استانا. 16 اقپان. قازتاگ - ايگۇل تۇلەكباەۆا. ەكونوميكالىق دامۋ جانە ساۋدا مينيسترلىگى (ەدسم) 2011 جىلعا ەلىمىزدىڭ باستى ماكروەكونوميكالىق ولشەمدەرىن تۇزەتتى.

«ناقتىلاۋعا 2011 جىلدىڭ قاڭتارىنداعى سالالىق ەكونوميكانىڭ دامۋ ناتيجەلەرى نەگىز بولدى. بۇل ناتيجەلەر ناقتى سەكتوردىڭ بىرقاتار سالالارى مەن قىزمەت سالاسىنىڭ قارقىندى دامىعانىن كورسەتكەن»، - دەپ ءمالىم ەتتى ەكونوميكالىق دامۋ جانە ساۋدا  مينيسترى جانار ايتجانوۆا سارسەنبى كۇنى ۇكىمەت وتىرىسىندا.

ونىڭ ناقتىلاۋىنشا، 2011 جىلى مۇنايدىڭ الەم بويىنشا ورتاشا باعاسىنا قاتىستى بولجام $65/بارر دەڭگەيىندە قالادى.

مينيستر 2011 جىلى ەكونوميكالىق ءوسىم  5% دەڭگەيىندە بولجانىپ وتىرعانىن اتاپ كورسەتتى، بۇل بۇعان دەيىنگى بولجامنان 1,9%-عا جوعارى.

ەدسم باعالاۋىنشا، 2011 جىلى ونەركاسىپ ءونىمىنىڭ كولەمى 4,8%-عا ارتادى. مۇناي ءوندىرۋ كولەمى 81 ملن توننا دەڭگەيىندە ساقتالادى.

«ونەركاسىپ ءوندىرىسىنىڭ وسۋىنە تاۋ-كەن ءوندىرۋ ونەركاسىبىندەگى 3,5% جانە وڭدەۋشى ونەركاسىپتەگى 7,3% دەڭگەيىندەگى ءوسىم اسەر ەتەدى... بۇل سۋسىنداردىڭ، حيميا ونەركاسىبى ونىمدەرىنىڭ، مۇناي ونىمدەرىنىڭ، باسقا دا مەتالل ەمەس مينەرالدىق ونىمدەردىڭ، ماشينا جاساۋ ونىمدەرىنىڭ ءوندىرىسىنىڭ ارتۋىنا بايلانىستى»، - دەلىنگەن سارسەنبى كۇنى تاراتىلعان ءمينيستردىڭ بايانداماسىندا.

استانا. 16 اقپان. قازتاگ - ايگۇل تۇلەكباەۆا. ەكونوميكالىق دامۋ جانە ساۋدا مينيسترلىگى (ەدسم) 2011 جىلعا ەلىمىزدىڭ باستى ماكروەكونوميكالىق ولشەمدەرىن تۇزەتتى.

«ناقتىلاۋعا 2011 جىلدىڭ قاڭتارىنداعى سالالىق ەكونوميكانىڭ دامۋ ناتيجەلەرى نەگىز بولدى. بۇل ناتيجەلەر ناقتى سەكتوردىڭ بىرقاتار سالالارى مەن قىزمەت سالاسىنىڭ قارقىندى دامىعانىن كورسەتكەن»، - دەپ ءمالىم ەتتى ەكونوميكالىق دامۋ جانە ساۋدا  مينيسترى جانار ايتجانوۆا سارسەنبى كۇنى ۇكىمەت وتىرىسىندا.

ونىڭ ناقتىلاۋىنشا، 2011 جىلى مۇنايدىڭ الەم بويىنشا ورتاشا باعاسىنا قاتىستى بولجام $65/بارر دەڭگەيىندە قالادى.

مينيستر 2011 جىلى ەكونوميكالىق ءوسىم  5% دەڭگەيىندە بولجانىپ وتىرعانىن اتاپ كورسەتتى، بۇل بۇعان دەيىنگى بولجامنان 1,9%-عا جوعارى.

ەدسم باعالاۋىنشا، 2011 جىلى ونەركاسىپ ءونىمىنىڭ كولەمى 4,8%-عا ارتادى. مۇناي ءوندىرۋ كولەمى 81 ملن توننا دەڭگەيىندە ساقتالادى.

«ونەركاسىپ ءوندىرىسىنىڭ وسۋىنە تاۋ-كەن ءوندىرۋ ونەركاسىبىندەگى 3,5% جانە وڭدەۋشى ونەركاسىپتەگى 7,3% دەڭگەيىندەگى ءوسىم اسەر ەتەدى... بۇل سۋسىنداردىڭ، حيميا ونەركاسىبى ونىمدەرىنىڭ، مۇناي ونىمدەرىنىڭ، باسقا دا مەتالل ەمەس مينەرالدىق ونىمدەردىڭ، ماشينا جاساۋ ونىمدەرىنىڭ ءوندىرىسىنىڭ ارتۋىنا بايلانىستى»، - دەلىنگەن سارسەنبى كۇنى تاراتىلعان ءمينيستردىڭ بايانداماسىندا.

2011 جىلى اۋىل شارۋاشىلىعىنداعى جالپى ءونىمنىڭ كولەمى 5% ارتادى، بۇل بۇعان دەيىن ماقۇلدانعان بولجامنان 1,3%-عا كوپ.

قىزمەت كورسەتۋ سالاسىنداعى ءوندىرىس كولەمى بويىنشا بولجام دا جىلدىق كورسەتكىشتە 2,3%-دان 5,5%-عا دەيىن ارتتىرىلدى.

«ناقتى سەكتوردا بولجانىپ وتىرعان جوعارى وسىمگە بايلانىستى قىزمەت كورسەتۋ سالاسىنا قاتىستى بولجام 2,3%-دان 5,5%-عا دەيىن وزگەرتىلىپ، ناقتىلاندى. ناقتىلانعان مالىمەتتەرگە سايكەس، ساۋدا كولەمى 7%-عا ارتادى، بۇل وسىنىڭ الدىنداعى بولجامنان 3%-عا كوپ، كولىك قىزمەتى 7%-عا ارتادى ( بۇرىنعى بولجامنان 4%-عا كوپ), اقپارات جانە بايلانىس قىزمەتتەرى 8%-عا ارتادى (1,8%)»، - دەلىنگەن باياندامادا.

ۇكىمەتتىڭ بولجامىنا سايكەس، سىرتقى ساۋدا اينالىمى $6 ملرد-قا ارتادى.

«بولجامعا سايكەس، 2011 جىلى ەكسپورت $59,058 ملرد قۇرايدى، بۇل بۇعان دەيىن ماقۇلدانعان بولجامنان $5,515 ملرد-قا كوپ. ەكسپورت بويىنشا جوعارى كورسەتكىشتەرگە اۋىل شارۋاشىلىق تاۋارلارى مەن نەگىزگى تاۋارلاردىڭ الەمدىك باعاسىنىڭ بولجامدارىنىڭ وسكەنى اسەر ەتتى»، - دەدى ۆەدومستۆو باسشىسى.

سونداي-اق، ونىڭ ايتۋىنشا، 2011 جىلى تاۋار يمپورتى $33,768 ملرد قۇرايدى دەپ بولجانىپ وتىر، بۇل بۇعان دەيىن ماقۇلدانعان بولجامنان $464,1 ملن-عا كوپ.