رەسمي شاراعا ەلدىڭ ەكس-پرەزيدەنتتەرى، دەپۋتاتتارى، ۇكىمەت مۇشەلەرى مەن مادەنيەت، سپورت وكىلدەرى جانە باسقا دا قوناقتار شاقىرىلعان.

مەرەكەلىك شارالار قىرعىزستاننىڭ بارلىق اۋماعىندا اتاپ ءوتىلىپ جاتىر.

قىرعىزستان سسسر قۇرامىنان تاۋەلسىزدىكتى 1991 جىلى الدى. ەلدىڭ تۇڭعىش پرەزيدەنتى اسقار اقاەۆ بيلىكتە 15 جىلدان استام ۋاقىت وتىرىپ، 2005 جىلدىڭ 24 ناۋرىزىندا قۋىلدى. سول جىلى ونىڭ ورنىن باسقان قۇرمانبەك باكيەۆ تە 2010 جىلى توڭكەرىستەن كەيىن، ەلدەن كەتۋگە ءماجبۇر بولدى.

ۋاقىتشا ۇكىمەتتى باسقارعان روزا وتىنباەۆا 2010 جىلدىڭ ءساۋىر وقيعاسىنان كەيىن، 27 ماۋسىمدا بۇكىلحالىقتىق رەفەرەندۋمدا مەملەكەت باسشىسى بولىپ تاعايىندالدى. ءبىر جىلدان كەيىن ول بيلىكتى المازبەك اتامباەۆقا تاپسىردى. ول قىرعىز رەسپۋبليكاسىن 2017 جىلعا دەيىن بيلەدى. وسى جىلدىڭ قازان ايىندا سوورونباي جەەنبەكوۆ پرەزيدەنت بولىپ سايلاندى.

قۇتتىقتاۋ سوزىندە پرەزيدەنت سوورونباي جەەنبەكوۆ بوستاندىق سىيلىققا بەرىلمەيدى، ول ۇزدىكسىز كۇرەستىڭ ناتيجەسىندە بولادى دەدى.

ەل كونستيتۋتسياسىنا سايكەس قىرعىزستان - دەموكراتيالىق، قۇقىقتىق، مەملەكەتتىك باسقارۋعا ءدىن ارالاسپايتىن، ۋنيتارلىق، سوتسيالدىق مەملەكەت بولىپ سانالادى.

Abai.kz