قازاق حالقىنىڭ ازاتتىعى ءۇشىن الدارىنا ۇلى ماقسات قويىپ، «ءتىرى بولسام، قازاققا قىزمەت ەتپەي قويمايمىن!» دەپ سەرت ەتكەن ۇلت ارداگەرلەرىنىڭ كوش باستاۋىندا، قاينار كوزىندە الاش جۇرتى ەكى دۇنيەدە اتىن ۇران عىپ ايتار، ونەگەسىن ومىرلىك ۇستانىمعا اينالدىرار ءاليحان نۇرمۇحامەدۇلى بوكەيحان تۇر.حح عاسىردىڭ باسىندا ءبۇتىن ۇلتتى قايتا تۇلەتكەن، اتتان تۇسكەن الاشتىڭ جاڭا زامانداعى ۇلت-ازاتتىق كۇرەسىنىڭ قولباسشىسىنا اينالعان ءارى بۇگىنگى ءبىز الشاڭداي باسىپ جۇرگەن الىپ دالانىڭ ءتورت قۇبىلاسىن بۇتىندەپ زاڭدى ەتكەن، قازاق عىلىمى مەن ادەبيەتىنىڭ، ساياسي مەكتەبىنىڭ نەگىزىن قالاعان ازاماتتاردىڭ التىن قازىعىنا اينالعان ءاليحان بوكەيحاننىڭ 5-ءشى ناۋرىز دۇنيە ەسىگىن اشقان كۇنى. بيىل - 145 جىلدىعى.

ءبىز ءۇنسىزبىز. جو-جوق، جۇدىرىقتاي جۇرەگىمىز «الاش» دەپ اتقاقتاپ، الپىس ەكى تامىرىمىز «قازاق» دەپ سوعىپ تۇر. جان-دۇنيەمىز «جاساسىن، الاش!» دەپ موداناقتاي جەر شارىن جاڭعىرىقتاندىرىپ جاتىر. و باستان وياۋ سانامىزدا الاشتىڭ جولى سايراپ تۇر. ويىمىزدى، بويىمىزدى اياۋلى اليحانعا قاراپ تۇزەپ تۇرمىز. قاپاسقا تۇسكەن ساۋلەدەي، ماڭگى جانعان شامشىراقتاي الدىمىزدا - ءاليحان!

قازاق حالقىنىڭ ازاتتىعى ءۇشىن الدارىنا ۇلى ماقسات قويىپ، «ءتىرى بولسام، قازاققا قىزمەت ەتپەي قويمايمىن!» دەپ سەرت ەتكەن ۇلت ارداگەرلەرىنىڭ كوش باستاۋىندا، قاينار كوزىندە الاش جۇرتى ەكى دۇنيەدە اتىن ۇران عىپ ايتار، ونەگەسىن ومىرلىك ۇستانىمعا اينالدىرار ءاليحان نۇرمۇحامەدۇلى بوكەيحان تۇر.حح عاسىردىڭ باسىندا ءبۇتىن ۇلتتى قايتا تۇلەتكەن، اتتان تۇسكەن الاشتىڭ جاڭا زامانداعى ۇلت-ازاتتىق كۇرەسىنىڭ قولباسشىسىنا اينالعان ءارى بۇگىنگى ءبىز الشاڭداي باسىپ جۇرگەن الىپ دالانىڭ ءتورت قۇبىلاسىن بۇتىندەپ زاڭدى ەتكەن، قازاق عىلىمى مەن ادەبيەتىنىڭ، ساياسي مەكتەبىنىڭ نەگىزىن قالاعان ازاماتتاردىڭ التىن قازىعىنا اينالعان ءاليحان بوكەيحاننىڭ 5-ءشى ناۋرىز دۇنيە ەسىگىن اشقان كۇنى. بيىل - 145 جىلدىعى.

ءبىز ءۇنسىزبىز. جو-جوق، جۇدىرىقتاي جۇرەگىمىز «الاش» دەپ اتقاقتاپ، الپىس ەكى تامىرىمىز «قازاق» دەپ سوعىپ تۇر. جان-دۇنيەمىز «جاساسىن، الاش!» دەپ موداناقتاي جەر شارىن جاڭعىرىقتاندىرىپ جاتىر. و باستان وياۋ سانامىزدا الاشتىڭ جولى سايراپ تۇر. ويىمىزدى، بويىمىزدى اياۋلى اليحانعا قاراپ تۇزەپ تۇرمىز. قاپاسقا تۇسكەن ساۋلەدەي، ماڭگى جانعان شامشىراقتاي الدىمىزدا - ءاليحان!

قالىڭ قازاققا قاناتىمەن سۋ سەپكەن قارلىعاشتاي «قازاق» گازەتىن اشقان دا الەكەڭ ەدى. سول «قازاق» گازەتىنەن باستالعان قازاقتىڭ ءسوزى ولگەن جوق! قازىرگى قازاق ءباسپاسوزى قازاقتىڭ قامال قورعانىنا اينالدى. كەز-كەلگەن مەملەكەتتىك ءھام ۇلت ماسەلەسىندە جۇمىلعان جۇدىرىقتاي ەلدىڭ مۇددەسىن العا شىعارىپ، بىرلىكتە بيلىككە دە ىقپال ەتىپ وتىرعان قازاقتىڭ ءباسپاسوزى.

عاسىر وتسە دە قازاقتىڭ «كوزى، قۇلاعى، ءھام ءتىلى» بولىپ كەلە جاتقان قازاق ءباسپاسوزى اسا ارداقتى ءاليحان بوكەيحاننىڭ اتاۋلى مەرەيتويىن اتاۋسىز قالدىرماق ەمەس.

ەندەشە، قالام ۇستاعان قازاقتىڭ ۇل-قىزى، ءاليحان بوكەيحاننىڭ ءىسى مەن ونەگەسىن ازات الاشتىڭ جادىندا قايتا جاڭعىرتىپ، 145 جىلدىعىن ۇلى دالا توسىندە ۇلان-اسىر توي ەتىپ وتكىزۋگە ۇيىتقى بولۋ ءبارىمىزدىڭ ورتاق، قاسيەتتى پارىزىمىز!

مىنە، وسى ءىستىڭ ۇدەسىنەن شىعۋعا ءاربىر گازەت-جۋرنال، راديو مەن تەلەارنا ءاليحان بوكەيحاننىڭ قىزمەتى مەن ءومىرىن التى الاشقا جار سالا جازسا، ايتسا دەگەن ءوتىنىش بار. بۇل  ورتاق تالاپ!

ۇلى تۇلعاسىن ۇلىقتايتىن، اسىلىن ارداقتايتىن، ۇلتتىڭ ءۇنى ەكەنىمىزدى دوستى ءسۇيسىنتىپ، دۇشپاندى كۇيىنتىپ، تاعى ءبىر مارتە ايعاقتاي پاش ەتەتىن ءسات تۋدى. ءاليحان ءۇشىن ايانبا، الاش قالامى!

«اباي-اقپارات»

رەداكتسيادان:

قۇرمەتتى ارىپتەستەر!

ءاليحان نۇرمۇحامەدۇلى بوكەيحاننىڭ ءومىرى مەن ساياسي قىزمەتى، شىعارماشىلىعىنا قاتىستى دەرەكتەر، زەرتتەۋلەر، ماقالالار، سۋرەت قاجەت بولسا، abai.kz سايتىنىڭ «الاشوردا» بولىمىنەن الىپ پايدالانۋلارىڭىزعا بولادى. نەمەسە رەداكتسياعا حابارلاسىڭىزدار. بايلانىس تەلەفونى: 8 727 396 90 71