«سامۇرىق-قازىنا» سالعان جولىمەن مەملەكەتتىك ورگاندار جۇرە مە؟

مەملەكەتتىك ورگانداردى مودەرنيزاتسيالاۋ «سامۇرىق-قازىنا» قورىنىڭ ترانسفورماتسياسى جولىمەن ءجۇرۋى مۇمكىن. قالاي دەگەنمەن دە، ۇلتتىق حولدينگ پەن ۇكىمەت وكىلدەرى استانادا وتكەن توپتىڭ كەڭەيتىلگەن وتىرىسىندا ناقتى وسى ماسەلە تۋرالى ءسوز قوزعادى.

«سامۇرىق-قازىنا» توبىندا بىرنەشە جىلدان بەرى جۇرگىزىلىپ كەلە جاتقان مۇنداي اۋقىمدى جيىندى قور ترانسفورماتسياسى رۋحىندا – تاۋنحولل دەپ اتايدى. وسى جولى قوردىڭ قىزمەتكەرلەرى مەن سراتەگيالىق سەرىكىتەستەرى، ديرەكتورلار كەڭەسىنىڭ مۇشەلەرى، پورتفەلدىك كومپانيالاردىڭ وكىلدەرى، پارلامەنت دەپۋتاتتارى مەن مەملەكەتتىك ورگاندار وكىلدەرى ترانسفورماتسيانىڭ كورپوراتيۆتىك قۇندىلىقتارىنىڭ ءرولىن تالقىلاۋعا جينالدى. كەڭەيتىلگەن وتىرىستىڭ رەسمي تاقىرىبى – «سامۇرىق-قازىنا مادەني كودى. Reinvention».

«ءبىزدىڭ مادەنيەتىمىزگە مۇددەلى تۇلعالاردىڭ بارلىعىن قاتىستىرۋدى جوسپارلاپ وتىرمىز. ترانسفورماتسيالانعان قور ەشقاشان بۇرىنعىداي جۇمىس ىستەمەيتىن بولادى. «جاقسى بيزنەس - پايدالى بيزنەس» دەيتىن ءسوز بار. ءبىز ستراتەگيالىق حولدينگتىڭ، بەلسەندى ينۆەستوردىڭ جاڭا وپەراتسيالىق مودەلىنە وتتىك، ءارى پورتفەلدىك كومپانيالاردىڭ قىزمەتىنە اكىمشىلىك قوندىرما بولمايمىز»، - دەپ مالىمدەدى قور باسشىسى ءو.شوكەەۆ.

بۇرىن «سامۇرىق-قازىنا» باسشىلىعى  كورپوراتيۆتى ورتالىقتا تراسفورماتسيانىڭ نەگىزگى بولىگى اياقتالدى، ەندى ونىڭ ۇلگىسىمەن قوردىڭ پورتفەلدىك كومپانيالارى جۇرەتىندىگىن مالىمدەگەن ەدى. الايدا وزگەرىستەردى اياقتاۋعا بولمايدى، بۇل ۇزدىكسىز ۇدەرىس، ويتكەنى ونى كەرەمەت جىلدامدىقپەن وزگەرىپ جاتقان بيزنەس-ورتا مەن ءومىردىڭ ءوزى ءماجبۇر ەتۋدە. قور باسشىلىعىنىڭ سوزىنە قاراعاندا، ءدال وسى تاجىريبە الداعى مودەرنيزاتسيا تۇرعىسىنان بارلىق مەملەكەتتىك ورگاندار مەن ۇكىمەتكە پايدالى.

«ءبىزدىڭ قوردا ىسكە اسىپ جاتقان وزگەرىستەرگە مەملەكەتتىك ورگاندار تاراپىنان زور قىزىعۋشىلىقتىڭ بولۋىن جانە ولاردىڭ دا وزگەرۋگە دەگەن نيەتىن اتاپ ايتقىم كەلەدى. شىنىمەن دە، ءبىزدىڭ قور ءۇشىن وسى وزگەرىس يدەولوگياسى قورىمىزدان تىسقارى، اسىرەسە ۇكىمەت پەن مەملەكەتتىك ورگاندارعا دا تاراعانى ماڭىزدى. ۇزدىكسىز وزگەرىس فيلوسوفياسى بارلىعىنا، اسىرەسە ۇكىمەتكە دارىسا دەيمىز. بىزگە قازىردىڭ وزىندە مەملەكەتتىك ورگاندار كەلىپ، تاجىريبەمىزبەن ءبولىسۋىمىزدى سۇراۋدا. باس پروكۋراتۋرا، جاقىندا ىشكى ىستەر مينيسترلىگى... بۇل دا وسى قۇندىلىقتىڭ ۇزاق مەرزىمدىك بولىگى  – سەرىكتەستىك ەكەنىن تۇسىنەمىز»، -  دەپ مالىمدەدى «سامۇرىق-قازىنانىڭ» باسقارۋشى ديرەكتورى نۇرلان راحمەتوۆ.

سەناتور، ءارى قوردىڭ بۇرىنعى توپ-مەنەدجەرى دارحان قالەتاەۆتىڭ ايتۋىنشا، «سامۇرىق-قازىنا» ءوزىنىڭ وزگەرىس ۆەكتورىندا ەلدىڭ جالپى باعىتىنان وزىپ كەتۋى سەبەبىنەن كوپتەگەن كەدەرگىلەرگە تاپ بولدى.

