"ساپات" قاندايدا ءبىر زاڭعى قايشى نەمەسە ەكسترەميستىك ۇيىمعا قاتىسى جوقتىعىن رەسمي تۇردە مالىمدەيدى. 1992 جىلى حالىقارالىق "ساپات" ءبىلىم بەرۋ مەكەمەسى اشىلعالى بەرى، ساپالى بىلىمىمەن كاسىبي ماماندار مەن كوشباسشىلاردى دايىنداۋ ارقىلى، ءبىزدىڭ ەلىمىزدىڭ دامۋىنا سالماقتى ۇلەسىن قوستى", دەلىنگەن حابارلامادا. ء"بىز قىرعىز رەسپۋبليكاسىنىڭ زاڭدارى اياسىندا جۇمىس ىستەيمىز. قر ءبىلىم جانە عىلىم مينيسترلىگى - "ساپات" قۇرىلتايشىلارىنىڭ ءبىرى. "ساپاتتىڭ" بارلىق ءبىلىم بەرۋ مەكەمەلەرى قر ءبىلىم جانە عىلىم مينيسترلىگىنىڭ ليتسەنزياسىنا يە. وقۋ باعدارلاماسى مەملەكەتتىك ستاندارتتارعا ساي جانە قر ءبىلىم جانە عىلىم مينيسترلىگىمەن بەكىتىلگەن".
ەسكە سالايىق، 13 شىلدەدە تۇركيانىڭ قىرعىزستانداعى ەلشىسى جەنگيز كاميل فىرات جۋرناليستەرمەن كەزدەسىپ، "سەبات" ("ساپات") تۇرىك مەكتەپتەرى مەن ليتسەيلەرىن، سونىمەن بىرگە بىشكەكتەگى "الا-توو" ۋنيۆەرسيتەتىن گۇلەن جاقتاستارى قۇرعان دەپ مالىمدەدى. ونىڭ پىكىرىنشە، "مۇنداي قۇرىلىمدار الەمنىڭ 171 ەلىندە قۇرىلعان" جانە "2016 جىلى شىلدەدە تۇركيادا بولعان جاعداي ولاردا دا قايتالانباسىنا ەشكىم كەپىلدىك بەرە المايدى".
2016 جىلى تۇركيا قىرعىزستاندا گۇلەنشىلەردىڭ ىقپالى زور دەپ، ۇكىمەتتى ولاردىڭ قىزمەتىن دوعارۋعا شاقىردى. قىرعىزستاننىڭ سول كەزدەگى باسشىلىعى انكارا ءوتىنىشىن ورىنداۋدان باس تارتتى. سول كەزدەگى ەل پرەزيدەنتى المازبەك اتامباەۆ بۇعان سىنمەن جاۋاپ بەرىپ، تۇرىك بيلىگى قىرعىزستاننىڭ ىشكى ىسىنە ارالاستى دەپ مالىمدەگەن.
قىرعىزستاندا گۇلەن جاقتاستارى اشقان دەلىنەتىن بىرنەشە ءبىلىم، مادەني جانە قايىرىمدىلىق ۇيىمدارى جۇمىس ىستەيدى. ولاردىڭ ەڭ ءىرىسى - حالىقارالىق "سەبات" ءبىلىم مەكەمەسى - 2017 جىلى جەرگىلىكتى ۇيىم رەتىندە قايتا تىركەۋدەن ءوتىپ، اتاۋىن "ساپات" دەپ وزگەرتتى.
Abai.kz
