استانا. 15 اقپان. قازاقپارات - قازاق اقپارات اگەنتتىگى رەسپۋبليكالىق باسىلىمداردا 15 اقپان، سەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

«ەگەمەن قازاقستان» باسىلىمىنىڭ بۇگىنگى سانىندا «حالىققا قامقورلىقتىڭ شىنايى كورىنىسى», - دەگەن تاقىرىپپەن ماقالا جاريالاندى. وندا  مەملەكەت باسشىسى نۇرسۇلتان نازارباەۆتىڭ الماتىعا ساپارى بارىسىندا جاڭادان پايدالانۋعا بەرىلگەن قالالىق جەدەل جاردەم كورسەتۋ اۋرۋحاناسىندا بولعاندىعى ايتىلادى. مەملەكەت باسشىسى اتالمىش نىساننىڭ جۇمىسىمەن تانىسا كەلە: «مەملەكەت تاراپىنان دەنساۋ­لىق ساقتاۋ سالاسىنا ءاردايىم كوڭىل ءبولىنىپ كەلەدى. بۇگىندە ءدارى-دارمەكتىڭ 80 پايىزى سىرت­تان اكەلىنەدى. ءبىز الداعى ۋاقىتتا سونىڭ ءبارىن وزىمىزدە دايىن­داي­تىن بولامىز. ال سىزدەردىڭ تا­راپتارىڭىزدان حالىقتى جاقسى مەديتسينالىق قىزمەتپەن قامتا­ما­سىز ەتۋ كۇتىلەدى. سونىمەن بىرگە، مەديتسينالىق جوعارى وقۋ ورىندارى دا جاقسى ماماندار دايارلاۋى قاجەت. اشىلعان جاڭا عيمارات سوڭعى ۇلگىدەگى زاماناۋي تەحنيكالارمەن جابدىقتالعان. وسىعان سايكەس حالىقتىڭ دەن­ساۋ­لىعىن جاقسارتۋعا ۇلكەن پايداسى تيەدى دەگەن ويدامىن»، - دەگەن.

استانا. 15 اقپان. قازاقپارات - قازاق اقپارات اگەنتتىگى رەسپۋبليكالىق باسىلىمداردا 15 اقپان، سەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

«ەگەمەن قازاقستان» باسىلىمىنىڭ بۇگىنگى سانىندا «حالىققا قامقورلىقتىڭ شىنايى كورىنىسى», - دەگەن تاقىرىپپەن ماقالا جاريالاندى. وندا  مەملەكەت باسشىسى نۇرسۇلتان نازارباەۆتىڭ الماتىعا ساپارى بارىسىندا جاڭادان پايدالانۋعا بەرىلگەن قالالىق جەدەل جاردەم كورسەتۋ اۋرۋحاناسىندا بولعاندىعى ايتىلادى. مەملەكەت باسشىسى اتالمىش نىساننىڭ جۇمىسىمەن تانىسا كەلە: «مەملەكەت تاراپىنان دەنساۋ­لىق ساقتاۋ سالاسىنا ءاردايىم كوڭىل ءبولىنىپ كەلەدى. بۇگىندە ءدارى-دارمەكتىڭ 80 پايىزى سىرت­تان اكەلىنەدى. ءبىز الداعى ۋاقىتتا سونىڭ ءبارىن وزىمىزدە دايىن­داي­تىن بولامىز. ال سىزدەردىڭ تا­راپتارىڭىزدان حالىقتى جاقسى مەديتسينالىق قىزمەتپەن قامتا­ما­سىز ەتۋ كۇتىلەدى. سونىمەن بىرگە، مەديتسينالىق جوعارى وقۋ ورىندارى دا جاقسى ماماندار دايارلاۋى قاجەت. اشىلعان جاڭا عيمارات سوڭعى ۇلگىدەگى زاماناۋي تەحنيكالارمەن جابدىقتالعان. وسىعان سايكەس حالىقتىڭ دەن­ساۋ­لىعىن جاقسارتۋعا ۇلكەن پايداسى تيەدى دەگەن ويدامىن»، - دەگەن.

