بۇگىن، قاڭتاردىڭ 21-ءى كۇنى تاڭعى ساعات 7:15-تە «ماسكەۋ - استانا» باعىتىنداعى №874 ۇشاقپەن الاشتىڭ ءبىرتۋار ازاماتى، مەملەكەت جانە قوعام قايراتكەرى سماعۇل سادۋاقاسوۆتىڭ ءمايىتىنىڭ كۇلى ەلورداعا جەتكىزىلدى.

وسىعان وراي اۋەجاي عيماراتىندا قارالى جيىن ءوتىپ ءمايتىنىڭ كۇلى ەلگە ورالعان سماعۇل سادۋاقاسۇلىنىڭ ارۋاعىنا قۇران باعىشتالدى. اقىندار جىر جولدارىن ارناپ، عالىمدار جىلى ەستەلىكتەر ايتتى. «بۇگىنگى ءبىزدىڭ تاۋەلسىزدىگىمىز ول - سماعۇل سادۋاقاسوۆ سياقتى ەل ازاماتتارى اتقارعان ەڭبەكتىڭ ءادىل باعاسى. ونىڭ سۇيەگى حريستيان قورىمىندا جاتتى. بۇل ءبىزدىڭ عۇرپىمىزعا قايشى. سوندىقتان ءبىز سماعۇل سادۋاقاسوۆتىڭ سۇيەگىنىڭ كۇلىن ونىڭ ءوزى اڭساعان تاۋەلسىز قازاقستاننىڭ ەلورداسى - استانا قالاسىنا جەتكىزىپ وتىرمىز. بۇل - حالىقتىڭ ارمانى. ەندىگى مىندەت - ءبىز سماعۇلدىڭ ەڭبەكتەرىن وقىپ، سماعۇلدى تاعى پارىقتاۋىمىز قاجەت. استانا سماعۇلدى تانيتىن، سماعۇلمەن ماقتاناتىن ەلوردا بولادى دەپ سەنەمىن»، - دەدى ءوز سوزىندە باستامشىل توبىنىڭ وكىلى، پروفەسسور ديحان قامزابەكۇلى. وسىدان كەيىن سماعۇل سادۋاقاسوۆتىڭ ءمايىتىنىڭ كۇلى قويىلعان كورتەج تاۋەلسىزدىك داڭعىلىنىڭ بويىمەن ءوتتى.

استانا قالاسىنىڭ سادۋاقاس قاجى عىلماني مەشىتىنىڭ باس يمامى باقتىباي بەيسەنباەۆتىڭ حابارلاۋىنشا، جەرلەۋ ورنى انىقتالعانشا، سماعۇل سادۋاقاسوۆتىڭ ءمايىتىنىڭ كۇلى وسى مەشىتتىڭ ارنايى بولمەسىندە ساقتالادى. «ءمايىت كۇلىن جەرلەۋ ورنى انىقتالعاننان كەيىن، وعان دۇعا وقىلىپ، مۇسىلمانشا جەرلەۋ ءراسىمى وتكىزىلەدى»، - دەيدى ب.بەيسەنباەۆ.

بۇگىن، قاڭتاردىڭ 21-ءى كۇنى تاڭعى ساعات 7:15-تە «ماسكەۋ - استانا» باعىتىنداعى №874 ۇشاقپەن الاشتىڭ ءبىرتۋار ازاماتى، مەملەكەت جانە قوعام قايراتكەرى سماعۇل سادۋاقاسوۆتىڭ ءمايىتىنىڭ كۇلى ەلورداعا جەتكىزىلدى.

وسىعان وراي اۋەجاي عيماراتىندا قارالى جيىن ءوتىپ ءمايتىنىڭ كۇلى ەلگە ورالعان سماعۇل سادۋاقاسۇلىنىڭ ارۋاعىنا قۇران باعىشتالدى. اقىندار جىر جولدارىن ارناپ، عالىمدار جىلى ەستەلىكتەر ايتتى. «بۇگىنگى ءبىزدىڭ تاۋەلسىزدىگىمىز ول - سماعۇل سادۋاقاسوۆ سياقتى ەل ازاماتتارى اتقارعان ەڭبەكتىڭ ءادىل باعاسى. ونىڭ سۇيەگى حريستيان قورىمىندا جاتتى. بۇل ءبىزدىڭ عۇرپىمىزعا قايشى. سوندىقتان ءبىز سماعۇل سادۋاقاسوۆتىڭ سۇيەگىنىڭ كۇلىن ونىڭ ءوزى اڭساعان تاۋەلسىز قازاقستاننىڭ ەلورداسى - استانا قالاسىنا جەتكىزىپ وتىرمىز. بۇل - حالىقتىڭ ارمانى. ەندىگى مىندەت - ءبىز سماعۇلدىڭ ەڭبەكتەرىن وقىپ، سماعۇلدى تاعى پارىقتاۋىمىز قاجەت. استانا سماعۇلدى تانيتىن، سماعۇلمەن ماقتاناتىن ەلوردا بولادى دەپ سەنەمىن»، - دەدى ءوز سوزىندە باستامشىل توبىنىڭ وكىلى، پروفەسسور ديحان قامزابەكۇلى. وسىدان كەيىن سماعۇل سادۋاقاسوۆتىڭ ءمايىتىنىڭ كۇلى قويىلعان كورتەج تاۋەلسىزدىك داڭعىلىنىڭ بويىمەن ءوتتى.

استانا قالاسىنىڭ سادۋاقاس قاجى عىلماني مەشىتىنىڭ باس يمامى باقتىباي بەيسەنباەۆتىڭ حابارلاۋىنشا، جەرلەۋ ورنى انىقتالعانشا، سماعۇل سادۋاقاسوۆتىڭ ءمايىتىنىڭ كۇلى وسى مەشىتتىڭ ارنايى بولمەسىندە ساقتالادى. «ءمايىت كۇلىن جەرلەۋ ورنى انىقتالعاننان كەيىن، وعان دۇعا وقىلىپ، مۇسىلمانشا جەرلەۋ ءراسىمى وتكىزىلەدى»، - دەيدى ب.بەيسەنباەۆ.

ايتا كەتەيىك، جاقىندا استانا قالاسىنىڭ ءبىر توپ عالىمدارى ماسكەۋ جانىنداعى دون زيراتىنىڭ عيماراتىندا ارنايى ىدىستا ساقتالىپ كەلگەن سماعۇل سادۋاقاسوۆتىڭ ءمايىتىنىڭ كۇلىن تۋعان جەرىنە قايتارۋ ماسەلەسىن كوتەرگەن بولاتىن. ەندى، مىنە، اراعا 77 جىل سالىپ، «ەلىم!» دەپ ەڭىرەپ وتكەن قازاق جاستارىنىڭ كوشباسشىسى، 25 جاسىندا قازاق كسر-نىڭ وقۋ-اعارتۋ ءمينيسترى بولعان ازامات، گولوششەكيننىڭ گەنوتسيدىنە قارسى شىعىپ، وپات بولعان سماعۇل سادۋاقاسوۆتىڭ سۇيەگى تۋعان جەرى - قازاق دالاسىنا جەتكىزىلىپ وتىر.

«inform.kz» cايتى