شىلدەنىڭ 8-ىندە جارىق كورگەن جارلىققا سايكەس، ەلدە 12 اسسوتسياتسيا، ءۇش گازەت جانە تەلەارنا جابىلادى. ەڭ كوپ ادام – 9 مىڭعا جۋىق قىزمەتكەر باس قاۋىپسىزدىك باسقارماسىنان جۇمىستان بوساتىلادى. سونىمەن بىرگە عىلىمي ينستيتۋتتاردا ەڭبەك ەتكەن 199 ادام جۇمىسسىز قالعان. جۇمىستان بوساعانداردىڭ بارلىعى مەملەكەتتىك قىزمەتكەرگە تيەسىلى جەڭىلدىكتەن ايرىلعان، ولارعا مەملەكەتتىك قۇرىلىمداردا جۇمىس ىستەۋگە تىيىم سالىنعان.
جۇمىستان بوساتىلعانداردىڭ ىشىندە:
- 8 998 پوليتسيا وكىلى،
- 3 077 اسكەري قىزمەتكەر،
- 1 949 اۆياتسيا قىزمەتكەرى،
- 1 126 اسكەري-تەڭىز فلوتى قىزمەتكەرى،
- 1 052 ادىلەت مينيسترلىگى قىزمەتكەرى،
- 199 اكادەميك بار.
بىراق 148 ادام ءارتۇرلى قىزمەتكە قايتا الىنعان.
وسىدان ەكى جىل بۇرىن ىسكە اسپاي قالعان مەملەكەتتىك توڭكەرىس ارەكەتىنەن كەيىن ەلدە جاريالانعان توتەنشە جاعداي ءتارتىبى وسى ايدا اياقتالادى دەپ حابارلانعان.
تۇركيا ۇكىمەتى 2016 جىلعى شىلدەنىڭ 16-سىندا 250 ادامنىڭ قازاسىنا سەبەپ بولعان مەملەكەتتىك توڭكەرىس جاساۋعا تىرىستى دەپ اقش-تا تۇراتىن تۇرىك ءدىني قايراتكەرى فەتحۋللا گۇلەندى ايىپتايدى، گۇلەن وزىنە تاعىلعان ايىپتى جوققا شىعارادى.
Abai.kz
