تاجىك پارلامەنتىنىڭ تومەنگى پالاتاسى سارسەنبى كۇنى "تاجىكستان رەسپۋبليكاسى پرەزيدەنت سايلاۋى تۋراى" زاڭعا وزگەرتۋلەردى تالقىلايدى. وزگەرتۋلەر ەل پرەزيدەنتى قىزمەتىنەن ۇمىتكەردىڭ جاس شەكتەۋىن 35-تەن 30-عا قىسقارتۋدى قاراستىرادى.

بۇل تۇزەتۋلەر 2016 جىلى ەلدە وتكىزىلگەن كونستيتۋتسيالىق رەفەرەندۋمنان تۋىنداعان. ول بويىنشا قازىرگى مەملەكەت باسشىسى، ۇلت ليدەرى ەمومالي راحمون شەكتەۋسىز مەرزىمگە سايلانا الادى.

"بۇعان قوسا، رەفەرەندۋمدا قابىلدانعان تر كونستيتۋتسياسىنا وزگەرىستەر بويىنشا، 30 جاسقا تولعان ازاماتتار ەل پرەزيدەنتى جانە پارلامەنت دەپۋتاتى بولا الادى. بۇعان دەيىنگى جاس شەكتەۋى 35 جانە 25 جاس ەدى", - دەدى تاجىك پارلامەنتىنىڭ دەپۋتاتى سايددجافار ۋسمونزودا.

ەسكە سالايىق، 2016 جىلى 22 مامىردا تاجىكستاندا ەل كونستيتۋتسياسىنا تولىقتىرۋلار جانە وزگەرتۋلەر ەنگىزۋ جونىندە رەفەرەندۋم ءوتتى. بيلىك ۇسىنىپ، حالىق قولداعان قىرىققا جۋىق وزگەرتۋلەردىڭ ىشىندە ەكەۋى ەرەكشە ماڭىزعا يە. بىرىنشىدەن، تاجىكستان باسشىسى ەمومالي راحمون ءوزىن پرەزيدەنتتىككە ەشقانداي كەدەرگىسىز ۇسىنۋ قۇقىعىنا يە بولدى. ەكىنشىدەن، پرەزيدەنت قىزمەتىنە ۇمىتكەرلەردىڭ جاس شەكتەۋى قىسقارتىلدى. ساراپشىلاردىڭ پىكىرىنشە، وسى وزگەرتۋدى ەنگىزگەن سوڭ ەمومالي راحموننىڭ ۇلكەن ۇلى رۋستامي ەمومالي 2020 جىلى پرەزيدەنتتىككە ۇمىتكەر بولا الادى.

Abai.kz