Rae Ward. جاڭا زەلانديانىڭ تۇرعىنى. قاتەرلى ىسىكپەن اۋىرىپ، ءجۇرىپ-تۇرۋى قيىنداعان سəتتە ديماشتىڭ اندەرىن يۋتۋبتان "كەزدەستىرىپ", تىڭدارمانىنا اينالعان. كۇنىنە 4-5 ساعات تىڭداپ، كəدىمگىدەي əل جيناپ قالادى ەكەن. ومىرگە دەگەن قۇشتارلىعى ويانىپتى. الدىنا ماقسات قويعان. ول - ديماشتىڭ تۋعان جەرىن كورۋ. سول ءۇشىن ءتورت ايدا باسسەيندە 50 شاقىرىم ءجۇزىپ، 20 كەلىگە ارىقتاپتى.

اقتوبەگە جەتۋ ءۇشىن 5 ۇشاق اۋىستىرىپتى. قايتار جولى دا سولاي بولماق...
...قۇدايبەرگەن اعا مەن ميۋا اپا اۋىزاشار بەردءى. كورشىلەرىن جəنە ءبىزدى شاقىرىپتى. قانات پەن ديماش كوپتەن بەرى كەلىپ تۇرعاسىن دوستارىمەن قاۋىشىپ، قاۋقىلداسىپ قالسىن دەگەن نيەت.

توردە Rae Ward حانىم وتىردى. مəز. قاناتتىڭ ەت تۋراعانىن، ديماشتىڭ قۇلاق جەگەنىن، ءبىزدىڭ كەلىنشەكتەردىڭ سəلەم سالىپ، تاباق العانىن كورىپ، قاتتى تاڭعالدى. جىگىتتەر əن ايتىپ، كۇي تارتقاندا ەرەكشە ءسۇيسىنىپ وتىردى. "دايديداۋدى" əرلەگەن باقىتبەكتى، "ۇمىتىلماس كۇننىڭ" ءسوزىن جازعان ورالدى كورىپ، شاتتاندى. قاسىنداعى اۋدارماشىسى جاننۇر قارىنداسىمىزدىڭ ايتۋىنشا، كەلگەلى بەرى ەرەكشە ءبىر كۇيدە ءجۇر ەكەن. قازاقتىڭ سالت-ءدəستۇرى، باۋىرمالدىعى قاتتى ۇناپتى. "سəلەم", "راحمەت", "ساۋ بولىڭىزدى" ۇيرەنىپ الىپتى. ءبىزدىڭ وتباسىلىق ينستيتۋتىمىزعا ءتəنتى بولىپ وتىر. ء"بىز كوپ قۇندىلىقتارىمىزدان ايرىلىپ قالعانىمىزدى سەزىندىم..." - دەيدى...
63-تەگى əيەلدىڭ ەرىك-جىگەرىنە تاڭعالدىم. "مەنى اياققا تۇرعىزعان ديماشتىڭ ءəنى..." دەيدى ءوزى. "وسىنداي ۇل تۋعىزعان حالىق قانداي باقىتتى!"

باس يزەپ، قوستاپ وتىردىق. سول ديماشتىڭ ۇستىنە "كىردىڭ سۋىن" توگىپ جاتقانىمىزدى قالاي ايتايىن...

باۋىرجان باباجانۇلى

FB پاراقشاسىنان الىندى