتى لىقا تولى حالىق. سۇيىكتى اكتەرىنە دەگەن جۇرتىنىڭ ىقىلاسىمەن قيماستىعى ەلدىڭ كوزىنە تۇنعان جاستان كورىنىپ تۇردى.

قوشتاسۋدا سويلەگەن ادام از بولدى. ارىپتەستەرىنەن تۇڭعىشباي ءال-تارازي، تۋىستارىنان جانە تۋعان جەرىنەن كەلگەن ءبىر-ءبىر ادامنان ءۇش ادامعا عانا قىسقا ءسوز بەرىلدى. پرەزيدەنتتىڭ كوڭىل ايتۋ حاتى وقىلدى.

قازاق ونەرىنىڭ قاراشاڭىراعىنىڭ م.اۋەزوۆ تەاترىنىڭ الدىندا يىرىلە وشارىلىپ، ورتاسى ۇڭىرەيىپ قالىڭ قازاعى قالا بەردى.

ماقپال ءجۇنىسوۆا:

-  بۇكىل قازاق جۇرتشىلىعى بولىپ، قۇدايبەرگەن اعانى اقتىق ساپارعا شىعارىپ سالىپ تۇرمىز. وتە اۋىر قايعى. ورنى تولماس قازا. بۇ كىسىنى ومىردەن ەرتە كەتەدى دەپ مەن ويلاماپپىن. قالجىڭ ايتاتىن ادامداردىڭ جاس ۇزاق بولادى دەۋشى ەدى. قۇدايبەرگەن اعاعا ۇزاق ءومىر تىلەپ ءجۇرۋشى ەدىم. ويتكەنى، باسىمىزدا قايعى، قاسىرەت بولعان كەزدە اعانىڭ كۇلكىلى وبرازدارىن كورىپ، ومىرگە قۇلشىنىسىمىز وياناتىن. جانى ءجانناتتا بولسىن! جاتقان جەرى جايلى بولسىن! بۇل كىسىنى ءالى تالاي ساعىنامىز. ورنى بولەك. ۇلى اكتەر دەسەك ارتىق ايتپايمىز.

ۇلان نۇسىپاليەۆ:

- جالعان دۇنيەدەن ماڭگىلىك ومىرىنە الدىمىزداعى ۇستاز اعامىز، ونەردەگى ۇلى اكتەر قۇدايبەرگەن سۇلتانباەۆ اعامىزدى شىعارىپ سالىپ جاتىرمىز. قۇدايبەرگەن اعا ەڭبەك ەتكەن جىلدارى ءبىز ول كىسىلەرگە قاراپ، وكشەسىن باسىپ، ۇيرەنىپ وستىك. ەندى اعامىزدىڭ ءوزى جوق بولسا دا، ارتىندا قالعان ونەردەگى ءىزباسارلارى جولىن جالعايمىز دەپ ويلايمىز. نەگە دەسەڭىز، كەنجەلەپ قالعان ءازىل ونەرىنە قۇدايبەرگەن اعانىڭ سىڭىرگەن ەڭبەگى ۇشان-تەڭىز. ارتىندا قالدىرعان دۇنيەلەرى مول. قۇدايبەرگەن، توقسىن، مەيىربان اعالارىمىزبەن ساحنادا بىرگە ونەر كورسەتكەنىمىزدى ارقاشان ماقتان تۇتامىز. جانە قازاق ونەر ودان ءارى دە وسى اعالارىمىزدىڭ تاستاپ كەتكەن ۇلگى، ونەگەسىمەن دامي بەرەرى ءسوزسىز. اللا قابىرىن نۇرلاندىرسىن دەپ تىلەيمىز.

«اباي-اقپارات»