سونداي-اق وسى باسىلىم بۇگىنگى سانىندا تاقىرىبى «تارازداعى قىمباتشىلىق نەمەسە جارمەڭكە جانعا سەپ بولا ما؟» دەپ اتالاتىن ماقالا باستى. «تاراز­دا­عى ازىق-تۇلىك باعاسى ەلىمىز­دىڭ استانا، الماتى سياقتى قالا­لارىنداعى بازار باعالارىمەن ەمىن-ەركىن تايتالاسىپ تۇر. ال وبلىس تۇرعىندارىنىڭ ايلىق جال­اقىسى رەسپۋبليكا بويىنشا ەڭ تومەنگى دەڭگەيدەن كوتەرىل­مەگەن. مىسالى، جامبىل وبلى­سىندا ورتاشا ايلىقتىڭ كولەمى 52, 1 مىڭ تەڭگە بولسا، بۇل ەلىمىزدەگى ورتاشا جالاقى دەڭگەيىنەن 32,7 پايىز تومەن دەگەن ءسوز. سون­دىقتان «تاراز بازارلارى مەن ءدۇ­كەندەرىندەگى باعاعا بايلانىستى اۋاجايىلۋشىلىقتى كىم رەتتەيدى؟ زەينەتكەرلەر مەن كوپ بالالى وتباسىلار، بيۋدجەتتىك مەكەمە قىز­مەتكەرلەرى قىمباتشىلىققا بايلانىستى ابىرجىپ جاتقاندا تاراز قالاسىنىڭ اكىمى ب. ورىن­بەكوۆ نەگە جايباراقات وتىر؟ الەۋمەتتىك ءمانى زور ازىق-تۇلىك با­عاسىن تىم كوتەرىپ جىبەرگەن الىپ­ساتارلار مەن ساۋدا دۇكەن­دە­رى باسشىلارىن تارتىپكە شاقىراتىن مەكەمەلەر نەگە قاۋقارسىز؟»، - دەلىنگەن ماقالادا.

***

«اقش يسلام الەمىمەن اراداعى بايلانىسىن قازاقستان ارقىلى تەرەڭدەتپەك». «ايقىن» باسىلىمىنىڭ بۇگىنگى سانىندا وسىنداي تاقىرىپپەن ماقالا جارىق كوردى. وندا قر مەملەكەتتىك حاتشىسى-سىرتقى ىستەر ءمينيسترى  قانات ساۋداباەۆ پەن اقش پرەزيدەنتى باراك وبامانىڭ يسلام كونفەرەنتسياسى ۇيىمى جانىنداعى ارنايى ۋاكىلى راشيد حۋسەيننىڭ كەزدەسۋىندە كوتەرىلگەن ماسەلەلەر باياندالعان. «ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىعىن ءساتتى اتقارعان قازاقستاننىڭ يسلام كونفەرەنتسياسى ۇيىمىنا جەتەكشىلىك ەتۋىنەن الەمدىك قاۋىمداستىق ۇلكەن ءۇمىت كۇتەتىن سىڭايلى. ەۋروپا ەلدەرىنىڭ باسىن بىرىكتىرگەن ىرگەلى ۇيىمنىڭ نازارىن ازيا ەلدەرىندەگى وزەكتى ماسەلەگە اۋدارا العان قازاق ەلى - ءدىن وكىلدەرىنىڭ قۇقىن قورعاۋدىڭ دا وزىق ۇلگىسىن كورسەتە بىلگەن ەل. بۇل - قازاقستان مەن امەريكا قۇراما شتاتتارىنىڭ مۇددەلەرىنە تولىق ساي كەلەدى»، - دەپ اتاپ كورسەتكەن قابىلداۋدان كەيىن ر. حۋسەين.

«كوپشىلىك كورنەكتى تۇلعانىڭ عانا سوڭىنان ەرەدى». قر پرەزيدەنتىنىڭ ساياسي ماسەلەلەر جونىندەگى كەڭەسشىسى ەرمۇحامەت ەرتىسباەۆتان الىنعان سۇحبات «ايقىننىڭ» بۇگىنگى سانىندا وسىنداي تاقىرىپپەن باسىلدى. «قازاقستان-2020» دەموكراتيالىق كۇشتەر كواليتسياسىنا توپتاسقان پارتيالار ءدۇبىرلى دودادا نۇرسۇلتان نازارباەۆتى قولدايتىندىقتارىن جاريالاپ قويدى. ال قالعان 2-3 پارتيا «Cايلاۋعا كىمدى ۇسىنساق ەكەن؟» دەگەن ساۋالعا باس قاتىرىپ ءجۇر. ولار ەشقانداي مۇمكىندىكتەرىنىڭ جوق ەكەنىن تۇسىنۋلەرى ءتيىس. قالاي بولعاندا دا وپپوزيتسيا بۇعان دەيىنگى 5 جىلدا جاساي الماعان ءىسىن سوڭعى 2 ايدا جۇزەگە اسىرا المايدى. مۇنى وپپوزيتسيانىڭ ءوزى دە جاقسى بىلەدى. سوندىقتان ولار ءۇشىن باستى مىندەت - 2-ءشى ورىن ءۇشىن كۇرەسۋ جانە سوعان تابان تىرەۋ. بۇگىندە ەشكىمگە ەسىمى بەلگىسىز، اتى-ءجونى بەيمالىم ۇمىتكەرلەر توبە كورسەتۋدە. ولار ەشقانداي ناتيجەگە جەتە المايدى. باتىس ەۋروپا، سولتۇستىك امەريكا ەلدەرىنىڭ تاجىريبەسى وسىعان دالەل بولا الادى. ەڭ كوپ دەگەندە 3 كانديدات تىركەلۋى مۇمكىن. مەن مۇنى اسپاننان الىپ وتىرعان جوقپىن، بۇل - دەموكراتياسى دامىعان باتىس ەلدەرىنىڭ تاجىريبەسى. ءوز باسىم الداعى سايلاۋدا مەملەكەت باسشىسىنىڭ 90 پايىزدان اسا داۋىس جينايتىنىنا سەنىمدىمىن. بۇعان باستاماشىل توپتىڭ ۇسىنىسىن قولداعان 5 ميلليون ادام كەپىل»، - دەپ اتاپ كورسەتكەن سۇحباتىندا ە. ەرتىسباەۆ. 

