2016 جىلدىڭ اياعىندا ازاماتتىق بەلسەندىلەر تالعات ايان مەن ماكس بوقاەۆ اتىراۋ جانە باسقا دا قالالاردا جەردى ساتۋعا قارسى ميتينگ ۇيىمداستىرعانى ءۇشىن ارقايسىسى بەس جىلعا سوتتالدى. ولارعا "ارازدىق تۋعىزدى", "جالعان اقپاراتتى تاراتتى" جانە "زاڭسىز ميتينگ ۇيىمداستىردى" دەگەن ايىپتار تاعىلدى. ەرەۋىلدەۋشىلەر شەتەل ازاماتتارىنا جەردى ۇزاق جىلدارعا جالعا بەرۋدى قاراستىراتىن جەر كودەكسىن وزگەرتۋدى تالاپ ەتكەن ەدى.

بوقاەۆ جازاسىن سولتۇستىك قازاقستان وبلىسىنداعى كولونيادا وتەپ جاتىر. جاقىندا ونىڭ ادۆوكاتى بوقاەۆتى قاتاڭ جۇيەگە اۋىستىرعانىن بىلگەن. بۇل سىرتقى الەممەن بايلانىستى شەكتەۋ دەگەندى بىلدىرەدى: جازاسىن وتەۋشىلەرگە تەلەفون سوعۋعا، حات الماسۋعا، ادۆوكاتپەن جانە باسقالارمەن كەزدەسۋگە تىيىم سالىنادى.

ماكس بوقاەۆ قورعاۋشىسى ونى قاتاڭ جۇيەگە اۋىستىرۋدىڭ زاڭسىزدىعىن سوتتا دالەلدەگىسى كەلەدى.

Abai.kz