«تىسقارى باقىلاۋشى رەتىندە، مەنىڭ ويىمشا قور دۇرىس باعىتتا كەلە جاتىر. دەگەنمەن دە، قوردا ورىن العان ۇدەرىستەردە قوردىڭ وزىنە دە، وندا جۇمىس ىستەيتىن ادامدارعا دا قاتىستى جوق ءبىر كەمشىلىك بار. الايدا، قوردا ورىن العان ۇدەرىستەر مەملەكەتتەگىنىڭ كەستەسىندە ەمەس. قور – مەملەكەتتى مودەرنيزاتسيالاۋداعى  ستارتاپ ءتارىزدى. قازىر ەلىمىز اسىقپاي، نىق باسىپ مودەرنيزاتسيا ۇدەرىسىنە قاراي كەلە جاتىر»، - دەدى قالەتاەۆ وتىرىستا ايتقان سوزىندە.

الداعى دامۋى تۇرعىسىندا «سامۇرىق-قازىنا» كورپوراتيۆتىك مادەنيەتكە دەن قويۋدا.  توپتىڭ ءىرى كومپانيالارىنىڭ IPO-عا شىعۋى قارساڭىندا وسى باعىتتى دامىتۋى، قور ءۇشىن شىنايى قۇن بەرەدى. «سامۇرىقتىڭ» جاڭا كورپوراتيۆتىك مادەنيەتتىڭ نەگىزگى پرينتسيپتەرىنىڭ ءبىرى  - سەرىكتەسىك پەن مەريتوكراتيا.

«ءبىز مەريتوكراتيانى كورپوراتيۆتىك مادەنيەتتىڭ يەرارحيالىقتان نارىقتىق مودەلگە ءوتۋىنىڭ قۇرالى رەتىندە پايدالانامىز. ەكى جىل بۇرىن «قازاقتەلەكوم» تەڭ مۇمكىندىكتەر بەرەتىن جۇمىس بەرۋشى برەندىن جاريالادى. ال تارتىمدىلىق تۇرعىسىنان ءبىز سىرتقى ۇمىتكەرلەرگە دە، ىشكى ۇمىتكەرلەرگە دە تەڭ مۇمكىندىك بەرەمىز»، - دەپ مالىمدەدى «قازاقتەلەكوم» اق قىزمەتكەرلەردى باسقارۋ جونىندەگى باسقارۋشى ديرەكتورى بەرىك بيتاباروۆ.

«ءبىز ءوز سىنىپىمىزدا ەڭ ۇزدىگى بولۋىمىز قاجەت. شىن مانىسىندە، بۇل ءبىزدىڭ باستى مىندەتىمىز. ءارى وسى سۇراققا ۇنەمى قايتىپ ورالامىز. ءبىز تەمىر جول سالاسىندا بولسىن، پوشتا قىزمەتىندە بولسىن كىم ۇزدىك اتانسا، ءوزىمىزدى سولارمەن سالىستىرىپ، سولار سياقتى بولۋعا تالپىنۋعا مىندەتتىمىز. مەنىڭ ويىمشا الدىمىزدا ەڭ ماڭىزدى كەزەڭ – بۇكىل باعدارلامانىڭ ءۇشىنشى كەزەڭى – IPO باعدارلاماسى تۇر»، - دەپ مالىمدەدى «سامۇرىق-قازىنا» اق تاۋەلسىز ديرەكتورى سەر ريچارد ەۆانس.

وسى تاجىريبە قازىرگى ۋاقىتتا بۇكىل ەلدى مودەرنيزاتسيالاۋدا جاقسى قىزمەت كورسەتە الاتىندىعىنا «رۋحاني جاڭعىرۋ» قوعامدىق سانانى جاڭعىرتۋ باعدارلاماسىن باسقارۋ ءوفيسىنىڭ باسشىسى ارمان ەۆنيەۆ سەنىمدى.

«سامۇرىق-قازىنانىڭ» تاعى ءبىر ۇلكەن ميسسياسى – ادامداردىڭ، كومپانيالاردىڭ وزگەرۋى مۇمكىن ەكەنىن جانە الدارىنا زور ماقساتتار قويىپ، سول ماقساتتارعا جەتە الاتىندىعىن كورسەتەتىن ەكسپەريمەنتالدىق الاڭ، ينكۋباتور. «سامۇرىق-قازىنا» سوڭعى 4-5 جىلدا ادامداردى، كومپانيالاردى، سونداي-اق، قارىم-قاتىناستى وزگەرتۋ، سەرىكتەستىكتى دامىتۋ بويىنشا شىنايى ادىستەمە جاساپ شىعاردى»، - دەدى ەۆنيەۆ.

وتىرىستى قورىتىندىلاي كەلە، شوكەەۆ قوردىڭ بارلىق قىزمەتكەرلەرى ءبىر ماقساتقا – ەكونوميكالىق تيىمدىلىكتى پەن ەڭبەك ونىمدىلىگىن ارتتىرۋعا جۇمىس ىستەيتىندىگىن، ءارى  مادەني كود – قۇزىرەتتىلىكتەردىڭ جيىنتىعى عانا ەمەس، سونداي-اق، ۇزدىك بولۋعا ۇمتىلۋ ەكەندىگىن ەرەكشە اتاپ ايتتى.