***

«الاش ايناسى» باسىلىمىنىڭ بۇگىنگى سانىندا «شىعىس ءوڭىرى ەلەكترگە دە، ەلەكترشىگە دە ءزارۋ» اتتى ماقالا باسىلدى. ماقالاعا شىعىس قازاقستان وڭىرىندە ورىن الىپ وتىرعان مىنا ءبىر ماسەلە تۇرتكى بولعان. سەمەي مەن كۋرچاتوۆ قالالارىن جىلۋىمەن قامتاماسىز ەتۋ ماسەلەلەرى ءالى دە ۇلكەن پروبلەما كۇيىندە قالىپ وتىر. سەمەيدەگى «تەپلوكومۋنەنەرگو» كمك سوڭعى ءۇش جىل بويى قىزمەت كورسەتۋ ءتاريفىن جىل سايىن كوتەرىپ كەلەدى. وسى ءۇش جىل ىشىندە كاسىپورىنعا بيۋدجەتتەن 1 ميلليارد تەڭگەدەن استام قارجى ءبولىندى. سوعان قاراماستان تۇتىنۋشىلارعا ساپاسىز قىزمەت كورسەتىپ، جىلۋدى تولىق كولەمدە بەرە الماي وتىر.

سونداي-اق اتالمىش باسىلىمنىڭ جازۋىنشا، ەڭبەك ميگرانتتارى ەلىمىزدە ەڭبەك ساۋداسىن جاساپ، قۇرىلىسقا دا بەلسەنە ارالاسىپ، ءتىپتى قىلمىسىن دا جاساپ، ەمىن-ەركىن تايراڭداۋدا. ازىرگە شەكارادان تاڭەرتەڭ ەنىپ، تۇستە قىلمىس جاساپ، كەشكە تايىپ تۇراتىن كەلىمسەكتەرگە دە توسقاۋىل قويا الماي وتىرمىز. مامانداردىڭ سوزىنە سەنسەك، ەلىمىزدە جاسالاتىن قىلمىستىڭ ەلەۋلى بولىگى ميگرانتتاردىڭ ۇلەسىندە ەكەن. بۇگىندە ماماندار «ۇيىمداسقان قىلمىستىڭ ترانسۇلتتىق سيپاتتا شىعىپ كەتۋ قاۋپى بار. اسىرەسە رەسەي مەن گرۋزيا ەڭبەك ميگرانتتارىنا قاتىستى ءوز زاڭدارىن كۇشەيتىپ، العان سوڭ، بۇكىل تمد-نىڭ بۇزاقىلارى قازاق جەرىندە تايراڭداپ ءجۇر»، - دەپ دابىل قاعىپ وتىر. بۇل ماسەلە جونىندە «الاش ايناسى» باسىلىمىنىڭ بۇگىنگى سانىنداعى «بازار باعاسىن كەلىمسەك بيلەپ تۇر» اتتى ماقالادان بىلۋگە بولادى.

***

«كازاحستانسكايا پراۆدا» باسىلىمىنىڭ بۇگىنگى سانىندا «ۆەرنۋت زەمليۋ حوزياينۋ» اتتى ماقالا جاريالاندى. ماقالاعا كەشە، پارلامەنت ماجىلىسىندە وتكەن ۇكىمەت ساعاتىندا كوتەرىلگەن ماسەلەلەر ارقاۋ بولعان. باسىلىمىنىڭ حابارلاۋىنشا، قازاقستان جەر كولەمى جاعىنان وتە ۇلكەن مەملەكەت. الايدا ونداعى اۋىل شارۋشالىعىنا باعىتتالعان جەرلەردى الىپ قارايتىن بولساق، 93,4 ميلليون گەكتار جەردىڭ 23,4 ميلليونى عانا ەگىستىك جەر ەكەن. بۇل - بىزگە قولدا بار رەسۋرستاردى كەڭىنەن پايدالانۋ قاجەت دەگەندى بىلدىرسە كەرەك. بۇل ەلىمىزدىڭ ەت ەكسپورتتايتىن ءىرى مەملەكەتتەردىڭ قاتارىنا كىرۋگە ۇمتىلىپ وتىرعان تۇسىندا ەرەكشە ماڭىزدى بولىپ وتىر.