جاقىندا ءبىر جاڭالىق كورپوراتيۆتىك سەكتوردى ءدۇر سىلكىندىردى: «سامۇرىق-قازىنا» قورىن التى جىل باسقارعان ومىرزاق شوكەەۆ پرەمەر-ءمينيستردىڭ ورىنباسارى بولىپ تاعايىندالدى. بۇل ۇلتتىق كومپانيالاردىڭ باسشىلىعىنا قالاي اسەر ەتەتىندىگىن ءبىز ازىرگە تەك بولجاي الامىز. ال قازىر ۇلتتىق ءال-اۋقات قورىنىڭ بۇرىنعى باسشىسى قانداي وزگەرىستەرمەن ەستە قالعاندىعىن ويىمىزعا تۇسىرەيىك.

«ول قورعا التى جىل بۇرىن پرەمەر-ءمينيستردىڭ ورىنباسارى لاۋازىمىنان كەلدى — وسى ۋاقىت ىشىندە ول ءوزى دە وزگەردى، قوردى دا وزگەرتتى: التى جىل بۇرىنعى قور مەن قازىرگى قور مۇلدەم وزگە ەكى كومپانيا! التى جىل بۇرىنعى شوكەەۆ پەن قازىرگى شوكەەۆ مۇلدەم باسقا ادامدار! وسى جىلداردا كوپ ءىس اتقارىلدى — بۇل تۋرالى وتە كوپ ايتىلدى، ايتىلا بەرەتىندىگىنە دە سەنىمدىمىن»، - دەپ ومىرزاق شوكەەۆتىڭ تاعايىندالۋىنان كەيىن «سامۇرىق-قازىنا» باسقارۋشى ديرەكتورى نۇرلان راحمەتوۆ ءوز بلوگىندا جازدى.

شىندىعىندا دا، باسشىلىق جىلدارىندا ومىرزاق شوكەەۆ  مەملەكەتتىك باسقارۋشىدان حالىقارالىق دەڭگەيدەگى قور مەنەدجەرى جولىن ءجۇرىپ ءوتتى. ال «سامۇرىق-قازىنا» ەڭ ءىرى ەگەمەن قورلار — سينگاپۋرلىق Temasek پەن مالايزيانىڭ Khazanah قورلارىن وزىنە باعىت - باعدار رەتىندە تاڭدادى.

ومىرزاق شوكەەۆتىڭ «سامۇرىق-قازىنا» باسشىلىعىنا كەلۋى، قوردىڭ ستراتەگيالىق قىزمەتىنىڭ قايتا باعدارلانۋىمەن تۇسپا-تۇس كەلدى. سول كەزدە ءبىرىنشى كەزەكتە كومپانيالار مەن قور وزدەرىنىڭ بەيىندى ەمەس اكتيۆتەرىنەن — ەكىنشى دەڭگەيلى بانكتەرىنەن قۇتىلىپ، ولاردى باسەكەلەستىك ورتاعا قايتاردى.

العاشقى جەتىستىكتەرىن ساندارمەن ايتساق، 2012 جىلى قوردا جانە پورتفەلدىك كومپانيالاردا باستالعان ءۇش جىلدىق شىعىنداردى ازايتۋ باعدارلاماسى. ناتيجەسىندە، توپتىڭ شىعىندارى 150 ملرد. تەڭگەگە قىسقارتىلدى، سودان كەيىن 180 ملرد. تەڭگە ۇنەمدەۋگە جەتكىزگەن ساتىپ الۋدىڭ اۆتوماتتاندىرىلعان جۇيەسى ەنگىزىلدى. كورپوراتيۆتىك قازىناشىلىقتىڭ جوباسى 90 ملرد. تەڭگە ەكونوميكالىق تيىمدىلىك بەردى. وسىنىڭ ءبارى شوكەەۆ باسشىلىعىنىڭ العاشقى جىلدارىنداعى باستامالار، ال ەندى الدىدا — جاڭا باسشى جالعاستىراتىن ترانسفورماتسيا.

سوڭعى جىلدارى قوردىڭ سىرتقى بورىشى 2 ەسەگە، ال توپ قۇرىلىمىنداعى كومپانيالاردىڭ سانى 600-دەن 315-كە دەيىن قىسقاردى. قوردىڭ ءوزى 2016 جىلى ەلەۋلى وزگەرىستەرگە ۇشىرادى: باسقارما توراعالارىنىڭ ورىنباسارلارى قىزمەتتەرى قىسقارتىلدى، قۇرىلىمى وزگەردى، جاڭا ادامدار كەلدى.

كورپوراتيۆتىك باسقارۋ كودەكسى ەىدۇ قاعيداتتارى نەگىزىندە ازىرلەندى جانە ەنگىزىلدى. قورداعى باستى قۇندىلىق رەتىندە مەريتوكراتيا — بارىنە تەڭ مۇمكىندىكتەر تانىلدى.

«ارينە، ءالى دە بولسا اتقارار ءىس كوپ — ءدال وسىنداي قورلاردىڭ تەرەڭ وزگەرۋى ونداعان جىلدارعا سوزىلاتىن! ال ترانسفورماتسيا قوردىڭ بارلىق كومپانيالارىنىڭ جوعارعى باسشىلىعىنىڭ مەنتاليتەتى مەن مادەنيەتى شىنايى وزگەرگەنشە جالعاسا بەرەدى. ەندى كەرى قايتۋدىڭ ءمانى جوق — بۇل دا قور قىزمەتىنىڭ شوكەەۆتىك كەزەڭنىڭ جەتىستىكتەرىنىڭ ءبىرى»، - دەپ تۇيىندەدى ءوز بلوگىندا نۇرلان راحمەتوۆ.