ەكى ەلدىڭ ۇكىمەت باسشىلارى وزبەك-تاجىك پرەزيدەنتتەرى كەزدەسۋىنىڭ جوعارى دەڭگەيدە ءوتۋىن پىسىقتاعان. سونىمەن بىرگە وزبەك باسشىسى شاۆكات ميرزياەۆتىڭ بيىل ناۋرىز ايىندا تاجىكستانعا بارعان ساپارى كەزىندە قول قويىلعان كەلىسىمدەردىڭ جۇزەگە اسىرىلۋىن تالقىلاعان.
«ءارتۇرلى دەڭگەيدە ءجۇرىپ جاتقان ەكىجاقتى قارىم-قاتىناس ناتيجەسى جوعارى كورسەتكىش بەرىپ جاتىر. 2018 جىلدىڭ العاشقى جارتى جىلدىعىندا ساۋدا اينالىمى بىلتىرعى جىلمەن سالىستىرعاندا 35 پايىزعا ءوستى»، – دەپ حابارلايدى وزبەكستان ءسىم ءباسپاسوز قىزمەتى.
ەكىجاقتى كەزدەسۋ بارىسىندا وزبەكستان تارابى تاجىكستان پرەزيدەنتىنىڭ ساپارى قارساڭىندا "تاجىكستاندا وندىرىلگەن" دەگەن كورمەنى جانە وزبەك-تاجىك بيزنەس فورۋمىن ەلىندە وتكىزۋدى قۇپتاعان.
Abai.kz
