الماتىدا كولىك توناۋمەن اينالىسىپ جۇرگەن ەكى جىگىت ۇستالدى، دەپ حابارلايدى ءىىد ءباسپاسوز قىزمەتى.

ولار مەجەلى جەرگە جەتكەنشە تاكسي جۇرگىزۋشىسى مەن جولاۋشىلاردىڭ ۇيالى تەلەفوندارى مەن ءامياندارىن ۇرلاپ وتىرعان.

«كۇدىكتىلەر نەگىزىنەن 200-300 تەڭگە تولەپ، از قاشىقتىققا وتىراتىن بولعان. وسى ۋاقىت ارالىعىندا سالونداعى بارلىق مۇلىكتى الىپ كەتىپ وتىرعان. كەي كۇندەرى جۇمىسقا جالعىز شىقسا، ەكى كۇندەرى جۇبىمەن شىعىپ وتىرعان. ۇرلاعان زاتتارىن لومباردقا وتكىزگەن، ال اقشانى ءوز ماقساتتارىنا جۇمساعان»، - دەيدى المالى اۋداندىق ءىىب باسشىسى دانيار مەندەباەۆ.

كۇدىكتىلەردىڭ ءبىرى 21 جاستا بولسا، ەكىنشىسى 19 جاستا.

«ۇلكەنى بۇرىن دا كىسى مۇلكىن ۇرلاعانى ءۇشىن ءىستى بولعان. تەك المالى اۋدانىنىڭ وزىندە وسىعان ۇقساس 10 قىلمىستىق ەپيزودقا قاتىسى بار ەكەنى انىقتالدى. باسقا دا قىلمىستارعا قاتىسى تەكسەرىلىپ جاتىر»، - دەدى پودپولكوۆنيك مەندەباەۆ.

Abai.kz